Mat. 7:14 - Manobo Sarangani

¹⁴ so mesigpit se lelebangan aw melima se dalan pesalo doton te Timanem egpemegay te kaling pedowan, aw pilabok se otaw komità kenyan.”

Mat. 7:14 ပူးပေါင်းရင်းမြစ်များ

Mat. 22:14

Pengkey ontò medita se otaw tinawal te Timanem, meneng pilabok se meinang menge sakop din.”

Roma 12:2

Ikà niyo egtaking te ketanem te otaw kenà egpenimanem. Meneng pemoyoi niyo te inangen te Timanem kaling se aneng-aneng niyo amon metòlid se eg-inangen niyo. Yan ketegahan niyo aw eden se ibeg te Timanem inangen niyo, so mèpiya iyan, aw kelubahan din, aw wedad kolang niyan.

Mar. 8:34

Penga niyan, tinawal i Jesus se menge tinoledaan din sipat kedita te doma otaw netipon kidoen. Minikagi sikandin, “Aw meibeg se otaw tomaking kanak, keilangan megsagda sikandin te ibeg te pedowan din, aw tomayod te kelimahan te kelikit te aldaw pengkey imetayan sikandin, aw keilangan ontò tomaking kanak.

Ininang 14:22

Migtoladà dan te menge otaw egpemenal, aw mig-antag dan te pedowan te menge otaw kidoen amon melobos se pegsalig dan te Timanem. Minikagi dan, “Onà kidon tomayod te kelimahan, aw penga niyan lomowan se Timanem diyà kenitadon.”

Juan 16:33

Minikagi a kani diyà kenyo amon doen kelinaw te pedowan niyo tandà te pegpesakop niyo diyà kanak. Pengkey pemilangen kaw te otaw dini te keneyonan, meneng pegpekagsen kaw, so dinaeg ko se kedita te medaet dini te keneyonan.”

Mat. 20:16

Minikagi heman si Jesus, “Iling heman kenyan, doen otaw medanà songkani ipelangkaw doton te peglowan te Timanem. Doen heman doma otaw melangkaw songkani, meneng meinang dan medanà.”

Luc. 12:32

“Ikà niyo egkelemitan. Pengkey pilabok kaw, meneng pinemallì kaw te Timanem amon megpesakop kaw diyà te peglowan din.

Roma 9:32

Wedà dan iyan kebatog so wedà dan salig diyà ki Cristo, meneng simalig dan diyà te mèpiya inang dan. So kimulu dan ki Cristo, iling dan te otaw nekedogsò diyà te bato kidoen te dalan.

Juan 16:2

Domateng se aldaw eked kaw peopi kidoen te menge simbahan te Judiyo. Imetayan kaw heman te otaw meg-aneng-aneng te yan se ibeg te Timanem.

Mat. 7:13

“Mebelad se lelebangan aw mola okitan se dalan pesalo doton te kilot, aw medita se otaw eg-okit kenyan. Meneng okit kaw te lelebangan mesigpit,

Mat. 7:15

“Peg-ahà kaw amon eked kaw keekali te menge otaw egpelingo-lingo telekeliwat te kagi te Timanem. Medaet se tod dan kenyo iling te mebolot menenanap te kebenesan iningedanan lobo egpelingo-lingo iling te ayam-ayam karniro amon megbaet te karniro.