Mat. 9:5 - Manobo Sarangani

⁵ Mola megpelingo-lingo se otaw megwedad te salà. Meneng eked pekebatog se otaw megpegolì te otaw kenà egpekeiwal singed aw doen tolos te Timanem diyà kandin.

Mat. 9:5 ပူးပေါင်းရင်းမြစ်များ

Ininang 3:16

Pineokit te ngadan i Jesus egseligan day, negolian den se otaw seini kinità aw kinilala niyo. Pineokit te pegsalig ki Jesus, nekeipanaw den sikandin aw yan se kinità niyo.

Ininang 9:34

Minikagi si Pedro kandin, “E Eneas, enaw ka, so pinegolì ka i Jesu Cristo. Loloni se inibatan nikaw.” Pegketà minenaw si Eneas.

Mat. 9:2

Wedà kenamay, dimateng se otaw neningga te otaw kenà egpekeiwal. Pegkità i Jesus te ontò dan simalig diyà kandin, minikagi sikandin diyà te otaw kenà egpekeiwal, “Elew, peseligi se pedowan no, so pigwedad den se salà nikaw.”

Mat. 9:6

Meneng so Timanem a Migpekeotaw, ipekità ko den kenyo te mekebatog a megwedad te salà te otaw dini lanto te tanà.” Penga niyan, minikagi si Jesus diyà te otaw kenà egpekeiwal, “Enaw ka. Loloni se inibatan no, aw olì ka den.”

Mar. 2:5

Pegkità i Jesus te ontò dan simalig diyà kandin, minikagi sikandin diyà te otaw kenà egpekeiwal, “Elew, pigwedad den se salà nikaw.”

Luc. 5:20

Pegkità i Jesus te ontò dan simalig diyà kandin, minikagi sikandin, “Elew, pigwedad den se salà nikaw.”

Luc. 7:48

Penga niyan, minikagi si Jesus diyà te bayi, “Pigwedad den se salà nikaw.”