Mat. 6:9 - Manobo Sarangani

⁹ Pegtawal-tawal kaw diyà te Timanem iling kani. ‘Amà kidoen te langit, ibeg day iduyun ka te kedita te otaw.

Mat. 6:9 ပူးပေါင်းရင်းမြစ်များ

Impekità 4:11

“E Pengolo day Timanem, melangkaw ka, Aw yan keilangan iduyun ka, aw segmanen ka, aw toloen ka te kedita, So sikona se mig-inang te kedita, aw Lekat te kamno ibeg, ininang no se kedita te doen seini.”

Roma 8:15

Pegpemegay te Timanem te Espiritu Santo diyà kenyo, wedà kaw din inangi menge allang din, meneng ininang kaw din menge batà din. Yan se doun te wedad den kelemitanan niyo, so mepakay den aw Amà se itawal tadon te Timanem, so amay tadon den sikandin,

Galasya 4:6

Na, so batà kidon den te Timanem, impeogpà te Timanem se Espiritu Santo diyà kenitadon, aw yan mepakay aw Amà se itawal tadon diyà te Timanem,

Impekità 5:12

Ontò magsen se pegdelangan te kedita dan, kagi dan, “Melangkaw se Karniro inimetayan, Aw yan keilangan toloen tadon sikandin, Aw begayan tadon te kedònan tadon, So biyasa sikandin, aw eglowan diyà te kedita. Sikandin se ipelangkaw tadon, aw segmanen tadon, aw iduyun tadon.”

Mat. 7:11

Nayan, pengkey doen medaet eg-inangen niyo, meneng gayed mèpiya se ipegpemegay niyo diyà te menge batà niyo. Labi pa se Amay niyo Timanem kidoen te langit, so egpemegay sikandin te mèpiya diyà te kedita te otaw memoyò diyà kandin.

Mat. 26:29

Mikagi a den diyà kenyo te eked a todà inem te ininem tadon seini singed aw metoman kidon minem te kaling bino doton te peglowan te Amay ko.”

Mat. 23:9

Eked heman kepakay aw gulalen niyo Amay se doma otaw dini te keneyonan, so sebad olò se Amay niyo Timanem doton te langit.

Mat. 5:16

Iling heman kenyan, keilangan olò mèpiya se inangen niyo, so aw komità se menge doma otaw te mèpiya se eg-inangen niyo, iduyun dan se Amay niyo Timanem doton te langit.”

Luc. 15:18

Mèpiya aw molì a den doton te amay ko, aw megselsel a diyà te Timanem aw diyà te amay ko.

1 Pedro 1:17

Metòlid se peg-okom te Timanem te kedita te otaw tepad te ininang te teg sebad-sebad kenitadon. Aw egtewalen niyo den sikandin Amay niyo, keilangan ontò kaw megsagman kandin dalem te peg-ogpà niyo dini lanto te tanà.

1 Timoteo 6:16

Sikandin olò se eked palos kematay. Eg-ogpà sikandin diyà te ontò kelowahan eked kedepagi te otaw. Wedad palos otaw kimità kandin, aw eked palos sikandin kitai te otaw. Iduyun aw lomowan sikandin te wedad temanan. Metoman iyan.

Luc. 15:21

Minikagi se batà din, ‘Amà, doen salà ininang ko diyà te Timanem aw diyà heman kamno. Eked a no peden tewali batà nikaw.’

Luc. 2:14

“Iduyun tadon den se Timanem doton diatas te langit. Begayan din te kelinaw te pedowan se otaw egkelubahan din dini te tanà.”

Mat. 6:14

“Aw pegwedaden niyo se salà ininang te doma otaw diyà kenyo, pegwedaden heman te Amay niyo Timanem se salà ininang niyo diyà kandin.

Mat. 6:6

Meneng aw megtawal-tawal kaw, pegsiolì kaw. Tekepi niyo se lelebangan, aw pegtawal-tawal kaw diyà te Amay niyo Timanem eked kitai. Pengkey eked kaw kitai te doma otaw, komità se Timanem kenyo, aw begayan kaw din te ontong.

Mat. 5:48

Yan, keilangan melobos se pedowan niyo iling te kelobos te pedowan te Amay niyo Timanem doton te langit.”

Galasya 1:1

Se solat seini, lekat kanak si Pablo. Siak se sebad sogounun i Cristo. Kenà otaw se simogò kanak. Kenà heman pineokit te otaw se migsogò kanak. Meneng se simogò kanak, yan si Jesu Cristo aw Timanem Amay mig-antay ki Cristo lekat te nematay.

Juan 20:17

Minikagi si Jesus, “Ikà eg-awid kanak, so wedà a pa pegpeengat doton te Amay ko. Meneng doton ka te menge kedowa ko, aw peg-indan ka kandan te molì a pa doton te Amay ko, doton te Timanem ko. Sikandin se Amay niyo heman aw Timanem niyo.”

Mat. 26:42

Migpekediyò-diyò si Jesus te ikedowa, aw migtawal-tawal, kagi din, “Amà, aw eked kepakay aw eked a okit diyà te kelimahan seini, ibeg ko metoman se kamno ibeg.”

Roma 1:7

Seini se solat ko diyà te kedita niyo doton te lonsod te Roma. Nedekelan kaw te Timanem te pedowan, aw tinawal kaw din amon meinang kaw menge sakop din. Ibeg ko tebangan kaw te Timanem Amay tadon aw Pengolo tadon si Jesu Cristo, aw begayan kaw dan te kelinaw te pedowan.

Mat. 10:29

“Meneng ontò heman egkeido se Timanem te otaw. Pengkey iling te wedad keelagà te dowa manok te kebenesan aw beyadan niyo, meneng wedad palos manok te kebenesan medagdag kidoen te tanà aw kenà ibeg te Amay niyo Timanem.