Mat. 5:3 - Manobo Sarangani

³ “Doen keluba te kedita te otaw netaga-taga te eked dan pekeinang te mèpiya singed aw tebangan dan te Timanem, so sekopen din dan diyà te peglowan din.

Mat. 5:3 ပူးပေါင်းရင်းမြစ်များ

Luc. 18:14

Na, penenalan kaw te kagi ko. Peg-olì te iskribinti sìyan, pigwedad den te Timanem se salà din. Meneng se Parisiyo, wedà pegwedadi te Timanem se salà din. Inangen te Timanem medanà se kedita te otaw egpelangkaw-langkaw, meneng inangen din melangkaw se kedita te otaw egpedanà te kandan pegkeotawun.”

Santiago 2:5

Menge kedowa egkedekelan ko te pedowan, penenalan kaw te kagi ko seini. Pengkey deitek se kedònan te otaw sagkep dini te keneyonan, yan se otaw pinemallì te Timanem amon dakel se pegsalig dan kandin, aw mekeakop dan heman diyà te peglowan din, so yan se impakang din diyà te kedita te otaw doen dakel pedowan kandin.

Luc. 11:28

Meneng minikagi si Jesus, “Labi pa meluba se kedita te otaw domineg te kagi te Timanem aw tomolò dan heman kenyan.”

Mat. 11:25

Penga niyan, migtawal-tawal si Jesus, kagi din, “Amà, Pengolo te kedita doton te langit aw dini heman te lanto te tanà, egpesiontong a diyà kamno, so wedà no petega-tegahi se kebenalan diyà te otaw biyasa aw dakel ontò netegahan, meneng impetaga-taga no den iyan diyà te otaw medanà.

Luc. 4:18

“Dini kanak se Espiritu Santo, so pinemallì a din amon megtoladà a te Mèpiya Indan diyà te menge otaw sagkep. Insogò a din amon mikagi a diyà te menge otaw kineleboso te ipelowà den dan te Timanem. Insogò a heman amon mikagi a diyà te menge otaw bota te komità den dan. Insogò a din amon megpelowà a te kedita te otaw nelimahan,

Mar. 10:14

Meneng pegkità i Jesus kenyan, neopal sikandin aw minikagi, “Ikà niyo egsagda kandan, so lomowan se Timanem diyà te otaw ontò somalig diyà kandin iling te pegsalig te mengisù diyà te amay aw inay dan.

Mat. 13:16

“Meneng doen den keluba niyo, so kimità kaw den aw dimineg kaw den te kebenalan.

Santiago 1:12

Aw meketayod se otaw te kelimahan, yan se otaw ontò meluba, so penga niyan, doen ontong kinewaen din, se kaling pedowan impakang te Timanem diyà te kedita te otaw doen dakel pedowan kandin.

Juan 20:29

Minikagi si Jesus, “Nemenal ka den so kimità ka den kanak. Meneng labi pa meluba se menge otaw memenal pengkey wedà dan kità kanak.”

Mat. 24:46

Aw domateng se pengolo din, ontò meluba se sineligan gayed egtolò te impunù te amo din.

Santiago 1:10

Meneng se menge kedowa tadon meyaman aw melangkaw, mèpiya aw meluba dan te kenà keyemanan se seligan dan. Megkewedad se keyemanan te eked kenamay iling te bolak te kebenesan,

Impekità 22:14

Ontò meluba se kedita te otaw neonawan lekat te salà dan, so yan se otaw mepakay komaen te pongo te kayo iningedanan Kayo Mekebegay te Kaling Pedowan, aw mepakay heman aw mawop dan te lelebangan pesalo doton te lonsod.

Impekità 19:9

Penga niyan, minikagi se anghil, “Solat ka den kani. Ontò meluba se kedita dan tinawal diyà te peipid te Karniro.” Penga niyan, minikagi heman sikandin, “Yan se benal kagi te Timanem.”

Mat. 25:34

so mikagi a diyà te menge otaw lenged te kowanan ko, ‘Taking kaw den kanak, so pinemallì kaw te Amay ko Timanem amon meluba kaw. Metoman den iyan so megtebò a den lomowan diyà kenyo iling te peglalang te Amay ko te wedà pa inangi se keneyonan.

Mat. 11:6

Indani niyo heman sikandin te doen keluba te otaw eked pegdowa-dowa te pegsalig din kanak.”

Mat. 8:11

Metoman se kagi ko seini. Aw domateng se aldaw te peglowan te Timanem, medita se otaw domateng lekat te kedita te ogpeanan te keneyonan, pengkey kenà dan Judiyo. Ipeakop dan diyà te peglowan te Timanem sipat kemonaan niyo si Abraham, aw si Isaac, aw si Jacob.

Mat. 3:2

“Pegselsel kaw den te menge salà ininang niyo, so agpet den lomowan se Timanem diyà kenitadon.”

Mat. 19:14

Meneng minikagi si Jesus, “Ikà niyo egsagda kandan, so lomowan se Timanem diyà te otaw ontò somalig diyà kandin iling te pegsalig te mengisù diyà te amay aw inay dan.”

Luc. 22:29

Migpunù se Amay ko te siak se lomowan, aw megpunù a den heman te sikiyo

Luc. 22:30

se megdoma kanak te pegkaen ko kidoen te peglowan ko. Sikiyo heman se isawol ko lomowan diyà te sempolò teg dowa pongan te menge bowad-bowad i Israel.”

Impekità 3:17

so egduyun kaw te kenyo pegkeotawun te meyeyaman kaw, aw wedad den kolang te kedònan niyo. Meneng wedà niyo ketegahi te sikiyo se ontò nelimahan. Wedà niyo ketegahi te iling kaw te otaw sagkep, aw bota, aw wedad penenaktun.