Mat. 7:13 - Manobo Sarangani

¹³ “Mebelad se lelebangan aw mola okitan se dalan pesalo doton te kilot, aw medita se otaw eg-okit kenyan. Meneng okit kaw te lelebangan mesigpit,

Mat. 7:13 ပူးပေါင်းရင်းမြစ်များ

Juan 14:6

Minikagi si Jesus, “Siak se dalan. Siak se kebenalan. Siak se eglekatan te kaling pedowan. Eked pekedoton se otaw te Amay ko singed aw onà dan mokit kanak.

Juan 10:9

Iling a te lelebangan. Aw mokit se otaw diyà kanak, mekelowà sikandin. Iling sikandin te karniro mepakay meglegeb doton te kelokob, aw doton heman te lowà, aw yan mekekaen.

Galasya 5:24

Se menge otaw migpesakop diyà ki Cristo, yan se mig-eked te pegtolò te medaet ibeg te pedowan.

Mat. 3:2

“Pegselsel kaw den te menge salà ininang niyo, so agpet den lomowan se Timanem diyà kenitadon.”

Mat. 3:8

Aw migselsel kaw den, petega-tegahi niyo iyan pineokit te eg-inangen niyo.

2 Korinto 6:17

Yan se doun te inikagi te Timanem, “Ikà niyo egdoma te menge otaw kenà egtaking kanak. Ikà niyo eg-inabut te medaet ketanem dan. Aw tenanan niyo iyan, somongon a kenyo.

Mat. 23:13

“Mekelelayò kaw menge Parisiyo aw menenoladà te punù ingkeliwat i Moises. Eden niyo aw egpenimanem kaw, so egbelebagan niyo se menge otaw egkeibeg megpesakop diyà te peglowan te Timanem. Medaet so wedà kaw pegpesakop diyà kandin, meneng labi pa medaet so wedà niyo pesekopi se otaw egkeibeg megpesakop diyà kandin. [

Impekità 20:15

Se otaw wedà kitai se ngadan dan kidoen te libro sinolatan te ngadan te kedita te otaw binegayan te kaling pedowan wedad temanan, yan se in-agbel doton te lanaw apoy.

Filipos 3:19

Meneng metoman dan detengan te pelumun te Timanem, so olò dan eg-aneng-aneng tepad te ibeg te lawa dan. Keilangan meyàyà dan tandà te medaet inang dan, meneng egpelangkaw-langkaw dan. Kenà dan eg-aneng-aneng tepad te Timanem, so olò dan eg-aneng-aneng tepad te keogpà dan dini lanto te tanà.

2 Korinto 4:4

so se menge otaw wedà pemenal, impekagsen i Satanas se olo dan amon eked dan kelebeti se Mèpiya Indan tepad te kelangkaw i Jesu Cristo, so egkitaen se keanyag te Timanem diyà te bawa i Cristo.

Ininang 3:19

Yan pegselsel kaw aw taking kaw te Timanem amon pegwedaden din se salà niyo,

Impekità 20:3

In-agbel din doton te awang te tanà wedad temanan te kedalem, aw tinakep din iyan, aw pinengilelaan din se tetakep amon wedad meg-owang. Yan se ininang din amon eked pa peg-akal se nagan diyà te otaw te kedita te lonsod. Aw mepenga se sebad melalan se omay, ipelowà sikandin te eked kenamay.

1 Juan 5:19

Netegahan tadon te sakop kidon te Timanem. Meneng se kedita te otaw egtaking te medaet dini te keneyonan, yan se menge sakop i Satanas.

Mat. 25:46

Penga niyan, ipedeleg dan doton te pelumun wedad temanan. Meneng se otaw eg-inang te metòlid, begayan dan te kaling pedowan wedad temanan.”

Mat. 25:41

“Penga niyan, mikagi a heman diyà te menge otaw lenged te bibang ko, ‘Ontò kaw ipelumun. Kesayo kaw den lekat kanak. Doton kaw den te kilot doen apoy eked palos kepadeng, so yan se integilan te Timanem amon doen egbelan din ki Satanas aw kedita te anghil din.

Genesis 6:12

Pegtengteng te Timanem diyà te tanà, kinità din te tomalag iyan medaet, so gayed medaet se eg-inangen te kedita te otaw.

Impekità 13:8

Simbahen iyan te kedita te otaw te keneyonan, sìyan menge otaw wedà kesolat se ngadan dan kidoen te libro sinolatan te ngadan te kedita te otaw begayan te kaling pedowan wedad temanan. Yan se libro insolat te Karniro inimetayan, aw insolat iyan te wedà pa inangi se keneyonan.

Roma 9:22

Iling heman kenyan se ininang te Timanem, so pengkey keilangan ipelumun din se otaw neopalan din amon ipetaga-taga din te sikandin se ontò melangkaw, meneng tandà te kedalem te pedowan din, wedà din dan tagmon pelumuni.

Luc. 14:33

Iling heman kenyan, keilangan onà meg-aneng-aneng se otaw meibeg tomaking kanak. Aw eked tanan se otaw te kedakel te kedònan din amon tomaking kanak, eked ko inangi tinoledaan ko.”

Impekità 12:9

Yan indagdag se dakel nagan lekat te langit. Sikandin se migpelingo-lingo memokan gebii, aw iningedanan ki Satanas, aw biyasa sikandin eg-akal te kedita te otaw te keneyonan. Indagdag sikandin lekat te langit kidoen te tanà sipat kedita te anghil din.

Genesis 6:5

Kinità te Timanem te ontò medaet se eg-inangen te kedita te otaw dini lanto te tanà, aw tomalag medaet se aneng-aneng aw ibeg dan te kelikit te aldaw.

Luc. 9:33

Dalem te pegkesayo i Moises aw si Elias lekat ki Jesus, minikagi si Pedro diyà ki Jesus, “Pengolo, mèpiya so dini kay. Ibeg day meg-inang kay den te telo balay amon doen ogpaan te teg sebad-sebad kenyo si Moises aw si Elias.” Pengkey yan se inikagi i Pedro, meneng wedà din kelebeti aw eden se inikagi din.

Mat. 7:14

so mesigpit se lelebangan aw melima se dalan pesalo doton te Timanem egpemegay te kaling pedowan, aw pilabok se otaw komità kenyan.”