Mat. 7:7 - Manobo Sarangani

⁷ “Aw memoyò kaw diyà te Timanem, begayan kaw din. Aw mengemahà kaw, doen kitaen niyo. Aw tomawal kaw doton te lelebangan, ipeawop kaw.

Mat. 7:7 ပူးပေါင်းရင်းမြစ်များ

Mat. 21:22

Aw megtawal-tawal kaw diyà te Timanem, aw somalig kaw diyà kandin, metoman kaw din begayan te kedita te pemoyoen niyo.”

1 Juan 3:22

Pengkey eden se pemoyoen tadon diyà kandin, netegahan tadon te mekinawà tadon iyan, so egtolò kidon te menge punù din aw ibeg din.

Juan 15:7

Meneng aw meg-ogpà kaw diyà kanak, aw isawol niyo se menge kagi ko kidoen te pedowan niyo, mepakay aw memoyò kaw te keibegan niyo, aw yan se inangen ko kenyo.

Mar. 11:24

Yan mikagi a den diyà kenyo, aw megtawal-tawal kaw diyà te Timanem, keilangan memenal kaw te binegayan kaw din den te pinemoyò niyo, aw metoman kinewaen niyo iyan.

Mat. 6:33

Yan pelowani niyo se Timanem diyà te kenyo pegkeotawun, aw tolò kaw te ibeg din, aw yan begayan kaw din heman te keilangan niyo.

Mat. 7:8

Kominawà se kedita te otaw memoyò. Komità se kedita te otaw mengemahà. Ipeawop heman se kedita te otaw tomawal.

Juan 15:16

Kenà sikiyo se nemallì kanak, meneng siak se nemallì kenyo, aw isogò ko den sikiyo amon megterbaho kaw kanak aw mongo kaw heman te dakel pongo wedad keeminan. Yan aw doen pemoyoen niyo diyà te Amay ko pineokit te ngadan ko, yan se ibegay din kenyo.

Menge Hebreo 11:6

Eked palos keluba se Timanem pineokit te eg-inangen tadon singed aw somalig kidon diyà kandin. Aw megpedapag se otaw diyà te Timanem, keilangan memenal sikandin te doen Timanem, aw keilangan memenal heman sikandin te doen ontong ibegay te Timanem diyà te kedita te otaw mengemahà kandin.

Juan 4:10

Timaba si Jesus, “Aw netegahan no pa aw eden se ibowang te Timanem kamno, aw netegahan no heman aw sinu se nemoyò te wayeg diyà kamno, sikona se memoyò diyà kanak, aw begayan ta te wayeg egpemegay te pedowan.”

Mat. 18:19

“Mikagi a den heman diyà kenyo, aw doen dowa kenyo dini lanto te tanà, aw megsebad kaw te kenyo pemoyoen diyà te Amay ko doton te langit, metoman iyan meinang so ibegay din iyan diyà kenyo.

Santiago 5:15

Aw megtawal-tawal se otaw egsalig diyà te Timanem, kegolian te Timanem se otaw nesekitan. Aw doen salà ininang din, pegwedaden iyan te Timanem.

Luc. 18:1

Mig-indan si Jesus te tegdeyanan amon ketoledaan dan te keilangan gayed dan megtawal-tawal amon eked dan lengà.

Mat. 7:11

Nayan, pengkey doen medaet eg-inangen niyo, meneng gayed mèpiya se ipegpemegay niyo diyà te menge batà niyo. Labi pa se Amay niyo Timanem kidoen te langit, so egpemegay sikandin te mèpiya diyà te kedita te otaw memoyò diyà kandin.

Roma 2:7

Doen menge otaw gayed eg-inang te mèpiya amon iduyun dan te Timanem, aw amon meg-ogpà dan doma din doton te langit te wedad temanan. Yan se otaw begayan din te kaling pedowan wedad temanan.

Roma 3:11

Wedad palos otaw netaga-taga tepad te Timanem. Wedad heman otaw meibeg metaga-taga te Timanem.

Luc. 13:25

Aw megtakep se tig-apò te balay, pengkey tomawal kaw doton te lowà, eked kaw din peopi. Pengkey mikagi kaw, ‘Sir, owangi bag se tetakep nikaw.’ Meneng tomaba sikandin, ‘Wedà ko ketegahi aw kenan kaw lekat.’

Genesis 26:32

Dalem te aldaw sìyan, dimateng se menge sineligan i Isaac, aw mig-indan dan diyà kandin tepad te sokian binengbangan dan. Minikagi dan, “Neapet day den se wayeg!”