Mat. 5:18 - Manobo Sarangani

¹⁸ Eneng-enengi niyo se kagi ko kenyo seini. Dalem te doen pa langit aw tanà, wedad palos punù te Timanem pegwedaden, meneng metoman se kedita te kagi din.

Mat. 5:18 ပူးပေါင်းရင်းမြစ်များ

Luc. 16:17

Pengkey megkewedad se langit aw tanà, meneng eked palos pegkewedad se punù te Timanem te eked pa iyan ketoman.

1 Pedro 1:25

Meneng eked pegkewedad se kagi te Pengolo tadon te wedad temanan.” Se kagi sìyan, yan se Mèpiya Indan tepad ki Jesu Cristo intoladà diyà kenyo.

Mar. 13:30

Eneng-enengi niyo se kagi ko kenyo seini. Doen menge otaw komità te pengilala sìyan, eked dan kematay singed aw metoman se kedita niyan.

Impekità 20:11

Penga niyan, kinità ko se mepotì onsedanan te peglowan ontò dakel, aw doen nenenoo kidoen. Ontò migpekediyò se tanà aw langit lekat kandin tandà te kelangkaw din, aw eked den dan kitai.

Juan 5:19

Minikagi si Jesus diyà te menge obanen te Judiyo, “Eneng-enengi niyo se kagi ko kenyo. So Batà a te Timanem, wedad palos inangen ko lowà te ibeg te Amay ko. Olò ko inangen se tapay kinità ko eg-inangen te Amay ko. Se inangen din, yan heman se inangen ko,

Mat. 17:20

Minikagi si Jesus, “Wedà niyo iyan kebatog so wedà pa kelobos se pegsalig niyo diyà kanak. Mikagi a den diyà kenyo te pengkey deitek pa se pegsalig niyo diyà kanak iling te kedeitek te benì te mostasa, mekebatog kaw mikagi diyà te bontod seini te malin iyan, aw tomolò iyan kenyo, so wedad palos eked niyo kebatog. [

Mat. 16:28

Eneng-enengi niyo se kagi ko kenyo seini. Doen otaw dini kenyo eked kematay singed aw onà dan komità te pegtebò te peglowan ko Timanem Migpekeotaw.”

Mat. 13:17

Eneng-enengi niyo se kagi ko seini. Pengkey medita se telekeliwat te kagi te Timanem aw doma otaw eg-inang te metòlid gebii ibeg komità te inang ko kinità niyo, meneng wedà dan kità kenyan. Pengkey ibeg dan domineg te kagi ko dinineg niyo, meneng wedà dan dineg kenyan.”

Mat. 10:23

Aw pemilangen kaw kidoen te sebad lonsod, kadas kaw lekat kidoen aw doton kaw te doma lonsod. Penenalan kaw te kagi ko kenyo seini. Siak se Timanem Migpekeotaw, aw lomikò a te eked pa kepenga se pegtoladà niyo kidoen te kedita te lonsod eg-ogpaan te menge bowad-bowad i Israel.

Mat. 6:2

“Yan aw megtabang kaw te otaw sagkep, ikà niyo eg-indan diyà te kedita te otaw amon iduyun kaw dan, so iling kenyan se eg-inangen te otaw eden dan aw egpenimanem dan. Yan se eg-inangen dan doton te simbahan te Judiyo aw kidoen te dalan, amon iduyun dan te menge doma otaw. Meneng eneng-enengi niyo se kagi ko seini. Wedad palos ontong ibegay te Timanem kandan.

Mat. 5:26

Eneng-enengi niyo se kagi ko seini. Aw kelebosowen kaw, eked kaw palos pekelowà singed aw beyadan niyo se kedakel te salà.”

Juan 21:18

Eneng-enengi se ikegiyen ko kamno. Te kaling ka pa otaw, sikona se nenaol te kamno pegkeotawun, aw sikona heman se nemallì aw kenan ka pesalo. Meneng aw megketemoay ka, ibegay no se belad no amon geposen ka te menge doma otaw, aw ibingen ka dan doton te kenà no ibeg.”

Juan 16:23

Aw metoman iyan, wedad keilangan te peg-insà niyo kanak aw eden se kedegdagan te inikagi ko. Eneng-enengi niyo se kagi ko seini. Aw doen pemoyoen niyo diyà te Amay ko pineokit te ngadan ko, yan se ibegay din kenyo.

