Mat. 8:4 - Manobo Sarangani

⁴ Minikagi si Jesus, “Keilangan wedad palos otaw indanan no tepad te ininang ko kamno. Meneng doton ka te pengolo te simbahan aw pekitai se lawa no diyà kandin. Penga niyan, begayi se ibowang no iling te impunù i Moises amon metaga-taga se kedita te otaw te negolian ka den.”

Mat. 8:4 ပူးပေါင်းရင်းမြစ်များ

Luc. 17:14

Pegkità din kandan, minikagi sikandin, “Doton kaw te menge pengolo te simbahan aw pegpekità kaw diyà kandan te lawa niyo.” Pegdoton dan, negolian se kedita dan te wedà dan pa dateng.

Luc. 5:14

Migpunù si Jesus kandin te wedad palos otaw mepakay indanan din. Minikagi heman sikandin, “Doton ka te pengolo te simbahan aw pekitai se lawa no diyà kandin. Penga niyan, begayi se ibowang no iling te impunù i Moises amon ketegahan te kedita te otaw te negolian ka den.”

Mar. 7:36

Penga niyan, migpunù si Jesus te keilangan eked dan indani diyà te doma otaw tepad te kepelahan sìyan. Pengkey ontò sikandin migpunù, meneng labi dan pa mig-indan kenyan diyà te doma otaw.

Mat. 9:30

Pegketà, kimità dan. Penga niyan, ontò migpunù si Jesus, “Keilangan wedad palos otaw indanan niyo.”

Mar. 6:11

Aw doen otaw eked pegsagman kenyo, aw eked dan penenalan te itoladà niyo, tektaki niyo se napò te tanà lekat te sepatos niyo te pegkesayo niyo lekat te lonsod dan. Yan metaga-taga se otaw kidoen te doen salà ininang dan, so wedà dan penenalan kenyo.”

Mar. 5:43

Meneng ontò migpunù si Jesus te wedad palos otaw mepakay indanan dan tepad te peg-antay din te batà sìyan. Minikagi heman si Jesus te mèpiya aw pemekànen dan se batà.

Mat. 17:9

Pegtopang dan lekat te bontod, ontò migpunù si Jesus kandan, kagi din, “Ikà niyo eg-indan te kinità niyo singed aw meantay a Timanem Migpekeotaw lekat te nematay.”

Mat. 10:18

Dekepen kaw aw okomen kaw te menge gobirnador aw menge selotan tandà te pegpesakop niyo diyà kanak, amon meg-indan kaw te kebenalan tepad kanak diyà kandan aw diyà te menge doma otaw kenà Judiyo.

Mat. 6:1

“Ikà niyo egpemekità te pegtolò niyo te Timanem diyà te doma otaw amon iduyun kaw dan, so aw ibeg niyo iduyun kaw te doma otaw, wedad ontong kinewaen niyo lekat te Amay niyo Timanem eg-ogpà doton te langit.

Mat. 5:17

“Ikà niyo eg-aneng-aneng te dimini a amon pegwedaden ko se menge punù ingkeliwat i Moises aw insolat te menge telekeliwat te kagi te Timanem gebii. Meneng dimini a amon ipetaga-taga ko se ontò kedegdagan niyan.

Juan 8:50

Kenà ibeg ko aw megpelangkaw-langkaw a, meneng doen meibeg te ipelangkaw a te otaw, aw sikandin se megpetaga-taga te benal se kagi ko.

Juan 7:18

Aw teboken te otaw se itoladà din, ibeg din domuyun te kandin pegkeotawun. Meneng aw pineokit te pegtoladà din, iduyun din se simogò kandin, yan se pengilala te benal se ipegtoladà din, aw kenà sikandin bolelawun.

Juan 5:41

Kenà aw egkeibegan ko se duyun te otaw,

Luc. 21:13

amon meg-indan kaw te kebenalan tepad kanak.

Mar. 8:30

Penga niyan, migpunù si Jesus te keilangan eked dan indani diyà te doma otaw tepad kandin.

Mat. 16:20

Penga niyan, ontò migpunù si Jesus te keilangan eked dan indani diyà te doma otaw te sikandin se Misiyas.

Mat. 3:15

Meneng minikagi si Jesus, “Tomani den se pegbonyag kanak, so keilangan tomoman ki den te kedita te ibeg te Timanem.” Penga niyan, migbonyag si Juan ki Jesus.

Mar. 13:9

“Meneng peg-ahà kaw, so ibingen kaw te doma otaw doton te howis, aw bedasen kaw dan kidoen te menge simbahan te Judiyo. Ipeibing kaw doton te menge gobirnador aw selotan tandà te pegpesakop niyo diyà kanak, amon mekeindan kaw te kebenalan tepad kanak diyà kandan.

Mar. 3:12

Meneng ontò migpunù si Jesus te keilangan wedad doma otaw indanan dan tepad kandin.

Mar. 9:9

Pegtopang dan lekat te bontod, ontò migpunù si Jesus diyà kandan te eked kepakay aw indanan dan se doma otaw tepad te kinità dan singed aw meantay sikandin Timanem Migpekeotaw lekat te nematay.

Luc. 4:41

Doen heman medita otaw dinetengan te bosaw inibing doton ki Jesus. Peglowà te bosaw, timawal dan, “Sikona se Batà te Timanem.” Meneng sinagda i Jesus te menge bosaw amon eked dan ikagi, so netegahan dan te sikandin se Misiyas insogò te Timanem.

Luc. 8:56

Nepela se amay aw inay din te neantay sikandin. Meneng migpunù si Jesus te wedad palos otaw mepakay indanan dan tepad te peg-antay din te batà sìyan.

Luc. 9:21

Penga niyan, ontò migpunù si Jesus te keilangan eked dan indani diyà te doma otaw te sikandin se Misiyas.