Mat. 7:16 - Manobo Sarangani

¹⁶ Aw kitaen niyo se eg-inangen dan, ketegahan niyo aw olò dan egpelingo-lingo. Wedad palos pongo te paras geniyen lekat te ligem. Wedad heman pongo igira ipoen lekat te telayid.

Mat. 7:16 ပူးပေါင်းရင်းမြစ်များ

Santiago 3:12

Wedad heman kayo igira egpongo te olibo. Wedad heman belagen te paras egpongo te igira. Wedad heman wayeg seloken diyà te dagat.

Mat. 12:33

“Aw mèpiya se kayo, mèpiya heman se pongo niyan. Aw medaet se kayo, medaet heman se pongo niyan. Aw kitaen niyo se pongo te kayo, ketegahan niyo aw eden kemoloi se kayo sìyan.

Mat. 7:20

Yan aw kitaen niyo se eg-inangen dan, ketegahan niyo aw ontò dan telekeliwat te kagi te Timanem.”

Galasya 5:22

Meneng se otaw egbeyà-beyaan te Espiritu Santo, seini se eg-inangen din. Egkedekelan din se doma otaw te pedowan, ontò egkeluba, doen kelinaw te pedowan din, egpeketayod te kelimahan, mèpiya se eg-inangen din, egkebowasag sikandin diyà te doma otaw, aw egkeseligan sikandin,

Santiago 2:18

Meneng doen besi otaw eg-ikagi te meluba se Timanem aw olò memenal se otaw. Doen besi heman doma otaw eg-ikagi te meluba se Timanem aw olò meg-inang se otaw te mèpiya. Meneng seini se itaba ko kenyan. Aw wedad mèpiya eg-inangen niyo, wedad ipekità niyo te benal nemenal kaw ki Cristo. Meneng mèpiya aw ipekità tadon te nemenal kidon ki Cristo pineokit te peg-inang tadon te mèpiya.