Roma 10:3 - Manobo Sarangani

³ Wedà dan ketegahi te doen peokit ininang te Timanem amon eneng-enengen din te metòlid dan. Yan ininang dan beling se kandan peokit. Meneng wedà eneng-enengi te Timanem te metòlid dan, so wedà dan taking te peokit ininang din.

Roma 10:3 ပူးပေါင်းရင်းမြစ်များ

Filipos 3:9

aw amon meinang a sakop din. Wedà peg-aneng-aneng se Timanem te metòlid a pineokit te pegtolò ko te menge punù ingkeliwat i Moises, meneng eg-aneng-aneng se Timanem te metòlid a pineokit olò te pegsalig ko ki Cristo, so eneng-enengen te Timanem te metòlid se kedita te otaw somalig ki Cristo.

Luc. 16:15

Meneng minikagi si Jesus, “Sikiyo se egpelingo-lingo te metòlid se eg-inangen niyo, meneng netaga-taga se Timanem te medaet se pedowan niyo. Pengkey megpelangkaw-langkaw kaw, meneng ontò iyan medaet diyà te Timanem.

2 Korinto 5:21

Pengkey wedad salà i Cristo, meneng impelumun sikandin te Timanem tandà te salà tadon, amon eneng-enengen te Timanem te metòlid kidon pineokit te pegpesakop tadon diyà ki Cristo.

Roma 5:19

Wedà tolò si Adam te Timanem, aw yan se doun te kinetinan se kedita te otaw te salà. Meneng timolò si Jesu Cristo te Timanem, aw yan se doun te medita se otaw eneng-enengen te Timanem te metòlid dan.

Roma 1:17

Pineokit te Mèpiya Indan tepad ki Cristo, impetaga-taga te Timanem te eneng-enengen din te metòlid se otaw aw memenal dan, so doen kagi te Timanem insolat gebii, kagi din, “Se menge otaw eneng-enengen te Timanem te metòlid dan pineokit te pegpemenal dan, yan se begayan te Timanem te kaling pedowan wedad temanan.”

Roma 3:22

Eneng-enengen te Timanem te metòlid kidon pineokit te pegpemenal tadon ki Jesu Cristo. Yan se inangen din diyà te kedita te otaw memenal, pengkey Judiyo aw otaw kenà Judiyo, so onawa se kedita te otaw.

Luc. 10:29

Meneng ibeg te otaw sìyan, ipetaga-taga din te metòlid se eg-inangen din, aw yan se doun te mig-insà sikandin, “Sinu lay se doma otaw keilangan kedekelan ko te pedowan?”

2 Pedro 1:1

Se solat seini lekat kanak si Simon, doma ngadan ko si Pedro. Sineligan a i Jesu Cristo aw ininang a sogounun din. Seini se solat ko diyà te kedita niyo simalig diyà ki Jesu Cristo. Sikandin se Timanem egpelowà kenitadon. Tandà te ketòlid din, ininang kaw din heman otaw simalig diyà kandin iling te pegsalig day diyà kandin.

Roma 3:26

Meneng songkani wedad salà eked din pelumuni amon ipetaga-taga din kenitadon te metòlid sikandin, aw eneng-enengen din te metòlid se teg sebad-sebad otaw egpemenal ki Jesus.

Roma 10:2

Netegahan ko te ontò dan measeb tomaking te ketanem pinemenalan dan tepad te Timanem. Meneng wedà dan ketaga-taga te kebenalan.

Roma 10:20

Labi pa mebangal se kagi te Timanem insolat i Isaias tepad te menge otaw kenà Judiyo, kagi din, “Kinità a te menge otaw wedà pengemahà kanak. Pengkey wedà dan peg-insà tepad kanak, meneng migpekità a den diyà kandan.”

Roma 11:7

Yan se doun te netegahan tadon den ini. Pengkey ibeg te keditaan te Judiyo eneng-enengen te Timanem te metòlid dan pineokit te pegtolò dan te menge punù ingkeliwat i Moises, meneng wedà dan iyan kebatog. Pilabok olò se Judiyo pinemallì te Timanem, aw yan se otaw inaneng-aneng din te metòlid dan. Meneng wedà pegpetaga-taga se Timanem te kebenalan diyà te doma Judiyo,