Juan 16:20

Eneng-enengi niyo se ikegiyen ko den diyà kenyo. Megkelag aw megmatay kaw tepad kanak, meneng meluba se medaet otaw dini te keneyonan. Pengkey melidò kaw, meneng todà kaw meluba.

Juan 14:12

“Eneng-enengi niyo se kagi ko kenyo. Se otaw memenal kanak, iling heman te eg-inangen ko se inangen din, aw labi pa dakel se inangen din, so mesayo a den aw molì a doton te Amay ko.

Juan 13:38

Timaba si Jesus, “Eden no aw neketagad ka den imetayan tandà te pegtaking no kanak. Eneng-enengi se kagi ko kamno. Te eked pa pegkolaak se manok te iselem, ibolon a nikaw te meketelo.”

Juan 13:16

Eneng-enengi niyo se kagi ko kenyo. Se sineligan, kenà melangkaw diyà te amo din. Se sogounun, kenà heman melangkaw diyà te otaw simogò kandin.

Juan 12:24

Eneng-enengi niyo se kagi ko kenyo. Wedad ontong te benì singed aw onà itanem diyà te tanà aw ilebeng. Aw ilebeng aw tomobò, dakel se pongo niyan.

Juan 10:7

Yan minikagi heman si Jesus, “Eneng-enengi niyo se kagi ko kenyo. Iling a te lelebangan te kelokob te karniro.

Juan 10:1

Mig-indan si Jesus kandan te tegdeyanan tepad te menge sakop din, aw sinu se mepakay mengibing kandan. Minikagi sikandin, “Eneng-enengi niyo se kagi ko kenyo. Aw doen kelokob te ayam-ayam karniro, se otaw eked okit te lelebangan niyan meneng lomàpang te alad, yan se menenakaw.

Juan 8:58

Minikagi si Jesus, “Eneng-enengi niyo se kagi ko. Te wedà pa tebaw si Abraham, tapay a den doen.”

Juan 8:51

Eneng-enengi niyo se kagi ko kenyo. Eked detengi te kemetayun se kedita te otaw tomolò te ipegtoladà ko.”

Juan 8:34

Minikagi si Jesus, “Eneng-enengi niyo se kagi ko kenyo. Se kedita te otaw eg-inang te salà, yan se allang te salà.

Juan 6:53

Minikagi si Jesus, “Eneng-enengi niyo se kagi ko kenyo. Aw eked kaw kaen te onod ko, aw eked kaw heman inem te dipanog ko, wedad kaling pedowan ibegay kenyo. Siak se Timanem Migpekeotaw,

Juan 6:47

Eneng-enengi niyo se kagi ko kenyo. Doen kaling pedowan wedad temanan te kedita te otaw nemenal kanak.

Juan 6:32

Minikagi si Jesus, “Eneng-enengi niyo se kagi ko kenyo. Kenà si Moises se nemegay te kànen lekat te langit, meneng Timanem se egpemegay kenyo te benal kànen lekat te langit.

Juan 6:26

Timaba si Jesus, “Eneng-enengi niyo se kagi ko kenyo. Nengemahà kaw kanak kenà so nemenal kaw pineokit te kepelahan impekità ko kenyo, meneng nengemahà kaw kanak so nebesog kaw te pan impekaen ko kenyo gebenini.

Juan 3:11

Eneng-enengi se kagi ko kamno. Eg-ikegiyen day se netegahan day, aw ipeg-indan day se benal kinità day, meneng wedà kaw pemenal te inikagi day.

Juan 3:5

Minikagi si Jesus, “Eneng-enengi se kagi ko kamno. Aw eked tebaw se otaw pineokit te wayeg aw pineokit heman te Espiritu Santo, eked sikandin kesakop diyà te peglowan te Timanem.

Juan 3:3

Minikagi si Jesus, “Eneng-enengi se kagi ko kamno. Aw eked todà tebaw se otaw, eked sikandin kesakop diyà te peglowan te Timanem.”

Juan 1:51

Minikagi heman si Jesus, “Eneng-enengi se kagi ko kamno, so komità kaw te langit meowang, aw kitaen niyo heman se menge anghil te Timanem menayit aw tomenà diyà kanak Timanem Migpekeotaw.”

