Mat. 5:5 - Manobo Sarangani

⁵ “Doen keluba te kedita te otaw migpedanà te kandan pegkeotawun, so kominawà dan te tanà impakang te Timanem.

Mat. 5:5 ပူးပေါင်းရင်းမြစ်များ

Santiago 3:13

Aw doen otaw kidoen kenyo biyasa egtoladà, mèpiya aw ipekità din iyan pineokit te mèpiya inang din. Aw metinuud sikandin, yan ketegahan te ontò sikandin biyasa.

Galasya 5:23

aw mèpiya se pedowan din, aw egpeketameng te ibeg te pedowan din. Wedad palos punù ingkeliwat i Moises te eked kepakay se peg-inang te mèpiya iling kenyan.

Santiago 1:21

Yan tanan kaw te medaet inang niyo aw kedita te medaet aneng-aneng niyo. Tolò kaw te Timanem, aw pemenali niyo se kagi din insawol diyà te pedowan niyo, so se kagi din, yan se mekepelowà kenyo lekat te salà.

Kolasas 3:12

Pinemallì kaw te Timanem, aw sinakop kaw din, aw egkedekelan kaw din te pedowan. Yan keilangan todaen niyo se keogpà niyo, so keilangan megpeidoway kaw, aw meg-inang kaw te mèpiya diyà te doma otaw. Keilangan megpedanà kaw te pegkeotawun niyo. Keilangan medalem se pedowan niyo. Keilangan melayat se pedowan niyo.

Mat. 11:29

Tiangi niyo se ipeibing ko kenyo iling te yogo, aw peg-iling kaw heman kanak, so ontò mèpiya se pedowan ko, aw mekeetod kaw.

Efeso 4:2

Ikà niyo egpelangkaw-langkaw. Keilangan melayat se pedowan niyo diyà te doma otaw tandà te pegpedekelay niyo te pedowan.

1 Pedro 3:15

Keilangan meg-aneng-aneng kaw te si Cristo se Pengolo niyo. Keilangan gayed kaw megpeketagad tomaba diyà te otaw meg-insà kenyo tepad te pinemenalan niyo.

Tito 3:2

Pegtoladà ka kandan te eked dan peglibag, aw eked dan pegdindil. Meneng keilangan mèpiya se pedowan dan diyà te kedita te otaw, aw megsagman dan kandan,

1 Pedro 3:4

Meneng keilangan ipekità niyo se mèpiya but lekat te pedowan niyo. Aw metinuud kaw, aw metelek kaw, yan se doen ontò keelagà eked palos pegkedaet, so ontò meelagà diyà te Timanem se otaw iling kenyan.

1 Timoteo 6:11

Meneng so sikona se otaw egtaking te Timanem, pegpediyò ka lekat te kedita te medaet sìyan in-indan ko kamno. Pegpekeaseb ka meg-inang te metòlid, aw toman ka te ibeg te Timanem, aw salig ka kandin. Keilangan dakel se pedowan no diyà te menge doma otaw, aw keilangan medalem aw mèpiya se pedowan nikaw.

2 Timoteo 2:25

Aw megtoladà sikandin te menge otaw kenà egpemenal te kagi din, keilangan mèpiya se pedowan din kandan, so doen besi aldaw ibegay te Timanem kandan amon megselsel dan aw metaga-taga dan te kebenalan.

Roma 4:13

Gebii, migpakang se Timanem diyà ki Abraham aw menge bowad-bowad din te doen aldaw domateng aw begayan dan te kedakel te keneyonan aw lomowan dan diyà te kedita te otaw. Yan se impakang te Timanem kenà so timolò si Abraham te menge punù ingkeliwat i Moises, meneng impakang iyan te Timanem so nemenal si Abraham te Timanem aw inaneng-aneng te Timanem te metòlid sikandin.

Mat. 21:5

“Seini se iindan no diyà te kedita te tege Sion. Na, domateng se selotan niyo, aw medanà se pegkeotawun din, so somakay te nati te asno.”