Mat. 5:7 - Manobo Sarangani

⁷ “Doen keluba te kedita te otaw egkeido te doma, so keidowan dan heman te Timanem.

Mat. 5:7 ပူးပေါင်းရင်းမြစ်များ

Efeso 4:32

Meneng keilangan meg-inang kaw te mèpiya, aw megpeidoway kaw. Keilangan pegwedaden niyo se salà ininang te doma otaw diyà kenyo, iling te pegwedad te Timanem te salà ininang niyo tandà te pegkematay i Cristo.

Santiago 2:13

Aw meg-okom se Timanem te kedita te otaw, eked din keidowi se otaw wedà keido te doma otaw nelimahan. Meneng aw meido se otaw te doma otaw nelimahan, wedad kelemitanan din aw okomen te Timanem.

Santiago 3:17

Meneng se otaw doen kebiyasa lekat te Timanem, yan se otaw kenà eg-inang te medaet, kenà egsamok, gayed mèpiya se pedowan din, kenà metugul, gayed egkeido aw egpenabang te doma, kenà egdowa-dowa, meneng melobos se pedowan din.

Kolasas 3:12

Pinemallì kaw te Timanem, aw sinakop kaw din, aw egkedekelan kaw din te pedowan. Yan keilangan todaen niyo se keogpà niyo, so keilangan megpeidoway kaw, aw meg-inang kaw te mèpiya diyà te doma otaw. Keilangan megpedanà kaw te pegkeotawun niyo. Keilangan medalem se pedowan niyo. Keilangan melayat se pedowan niyo.

Luc. 6:35

Meneng sikiyo, seini se keilangan inangen niyo. Kedekeli niyo te pedowan se poon niyo. Inangi niyo dan te mèpiya. Pebelesi niyo dan pengkey eked dan iyan keolì. Aw yan se inangen niyo, dakel se ontong ibegay diyà kenyo, aw ipetaga-taga niyo te batà kaw te Timanem, so gayed sikandin egkeido te kedita te otaw pengkey medaet dan aw kenà egpesiontong.

Menge Hebreo 6:10

Ontò metòlid se peg-okom te Timanem, aw yan eked din kelibeli se mèpiya ininang niyo tandà te kedakel te pedowan niyo kandin, so migtabang kaw te menge doma sakop te Timanem, aw yan heman se eg-inangen niyo lamig songkani.

Menge Hebreo 4:16

So doen Telekagon tadon, yan se doun te eked kidon sagkà te peg-apot tadon diyà te Timanem gayed egpenabang, amon keidowan kidon din, aw amon tebangan kidon din aw doen kelimahan tadon.

1 Pedro 2:10

Kedengan, kenà kaw menge sakop te Timanem, meneng songkani sakop kaw din den. Kedengan, wedà kaw ketaga-taga te doen keido te Timanem, meneng songkani dinetengan kaw den te keido din.

Mar. 11:25

Aw megtawal-tawal kaw, aw doen salà ininang te doma otaw diyà kenyo wedà niyo pa pegwedadi, pegwedadi niyo iyan amon pegwedaden heman te Timanem se salà ininang niyo diyà kandin. [

1 Timoteo 1:13

Kedengan te wedà a pa pemenal, migtompuyus a kandin, aw nemilang a te menge sakop din, aw nebensi a kandan. Meneng neidowan a din pa, so peg-inang ko kenyan, wedà a pa pemenal kandin, aw yan wedà ko ketegahi te medaet se ininang ko sìyan.

1 Korinto 7:25

Nayan, tomaba a te insà niyo tepad te menge otaw wedà pengognan. Wedad punù ikeliwat ko kandan lekat te Pengolo tadon, meneng pineokit te keido din kanak, egkeseligan a, aw seini den se aneng-aneng ko.

1 Timoteo 1:16

Meneng neidowan a te Timanem, so tod din ipetaga-taga din te ontò medalem se pedowan i Jesu Cristo te pegkeido din kanak, pengkey siak se ontò medaet diyà te kedita te otaw nekesalà. Yan se ininang din amon metaga-taga se kedita te doma otaw memenal kandin te begayan din dan heman te kaling pedowan wedad temanan.

2 Korinto 4:1

Na, pineokit te keido te Timanem kanak, insogò a din megtoladà aw yan eked a lengà.

Roma 11:30

Sikiyo menge otaw kenà Judiyo, wedà kaw tolò te ibeg te Timanem kedengan, meneng so wedà tolò se menge Judiyo, neidowan kaw den te Timanem.