Mat. 8:2 - Manobo Sarangani

² Doen otaw pigtompig dimoton ki Jesus. Limongken sikandin aw minikagi, “Sir, aw doen ibeg nikaw, netegahan ko te mekebatog ka megpegolì kanak.”

Mat. 8:2 ပူးပေါင်းရင်းမြစ်များ

Mat. 18:26

Meneng limongken se otaw sìyan aw migpeido-ido, kagi din, ‘Sir, pegtagad ka bag te eked kenamay, so impasen ko se kedakel te salà ko kamno.’

Mat. 15:25

Nayan, migpedapag se bayi diyà ki Jesus, aw limongken diyà kandin, aw minikagi, “Sir, tebangi a bag.”

1 Korinto 14:25

Ipeaneng-aneng kandin se medaet diyà te pedowan din, aw penga niyan tomikelong, aw megsimba te Timanem, aw mikagi sikandin te benal doen Timanem doma niyo.

Ininang 10:25

Pegdateng i Pedro doton, simongon si Cornelio aw limongken diyà ki Pedro amon megsimba kandin.

Juan 9:38

Minikagi se otaw, “Pengolo, nemenal a den kamno.” Penga niyan, migsimba sikandin ki Jesus.

Mat. 28:17

Pegkità dan kandin, migsimba dan kandin. Meneng doen menge tinoledaan din egdowa-dowa aw benal sikandin.

Luc. 4:27

Iling heman kenyan se neinang dalem te pegkeliwat i Eliseo te kagi te Timanem. Pengkey medita se Judiyo pigtompig, meneng kenà dan se pinegolian din, so olò din pinegolian se kenà Judiyo si Naaman sakop te Sirya.”

Mat. 26:6

Nayan, pegdoton i Jesus te lonsod te Bitanya, limaoy sikandin ki Simon, sìyan otaw pinegolian din te tompig.

Mat. 20:20

Penga niyan, dimoton se esawa i Sebedeo ki Jesus sipat didowa batà din si Santiago aw si Juan. Limongken sikandin diyà ki Jesus so doen pemoyoen din.

Mat. 14:33

Limongken se doma tinoledaan diyà ki Jesus, aw migsimba dan kandin, aw minikagi dan, “Ontò ka Batà te Timanem.”

Mat. 13:58

Yan se doun te pilabok se kepelahan ininang i Jesus kidoen, so wedà dan pemenal kandin.

Mat. 9:18

Nayan, dalem te pegtoladà i Jesus, dimateng se sebad obanen te simbahan te Judiyo. Limongken sikandin diyà ki Jesus, aw minikagi, “Kaling pa nematay se batà ko bayi. Peg-ayas ka bag, aw pemàdi sikandin amon meantay.”

Impekità 19:10

Penga niyan, limongken a diyà kandin amon simbahen ko, meneng minikagi sikandin, “Ikà egsimba kanak, so pengkey siak, aw sikona, aw kedita heman te doma no nemenal te kebenalan intoladà i Jesus, tomalag egtolò te Timanem. Yan keilangan Timanem olò se simbahen nikaw.” Yan se inikagi din, so se intoladà i Jesus, yan heman se kebenalan intoladà te menge telekeliwat te kagi te Timanem.

Mat. 28:9

Te wedà dan pa dateng doton, kinità dan si Jesus kidoen te dalan, aw minikagi sikandin, “Mèpiya iselem.” Migpedapag dan diyà kandin, aw limongken dan, aw minawid dan te benis din, aw migsimba dan kandin.

Mat. 10:8

Pegolii niyo se otaw doen mesakit. Entayi niyo se otaw nematay. Pegolii niyo se otaw pigtompig. Pelowai niyo se bosaw lekat te otaw. Ikà niyo egpebayad te otaw tebangan niyo, so wedad imbayad niyo te tolos insalig ko diyà kenyo.

Mat. 4:9

Minikagi si Satanas, “Aw lomongken ka diyà kanak aw simbahen a nikaw, ibegay ko diyà kamno se kedita te ogpeanan sìyan, amon lomowan ka diyà te kedita te otaw kidoen.”

Mat. 2:11

Peg-awop dan kidoen te balay, kinità dan se batà aw inay din si Maria. Limongken dan aw migsimba dan te batà. Penga niyan, inokal dan se kekanà inibing dan, menge bolawan, aw metinadeg sonogen, aw bebolong te saka iningedanan mira. Tinigkan dan iyan imbowang diyà ki Jesus.

Mat. 8:1

Nayan, timopang si Jesus lekat te bontod, aw medita se otaw timaking kandin.

Mat. 8:25

Penga niyan, linoka dan sikandin, kagi dan, “Pengolo, tebangi kay, so melemes kidon den.”

Ininang 10:14

Meneng timaba si Pedro, “Sir, eked a kaen kenyan so eked a làpang te punù ingkeliwat i Moises, sìyan gayed ko egtoloen.”