Roma 10:9 - Manobo Sarangani

⁹ Aw mikagi kaw te benal migpesakop kaw den diyà te Pengolo tadon si Jesus, aw memenal kaw te inantay sikandin te Timanem lekat te nematay, yan mekelowà kaw lekat te pelumun te Timanem.

Roma 10:9 ပူးပေါင်းရင်းမြစ်များ

Luc. 12:8

“Penenalan kaw te kagi ko seini. Aw mikagi se otaw diyà te doma te ontò sikandin migpesakop diyà kanak Timanem Migpekeotaw, mikagi a heman diyà te menge anghil te Timanem te sakop ko sikandin.

Ininang 16:31

Timaba dan, “Pemenal ka te Pengolo si Jesus amon mekelowà ka lekat te salà, sikona aw menge doma otaw eg-ogpà diyà te balay nikaw.”

Filipos 2:11

So mikagi se kedita niyan te si Jesu Cristo se Pengolo te kedita dan, Aw yan iduyun dan se Timanem Amay.

1 Pedro 1:21

Pineokit ki Cristo, nemenal kaw den te Timanem mig-antay kandin lekat te nematay aw mig-inang kandin melangkaw doton te langit. Timanem den se egseligan niyo te doen egpelimanan niyo doton te langit.

Roma 8:34

Wedad palos heman mekeikagi te keilangan ipelumun kidon. Nematay si Jesu Cristo simelilin kenitadon. Meneng neantay heman sikandin lekat te nematay, aw eglowan den sikandin doma te Timanem Amay din doton te langit, aw egpemoyò den sikandin diyà te Timanem Amay din te itabang din kenitadon.

Roma 14:11

Netegahan tadon te benal iyan, so mebasa tadon se kagi te Pengolo tadon kidoen te kagi te Timanem insolat, “Metoman se kagi ko kenyo seini. Doen aldaw domateng te lomongken se kedita te otaw diyà kanak. Domuyun se kedita te otaw te Timanem.”

1 Korinto 12:3

Megtoladà a den kenyo amon ketegahan niyo aw Espiritu Santo se egbayà-bayà te otaw. Aw doen otaw menollon ki Jesus, ketegahan niyo te kenà Espiritu Santo se egbayà-bayà kandin. Meneng aw mikagi se otaw te si Jesus se Pengolo din, yan ketegahan niyo te Espiritu Santo se egbayà-bayà kandin.

2 Juan 1:7

Medita se otaw eglegeb dini te keneyonan aw eg-akal dan te doma otaw, so kenà dan egtoladà te kebenalan tepad te pegpekeotaw i Jesu Cristo. Iling kenyan se eg-ikegiyen te otaw eg-akal aw eg-ato ki Cristo.

Juan 9:22

Yan se inikagi te amay aw inay din, so nelemitan dan te menge obanen te Judiyo. Tapay migsebad se menge obanen te eked den dan peopi te simbahan se otaw mikagi te si Jesus se Misiyas.

Ininang 8:36

Wedà kenamay, dimateng dan doton te wayeg. Minikagi se tege Etyopya, “Doen wayeg dini. Mepakay lay aw bonyagan a no?” [

Ininang 2:24

meneng inantay sikandin te Timanem lekat te nematay. Impelowà din si Jesus diyà te kemetayun, so eked daeg se kemetayun kandin.

Ininang 2:32

Netoman den iyan, so inantay te Timanem si Jesus lekat te nematay, aw kinità te kedita day te neantay sikandin lekat te nematay.

Roma 4:24

so detengan kidon heman. Eneng-enengen heman te Timanem te metòlid se kedita tadon egpemenal te Timanem mig-antay te Pengolo tadon si Jesus lekat te nematay.

Roma 10:10

Aw melobos se pedowan tadon te pegsalig tadon diyà ki Cristo, yan eneng-enengen te Timanem te metòlid kidon. Aw meg-indan kidon te menge doma otaw te benal simalig kidon den diyà ki Jesu Cristo, yan ipelowà kidon din lekat te pelumun din.

Roma 14:9

Yan se doun te nematay si Cristo aw neantay heman sikandin lekat te nematay, amon lomowan sikandin diyà te kedita tadon te wedà kidon kematay, aw te pegkematay tadon heman.

1 Juan 4:15

Se otaw mikagi te benal Batà te Timanem si Jesus, yan se otaw doen Timanem diyà kandin, aw diyà heman sikandin te Timanem.