Luc. 23:43

Minikagi si Jesus, “Eneng-enengi se kagi ko kamno. Kwani seini, megdoma ka kanak doton te langit.”

Luc. 18:29

Minikagi si Jesus, “Eneng-enengi niyo se kagi ko seini. Se otaw timanan den te kedònan din, aw esawa din, aw kedowa din, aw amay din, aw inay din, aw batà din, amon megtoladà te doma otaw tepad te peglowan te Timanem,

Luc. 18:17

Eneng-enengi niyo se kagi ko seini. Aw eked salig se otaw diyà te Timanem iling te pegsalig te mengisù diyà te amay dan, eked sikandin sekopi te Timanem diyà te peglowan din.”

Luc. 13:35

Na, pinebeyaan den se ogpeanan niyo. Penenalan kaw kanak. Aw mesayo a, eked kaw kità kanak singed aw mikagi kaw, ‘Iduyun se insogò te Pengolo tadon Timanem.’”

Luc. 12:37

Aw domateng se amo dan, ontò dan meluba aw wedà dan tedogi aw neketagad dan. Eneng-enengi niyo se kagi ko seini. Mèpiya se inangen din diyà kandan. Meg-ekas se amo dan, aw sikandin se megpepenenoo kandan kidoen te lemisa aw megpekaen kandan.

Luc. 11:51

lekat te peg-imatay dan ki Abel taman te peg-imatay dan ki Zacarias kidoen te dowangen te dakel simbahan medapag te sonoganan te ayam-ayam ibegay diyà te Timanem. Mikagi a den diyà kenyo te metoman ipelumun te Timanem se kedita niyo songkani tandà te pegpengimatay kandan.

Mar. 14:30

Minikagi si Jesus, “Eneng-enengi se kagi ko kamno seini. Kwani te eked pegkolaak se manok te mekedowa te delem seini, ibolon a nikaw te meketelo.”

Mar. 14:25

Eneng-enengi niyo se kagi ko kenyo seini. Eked a todà inem te ininem tadon seini singed aw metoman kidon minem te kaling bino doton te peglowan te Timanem.”

Mar. 14:18

Dalem te kimaen dan, minikagi si Jesus, “Eneng-enengi niyo se kagi ko kenyo seini. Doen sebad kenyo megtolok kanak, aw kimaen sikandin doma ko.”

Mar. 14:9

Eneng-enengi niyo se kagi ko seini. Eked palos sikandin kelibeli, so pengkey kenan toledai se Mèpiya Indan doton te kebelad te keneyonan, iindan heman se ininang te bayi sìyan.”

Mar. 12:43

Penga niyan, tinawal i Jesus se menge tinoledaan din, aw minikagi sikandin, “Eneng-enengi niyo se kagi ko seini. Pengkey dakel se imbowang te kedita te doma otaw migsawol te kwarta kidoen, meneng labi pa meelagà se imbowang te bayi balo sida.

Mar. 11:23

Eneng-enengi niyo se kagi ko kenyo seini. Aw mikagi se otaw diyà te bontod seini te meabat iyan aw mealin doton te dagat, aw kenà egdowa-dowa se pedowan din, meneng egpemenal te metoman se kagi din, metoman iyan meinang.

Mar. 10:29

Minikagi si Jesus, “Eneng-enengi niyo se kagi ko kenyo seini. Se otaw timanan den te kedònan din, aw kedowa din, aw amay din aw inay din, aw batà din, aw pawà din, amon tomaking kanak aw amon megtoladà te menge doma otaw tepad te Mèpiya Indan,

Mar. 10:15

Eneng-enengi niyo se kagi ko kenyo seini. Aw eked salig se otaw diyà te Timanem iling te pegsalig te mengisù diyà te amay dan, eked sikandin sekopi te Timanem diyà te peglowan din.”

Mar. 9:41

Eneng-enengi niyo se kagi ko kenyo seini. Aw melao kaw, aw doen otaw memegay kenyo te wayeg tandà te pegpesakop niyo diyà kanak, begayan sikandin te Timanem te ontong.”

Mar. 9:1

Minikagi heman si Jesus, “Eneng-enengi niyo se kagi ko kenyo seini. Doen otaw dini kenyo eked kematay singed aw onà dan komità te pegtebò te peglowan te Timanem metolos.”

