Roma 11:2 - Manobo Sarangani

² Wedà tinàyog se Timanem te menge Judiyo, sìyan pinemallì din gebii. Netegahan tadon iyan so doen insolat diyà te kagi te Timanem tepad te inikagi te telekeliwat te kagi te Timanem si Elias gebii. Pegtawal-tawal din diyà te Timanem, mig-indan sikandin tepad te medaet ininang te menge doma din Judiyo,

Roma 11:2 ပူးပေါင်းရင်းမြစ်များ

1 Pedro 1:2

Pineokit te ibeg te Timanem Amay tadon gebii, pinemallì kaw din aw ininang kaw din egpenimanem pineokit te tabang te Espiritu Santo amon meketolò kaw ki Jesu Cristo, so pineokit te dipanog din, lininisan kaw den lekat te salà. Ibeg ko, labi kaw pa tebangan te Timanem, aw labi pa melinaw se pedowan niyo.

Roma 9:23

Yan se ininang din amon ipetaga-taga din diyà te kedita tadon neidowan din te ontò sikandin mèpiya, so impetagad kidon din amon begayan kidon din te kèpiyaan doton te langit.

Ininang 3:17

“Menge kedowa ko, netegahan ko te impeimatay niyo si Jesus so wedà niyo ketegahi te sikandin se Misiyas. Wedà heman ketaga-taga se menge otaw limowan kenyo.

Genesis 44:15

Minikagi si Jose, “Nengà lay mig-inang kaw te medaet seini? Wedà kaw besi ketaga-taga te mebatog ko kitaen se ininang niyo pineokit te peg-etok.”

Roma 9:6

Nayan, pengkey doen menge Judiyo wedà salig diyà ki Cristo, meneng eked a ikagi te wedà ketoman te Timanem se pakang din. Kenà kedita te bowad-bowad i Israel se pinemallì te Timanem.

Ininang 13:48

Pegdineg te menge otaw kenà Judiyo kenyan, ontò dan neluba aw dimuyun dan te Timanem tepad te inikagi i Pablo. Nemenal se kedita te otaw neibeg te kaling pedowan wedad temanan.

Ininang 7:40

Pegtikedeg i Moises te bontod, nemoyò dan diyà ki Aaron, ‘Inangi kay te inotaw amon doen mengibing kenami, so wedà day ketegahi aw nemeno si Moises, sìyan nengibing kenitadon lekat te Ehipto.’

Juan 4:11

Minikagi se bayi, “Sir, wedad kamno segaday, aw mediyò heman se wayeg doton didalem te sokian. Kenan no lay ebati se wayeg egpemegay te pedowan?

Luc. 4:1

Egbeyà-beyaan si Jesus te Espiritu Santo. Pegkesayo din lekat te wayeg te Jordan, inibing sikandin te Espiritu Santo doton te kebigtilan.

Menge Hebreo 1:1

Gebii, pineokit te menge telekeliwat te kagi te Timanem se peg-ikagi din diyà te menge kemonaan tadon Judiyo. Mekedita se peg-ikagi diyà kandan, aw medita se kinemoloan te peokit te peg-ikagi din kandan.

Filipos 1:22

Aw menamay pa se pegkematay ko, doen pa dakel mebatog ko inangen ki Cristo. Meneng wedà ko ketegahi aw eden se mèpiya pemellien ko.

Ininang 15:18

Yan se kagi te Pengolo impetaga-taga din gebii.’

1 Korinto 6:2

Iling te nelibelan niyo den te sikitadon egpemenal se megdoma ki Cristo meg-okom te kedita te otaw te keneyonan te modi aldaw. Aw okomen tadon kwani se kedita te otaw, mepakay kaw heman meg-osay te deitek egkeinang te doma sakop te Timanem songkani.

Mar. 12:26

Wedà kaw ketaga-taga te metoman meantay se otaw lekat te nematay, so wedà kaw besi pegbasa te libro insolat i Moises gebii. Pegsolat din tepad te pegpekità te Timanem diyà kandin kidoen te sagbet limegdeg, minikagi se Timanem diyà kandin, ‘Siak se Timanem gayed egseligan i Abraham, aw si Isaac, aw si Jacob.’

Roma 6:16

Netegahan niyo den, aw megpeallang kaw diyà te doma otaw, keilangan tomolò kaw kandin. Iling heman kenyan, aw meallang se otaw diyà te salà, detengan sikandin te kemetayun wedad temanan. Meneng aw tomolò se otaw te Timanem, eneng-enengen te Timanem te metòlid sikandin.

1 Korinto 8:3

Meneng se otaw dakel se pedowan din diyà te Timanem, yan se otaw ipetaga-taga te Timanem te batà din den.