Roma 1:9 - Manobo Sarangani

⁹ Netegahan te Timanem te melobos se pedowan ko kandin te pegtoladà ko te Mèpiya Indan tepad te Batà din si Jesu Cristo. Netegahan din te gayed a egtawal-tawal diyà kandin tepad kenyo.

Roma 1:9 ပူးပေါင်းရင်းမြစ်များ

Efeso 6:18

Pengkey eden se domateng kenyo, keilangan gayed kaw megtawal-tawal pineokit te tabang te Espiritu Santo. Pemoyò kaw te kelidoan niyo diyà te Timanem. Peg-ahà kaw amon eked kaw lengà. Pegtawal-tawal kaw tepad te kedita te sakop te Timanem.

2 Timoteo 1:3

Wedad ikeyàyà ko diyà te Timanem egtoloen ko iling te pegtolò te menge kemonaan ko kandin. Aldaw aw delem, gayed a egpesiontong diyà kandin tepad kamno te pegtawal-tawal ko diyà kandin.

Roma 9:1

Nayan, doen den ipetaga-taga ko kenyo seini. Ontò iyan benal, so migpesakop a diyà ki Cristo. Netegahan ko te kenà kebolalaw se kagi ko kenyo seini, so egbeyà-beyaan a te Espiritu Santo.

1 Tesalonika 5:17

Keilangan gayed kaw megtawal-tawal diyà te Timanem.

2 Korinto 1:23

Na, wedà a deleg doton kenyo amon eked a pemegay kenyo te lidò pineokit te pegsagda ko kenyo. Labi pa mèpiya aw megselsel kaw te eked a pa doton. Pinemoyò ko se Timanem megsistigos te ontò benal se inikagi ko seini.

1 Tesalonika 3:10

Pengkey aldaw aw delem, gayed kay egtawal-tawal diyà kandin aw egpemoyò kay te mekebatog kay komità kenyo amon meketabang kay kenyo aw kolang pa se pegtaking niyo kandin.

1 Tesalonika 1:2

Gayed kay egpesiontong diyà te Timanem tepad te kedita niyo, aw gayed kay heman egtawal-tawal tepad kenyo.

Filipos 3:3

Meneng sikitadon se doen pengilala te ontò kidon sakop te Timanem, so egsimba kidon te Timanem pineokit te tabang te Espiritu Santo, aw doen den keluba tadon lekat ki Jesu Cristo. Impelowà kidon den lekat te salà, meneng kenà iyan pineokit te pegtolò tadon te punù ingkeliwat i Moises.

Filipos 1:4

Gayed neluba se pedowan ko te kelikit ko egtawal-tawal diyà te Timanem tepad te kedita niyo.

Ininang 27:23

So tengà te delem, doen anghil migpekità diyà kanak insogò te Timanem egsimbahen ko aw migsakop kanak.

Ininang 19:21

Penga niyan, ibeg i Pablo domoton te Jerusalem mokit te Masidonya aw Gresya. Minikagi sikandin, “Penga te peggemaw ko doton te Jerusalem, keilangan domeleg a doton te Roma.”

1 Timoteo 2:7

Yan se doun te ininang a sogounun i Cristo megtoladà te menge otaw kenà Judiyo, amon metaga-taga dan te keilangan memenal dan te kebenalan. Kenà kebolalaw se eg-ikegiyen ko, meneng kebenalan iyan.

Filipos 2:22

Meneng netegahan niyo den te egkeseligan si Timoteo, so iling te pegtelaban te batà te amay din se pegtelaban i Timoteo kanak te pegtoladà ko te Mèpiya Indan tepad ki Cristo.

Galasya 1:20

Ontò benal se insolat ko kenyo seini. Netegahan te Timanem te kenà ini kebolalaw.

2 Korinto 11:31

Kenà kebolalaw se indan ko, aw netegahan iyan te Timanem, Amay te Pengolo tadon si Jesu Cristo. Iduyun sikandin te wedad temanan.

Ininang 24:14

Eg-ikagi a te benal diyà kamno. Egsimbahen ko se Timanem egseligan te kemonaan day. Se kebenalan egtekingan ko, yan son dan se kebolalaw. Egtolò a te kedita te punù ingkeliwat i Moises aw menge doma telekeliwat te kagi te Timanem.

Ininang 12:5

Dalem te pegkeleboso ki Pedro, ontò migtawal-tawal se menge otaw egpemenal diyà te Timanem tepad kandin.

Ininang 3:26

Sikitadon onà se sinogoan te Timanem ki Jesus amon tebangan kidon aw megselsel kidon te salà.”

Luc. 18:1

Mig-indan si Jesus te tegdeyanan amon ketoledaan dan te keilangan gayed dan megtawal-tawal amon eked dan lengà.

Mar. 1:1

Seini se keteboan te Mèpiya Indan tepad te Batà te Timanem, si Jesu Cristo.

Filemon 1:4

Kedowa ko, Filemon, gayed a egpesiontong diyà te Timanem tepad kamno te kelikit te pegtawal-tawal ko,

Filipos 1:3

Gayed a egpesiontong diyà te Timanem te kelikit ko eg-aneng-aneng kenyo.