Mat. 7:5 - Manobo Sarangani

⁵ Kolang se aneng-aneng niyo. Ebati niyo onà se batang lekat te kenyo mata, aw penga niyan metaen se pegkità niyo amon mengabat kaw heman te sagbet lekat te mata te doma niyo.

Mat. 7:5 ပူးပေါင်းရင်းမြစ်များ

Luc. 6:42

Aw eked niyo kitai se batang kidoen te kenyo mata, eked kaw peketabang te doma niyo amon meabat se sagbet lekat te kandin mata. Kolang se aneng-aneng niyo te wedad salà niyo. Ebati niyo onà se batang lekat te kenyo mata, aw penga niyan metaen se pegkità niyo amon mengabat kaw heman te sagbet lekat te mata te doma niyo.”

Luc. 13:15

Minikagi si Jesus diyà kandin, “Tay law. Eden niyo aw egpenimanem kaw. Pengkey aldaw te peg-etod, gayed niyo eg-elinen se baka aw kodà niyo, aw eg-ibingen niyo dan doton te wayeg amon ipeinem niyo.

Luc. 4:23

Minikagi heman si Jesus, “Meibeg kaw besi megpeaneng-aneng kanak te eg-ikegiyen tadon, ‘Aw doktor ka, keilangan ipetaga-taga no iyan pineokit te pegbolong no te kamno pegkeotawun.’ Dinineg niyo den te doen menge kepelahan ininang ko doton te Kapirnaom, aw mikagi kaw besi heman diyà kanak te keilangan inangen ko heman se menge kepelahan dini te kanak probinsya.

Mat. 22:18

Meneng netegahan i Jesus te medaet se tod dan te peg-insà dan kenyan. Yan minikagi sikandin, “Eden niyo aw egpenimanem kaw. Medaet se pegtandà niyo kanak.

Luc. 12:56

Tay law. Eden niyo aw egpenimanem kaw, so pengkey egpengilala kaw te ledyawan kidoen te tanà aw langit, meneng wedà niyo kilelai aw eden se meinang seini.”

Ininang 19:15

Meneng minikagi se bosaw diyà kandan, “Netegahan ko si Jesus aw si Pablo. Meneng sikiyo, eked ko toloi.”

Mat. 7:3

Mola niyo egkitaen se sagbet kidoen te mata te doma niyo, meneng wedà niyo ketegahi te doen batang kidoen te kenyo mata.

Mat. 7:4

Aw doen batang kidoen te kenyo mata, eked kaw peketabang te doma niyo amon meabat se sagbet lekat te kandin mata.

Mat. 7:6

“Pekeimanday kaw te pegtoladà niyo te kebenalan. Eked kaw pemowang te mèpiya diyà te menge toyang, so memangà dan beling kenyo. Eked kaw heman pemegay te pirlas meelagà ipeninga diyà te menge osa, so peglegìtan dan beling iyan.”