Roma 1:3 - Manobo Sarangani

³ Yan se Mèpiya Indan tepad te Batà din si Jesu Cristo migpekeotaw aw timebaw sebad bowad-bowad te selotan gebii si David.

Roma 1:3 ပူးပေါင်းရင်းမြစ်များ

Mat. 1:1

Seini se ngadan te menge kemonaan i Jesu Cristo. Si Jesus se sebad diyà te menge bowad-bowad i David, aw menge bowad-bowad i Abraham.

Galasya 4:4

Meneng pegdateng te aldaw tapay pinemallì te Timanem, insogò din dini te keneyonan se Batà din aw impekeotaw din amon pineokit kandin inangen kidon menge batà te Timanem. Insogò si Jesus doton te menge Judiyo aw ontò timolò te punù ingkeliwat i Moises amon ipelowà din se menge otaw egtolò te punù sìyan.

Juan 1:14

Migpekeotaw sikandin iningedanan Kagi te Timanem, aw mig-ogpà sikandin doma kenami. Kinità day se kelangkaw din. Ontò sikandin melangkaw so sikandin se temisa Batà te Amay din. Ontò sikandin egpenabang, aw ontò benal se kagi din.

Juan 1:49

Minikagi si Natanael, “Sir, sikona se ontò Batà te Timanem. Ontò sikona se selotan impakang amon lomowan diyà kenami menge bowad-bowad i Israel.”

Luc. 1:35

Timaba se anghil, “Domateng se Espiritu Santo kamno, aw ketebangan ka te tolos te Timanem. Yan se doun te menimanem se batà tomebaw kamno, aw sikandin se Batà te Timanem.

Genesis 3:15

Inangen ko sikiyo megpepoonay, sikona aw bayi, kamno sakop aw kandin bowad-bowad. Bonalan te bowad-bowad din se olo nikaw, aw bengaen no se palo din.”

1 Tesalonika 1:10

Egpeliman kaw den ekon te peglikò te Batà din lekat te langit. Yan si Jesu Cristo inantay te Timanem lekat te nematay. Si Jesu Cristo heman se megpelowà kenitadon lekat te pelumun te Timanem te modi aldaw.

Roma 9:5

Nedengeg se menge kemonaan dan pinemallì din gebii. Pegpekeotaw te Misiyas, timebaw sikandin diyà te kandan pongan. Sikandin se Timanem eglowan diyà te kedita. Iduyun sikandin te wedad temanan. Metoman iyan.

Juan 20:28

Meneng olò minikagi si Tomas, “Sikona se Pengolo ko. Sikona se Timanem ko.”

Juan 10:30

Siak aw Amay ko migsebad.”

Mat. 1:16

Si Jacob se amay i Jose. Si Jose se esawa i Maria inay i Jesus. Si Jesus se ginulal Misiyas insogò te Timanem.

2 Timoteo 2:8

Peg-aneng-aneng ka tepad ki Jesu Cristo. Neantay sikandin lekat te nematay, aw bowad-bowad sikandin i David. Yan se Mèpiya Indan ipegtoladà ko.

1 Korinto 1:9

Egkeseligan se Timanem aw tinawal kaw din amon megsebad se pedowan niyo diyà te Batà din si Jesu Cristo Pengolo tadon.

Ininang 2:30

Meneng te wedà pa kematay si David, sikandin se telekeliwat te kagi te Timanem. Doen impakang te Timanem te meinang selotan se sebad bowad-bowad i David, amon doen selotan lomowan iling te peglowan i David.

Juan 20:31

Meneng insolat ko ini amon memenal kaw den te si Jesus se Misiyas megpelowà kenitadon aw sikandin se Batà te Timanem. Aw memenal kaw kandin, begayan kaw te kaling pedowan wedad temanan.

Juan 10:36

eden niyo aw migtompuyus a te Timanem pineokit te inikagi ko seini te siak se Batà te Timanem, so pinemallì a din aw insogò a din heman dini te keneyonan.

