Mat. 5:9 - Manobo Sarangani

⁹ “Doen keluba te kedita te otaw egpekeaseb eg-inang te kelinaw, so inangen dan te Timanem menge batà din.

Mat. 5:9 ပူးပေါင်းရင်းမြစ်များ

Menge Hebreo 12:14

Pegpekeaseb kaw te pegsebad te pedowan niyo diyà te kedita te doma otaw. Pegpekeaseb kaw heman meg-inang te metòlid, so wedad palos otaw meg-ogpà doma te Pengolo tadon singed aw metòlid dan.

Roma 12:18

Pegpekeaseb kaw te pegsebad te pedowan niyo diyà te kedita te doma otaw.

Galasya 5:22

Meneng se otaw egbeyà-beyaan te Espiritu Santo, seini se eg-inangen din. Egkedekelan din se doma otaw te pedowan, ontò egkeluba, doen kelinaw te pedowan din, egpeketayod te kelimahan, mèpiya se eg-inangen din, egkebowasag sikandin diyà te doma otaw, aw egkeseligan sikandin,

Roma 8:14

so se kedita te otaw egbeyà-beyaan te Espiritu Santo, yan se menge batà te Timanem.

Luc. 6:35

Meneng sikiyo, seini se keilangan inangen niyo. Kedekeli niyo te pedowan se poon niyo. Inangi niyo dan te mèpiya. Pebelesi niyo dan pengkey eked dan iyan keolì. Aw yan se inangen niyo, dakel se ontong ibegay diyà kenyo, aw ipetaga-taga niyo te batà kaw te Timanem, so gayed sikandin egkeido te kedita te otaw pengkey medaet dan aw kenà egpesiontong.

2 Korinto 13:11

Na, menge kedowa ko, keluba kaw den. Imendayi niyo se peg-ogpà niyo. Toloi niyo se impunù ko kenyo. Pegsebad kaw te pegpemenal aw pedowan niyo. Domaan kaw te Timanem eglekatan te kedakel aw kelinaw te pedowan.

Kolasas 3:13

Keilangan megpetebangay kaw. Aw doen otaw meg-inang te salà diyà kenyo, keilangan pegwedaden niyo iyan amon megsebad kaw, so keilangan meg-iling kaw te Pengolo tadon te pegwedad din te menge salà ininang niyo.

Mat. 5:48

Yan, keilangan melobos se pedowan niyo iling te kelobos te pedowan te Amay niyo Timanem doton te langit.”

2 Korinto 5:20

Siak heman se sebad sogounun i Cristo egpengibing te kagi din, so pineokit kanak, ipetaga-taga te Timanem se punù din. So insogò a i Cristo, yan mikagi a diyà kenyo, pegsebadi niyo se pedowan niyo diyà te Timanem.

Ininang 7:26

Keeldawan niyan, netelaan din se didowa Judiyo migbolaw. Migtelaman si Moises mig-osay kandan. Minikagi sikandin, ‘Elew, telekedowa kaw. Ikà niyo egbolaw.’

Mat. 5:45

Aw iling kenyan se eg-inangen niyo, yan ipetaga-taga niyo te batà kaw te Timanem doton te langit, so gayed sikandin egpesenang te aldaw diyà te kedita te otaw pengkey medaet aw mèpiya se pedowan dan. Gayed heman sikandin egpetedak te odan diyà te pawà te kedita te otaw pengkey metòlid aw kenà metòlid se eg-inangen dan.

1 Korinto 6:6

Meneng pengkey egpemenal kaw, egpeibingay kaw ekon doton te howis, aw labi pa iyan medaet so otaw kenà egpemenal se eg-osay kenyo.

Filipos 4:2

Memoyò a kenyo Eyodia aw Sintike te megpelebetay kaw, so telekedowa kaw diyà te Pengolo tadon.

Luc. 20:36

Eked dan todà kematay, so iling dan te menge anghil. Meinang dan menge batà te Timanem, so entayen din dan lekat te nematay.

Efeso 4:1

Nayan, siak se nekeleboso tandà te pegtaking ko te Pengolo, aw yan memoyò a diyà kenyo te keilangan gayed mèpiya se kedita te eg-inangen niyo, sìyan ibeg te Timanem, so yan se tod din te pegtawal din kenyo.

Roma 8:16

so Espiritu Santo se egpetaga-taga kenitadon te menge batà kidon den te Timanem.

Roma 8:19

so egpeliman se kedita te ininang te Timanem te aldaw domateng aw ipekità din se kedita te menge batà din.