Juan 5:25

Eneng-enengi niyo se kagi ko kenyo. Doen aldaw domateng, igsà dimateng den iyan, aw domineg te kagi ko se menge otaw wedad pedowan. Aw memenal dan kanak, begayan dan te kaling pedowan wedad temanan.

Luc. 1:69

Doen isogò te Timanem metolos megpelowà kenitadon, sìyan bowad-bowad i David egtolò te Timanem gebii.

Mat. 27:43

Timanem ekon se egseligan din. Kitaen tadon den aw dakel se pedowan te Timanem kandin pineokit te pegtabang te Timanem kandin te aldaw seini, so minikagi sikandin, ‘Siaken se Batà te Timanem.’”

Mat. 26:63

Meneng wedà taba si Jesus. Penga niyan, minikagi se ontò pengolo te simbahan, “Megpunù a den diyà kamno pineokit te ngadan te Timanem eked palos kematay te keilangan meg-indan ka den te kebenalan. Sikona ekon se Misiyas, sìyan Batà te Timanem. Indani kay den aw benal iyan.”

Mat. 15:22

Doen bayi mig-ogpà kidoen kenà Judiyo so lekat te Canaan se menge kemonaan din. Dimoton sikandin ki Jesus aw minikagi te dakel se kagi din, “Sir, bowad-bowad i David, keidowi a bag, so ontò dinetengan te bosaw se batà ko bayi.”

Mat. 12:23

Nepela se kedita te otaw kimità kenyan, aw migpebelaw-belaway dan, “Sikandin besi se Misiyas, sìyan bowad-bowad i David egpelimanan tadon.”

Mat. 9:27

Nayan, pegkesayo i Jesus lekat kidoen, doen dowa otaw bota timaking kandin. Timawal dan, “Bowad-bowad te selotan tadon gebii si David, keidowi kay bag.”

Mat. 3:17

Penga niyan, dinineg dan se kagi te Timanem lekat te langit, “Seini se Batà ko. Dakel se pedowan ko kandin, aw ontò a neluba kandin.”

Mat. 1:6

Si Isai se amay te selotan si David. Si David se amay i Solomon, aw inay din se esawa i Uria inagaw i David.

Impekità 2:18

Minikagi heman sikandin, “Solat ka te anghil egtonggò te menge sakop te simbahan kidoen te Tiyatira. Seini se kagi isolat nikaw. ‘Seini se kagi ko kenyo. Siak se Batà te Timanem. Iling te apoy se mata ko, aw iling te galang impesiag se benis ko.

2 Juan 1:7

Medita se otaw eglegeb dini te keneyonan aw eg-akal dan te doma otaw, so kenà dan egtoladà te kebenalan tepad te pegpekeotaw i Jesu Cristo. Iling kenyan se eg-ikegiyen te otaw eg-akal aw eg-ato ki Cristo.

1 Juan 5:20

Netegahan tadon heman te dimini se Batà te Timanem te keneyonan amon ketegahan tadon se benal Timanem. Sikitadon diyà te benal Timanem so diyà kidon te Batà din si Jesu Cristo. Sikandin se benal Timanem, aw sikandin se eglekatan te kaling pedowan wedad temanan.

1 Juan 5:5

Se otaw nemenal te si Jesus se Batà te Timanem, yan se mekedaeg te kedita te medaet dini te keneyonan.

1 Juan 5:1

Se kedita te otaw nemenal te si Jesus se Misiyas, yan se menge batà te Timanem. Aw dakel se pedowan tadon te Timanem Amay, dakel heman se pedowan tadon te kedita te menge batà din.

1 Juan 4:15

Se otaw mikagi te benal Batà te Timanem si Jesus, yan se otaw doen Timanem diyà kandin, aw diyà heman sikandin te Timanem.

1 Juan 3:23

Seini se impunù din kenitadon, te keilangan somalig kidon diyà te Batà din si Jesu Cristo, aw megpedekelay kidon heman te pedowan iling te intoladà din kenitadon.

1 Juan 3:8

Meneng sakop i Satanas se otaw gayed megpedeleg te peg-inang te salà, so gayed migpedeleg si Satanas te peg-inang te salà lekat te gebii te wedà pa inangi se keneyonan lamig songkani. Yan migpekeotaw se Batà te Timanem si Jesus amon pegbàtan din se kedita te medaet inang i Satanas.

1 Juan 1:3

Se ontò day kinità aw dinineg, yan se ipegtoladà day heman kenyo, amon makop kaw heman diyà kenami, so migpesigelakay kay te Timanem Amay aw Batà din si Jesu Cristo.

1 Timoteo 3:16

Netegahan te kedita tadon te ontò mèpiya se kebenalan impetaga-taga te Timanem aw pinemenalan tadon. Migpekeotaw si Jesu Cristo aw dimini te tanà. Impetaga-taga te Espiritu Santo te metòlid sikandin. Kinità sikandin te menge anghil. Inindanan se menge otaw kenà Judiyo tepad kandin. Doen otaw nemenal kandin doton te kebelad te tanà. Inengat sikandin doton te langit.

Roma 1:9

Netegahan te Timanem te melobos se pedowan ko kandin te pegtoladà ko te Mèpiya Indan tepad te Batà din si Jesu Cristo. Netegahan din te gayed a egtawal-tawal diyà kandin tepad kenyo.

Ininang 9:20

Wedà kenamay, dimoton si Saulo te simbahan te Judiyo aw migtoladà diyà te otaw kidoen te si Jesus se Batà te Timanem.

Ininang 8:36

Wedà kenamay, dimateng dan doton te wayeg. Minikagi se tege Etyopya, “Doen wayeg dini. Mepakay lay aw bonyagan a no?” [

Ininang 3:13

Timanem se egseligan te kemonaan tadon si Abraham, si Isaac, aw si Jacob. Timanem se migpegolì kandin amon iduyun se Batà te Timanem si Jesus. Kedengan insogò din si Jesus dini te tanà, meneng sikiyo se otaw nemegay kandin diyà te belad te gobirno. Pengkey ibeg i Pilato ipelowà din si Jesus, meneng simagda kaw kandin amon imetayan se insogò te Timanem.

Juan 7:42

Doen kagi te Timanem insolat te keilangan pelimanan tadon se Misiyas bowad-bowad te kemonaan tadon si David. Tomebaw se Misiyas egpelimanan tadon kidoen te Bitlihim, so yan se lonsod inogpaan i David.”

Juan 1:34

Yan se kinità ko den, aw iindan ko den kenyo te sikandin se Batà te Timanem.”

Roma 4:1

Nayan, mèpiya aw meg-aneng-aneng kidon tepad ki Abraham, sìyan kemonaan te kedita tadon menge Judiyo.

Roma 9:3

so pengkey kedomaan ko se menge doma Judiyo, meneng wedà dan pa salig diyà ki Cristo. Ibeg ko somelilin a peden kandan aw ipelumun a te Timanem amon ketebangan ko dan. Pegwedaden ko peden heman se pegpesakop ko diyà ki Cristo amon meinang dan menge sakop din.

1 Korinto 10:18

Eneng-enengi niyo heman se ketanem te menge Judiyo. Aw egsimba dan, egduyun dan te Timanem pineokit te pegpengimatay dan te ayam-ayam ipegpemegay, aw se otaw egpengaen te pengelapen egteniyen, yan se otaw egpeakop diyà te pegduyun dan te Timanem.

1 Timoteo 2:5

Olò sebad se Timanem, aw olò heman sebad se Telekagon diyà te tengà-tengà te Timanem aw otaw, aw yan si Jesu Cristo.