Mar. 8:12

Ontò migpedo-pedo si Jesus tandà te puluk din, aw minikagi sikandin, “Wedad kekemowan te pegpekità ko kenyo te pengilala. Eneng-enengi niyo se kagi ko seini. Wedad palos pengilala ipekità te Timanem diyà kenyo.”

Mar. 6:11

Aw doen otaw eked pegsagman kenyo, aw eked dan penenalan te itoladà niyo, tektaki niyo se napò te tanà lekat te sepatos niyo te pegkesayo niyo lekat te lonsod dan. Yan metaga-taga se otaw kidoen te doen salà ininang dan, so wedà dan penenalan kenyo.”

Mar. 3:28

“Eneng-enengi niyo se kagi ko kenyo. Pengkey eden kemoloi te salà inangen te otaw, mepakay iyan pegwedaden te Timanem, pengkey megtompuyus dan kandin.

Mat. 25:45

Tomaba a, ‘Eneng-enengi niyo se kagi ko seini. Pineokit te wedà kaw pegtabang te ontò medanà otaw egtaking kanak, wedà a niyo tebangi.’

Mat. 25:40

Tomaba a, ‘Eneng-enengi niyo se kagi ko seini. Pineokit te peg-inang niyo kenyan diyà te ontò medanà otaw egtaking kanak, ininang niyo iyan diyà kanak.’

Mat. 25:12

Meneng minikagi sikandin, ‘Wedà ko sikiyo kilelai.’

Mat. 24:47

Eneng-enengi niyo se kagi ko kenyo seini. Aw yan se inangen din, meinang sikandin egpengibing te kedita doton te balay te amo din.

Mat. 24:2

Meneng minikagi si Jesus, “Pengkey induyun niyo se simbahan seini, meneng mikagi a kenyo te tigkan iyan kebàtan te modi aldaw, aw wedad palos bato ketenanan diyà te lanto te doma bato.”

Mat. 23:36

Eneng-enengi niyo se kagi ko kenyo seini. Metoman ipelumun te Timanem se kedita niyo songkani tandà te pegpengimatay kandan.”

Mat. 21:31

Nayan, indani a niyo. Eden lay betai se timolò te amay din?” Timaba dan, “Kakay se timolò.” Minikagi si Jesus, “Eneng-enengi niyo se kagi ko kenyo seini. Medita den se otaw nekeonà kenyo migpesakop diyà te peglowan te Timanem, pengkey nelegeb dan te salà iling te menge iskribinti aw menge kepoyun.

Mat. 21:21

Minikagi si Jesus, “Eneng-enengi niyo se kagi ko kenyo seini. Aw somalig kaw diyà te Timanem aw eked kaw pegdowa-dowa, meg-inang kaw te kepelahan labi pa metolos diyà te ininang ko diyà te kayo seini. Aw mikagi kaw diyà te bontod seini te meabat iyan aw mealin doton te dagat, metoman iyan meinang.

Mat. 19:28

Minikagi si Jesus, “Eneng-enengi niyo se kagi ko kenyo seini. Aw inangen te Timanem kaling se keneyonan, menenoo a Timanem Migpekeotaw doton te melangkaw onsedanan te peglowan. Sikiyo menge tinoledaan ko, menenoo kaw heman doton te sempolò teg dowa onsedanan te peglowan, so lomowan kaw diyà te sempolò teg dowa pongan te menge bowad-bowad i Israel.

Mat. 19:23

Minikagi si Jesus diyà te menge tinoledaan din, “Eneng-enengi niyo se kagi ko kenyo. Ontò melima se pegpesakop te otaw meyaman diyà te peglowan te Timanem.

Mat. 18:18

“Eneng-enengi niyo se kagi ko kenyo seini. Aw megpunù kaw te doen eked kepakay inangen dini lanto te tanà, eked heman iyan kepakay inangen doton te langit. Aw megpunù kaw te doen mepakay inangen dini lanto te tanà, mepakay heman iyan inangen doton te langit.

Mat. 18:3

Penga niyan, minikagi si Jesus, “Eneng-enengi niyo se kagi ko seini. Eked kaw palos sekopi te Timanem diyà te peglowan din singed todaen niyo se aneng-aneng niyo, aw megpedanà kaw iling te kedanà te mengisù.

Mat. 11:11

Minikagi heman si Jesus, “Eneng-enengi niyo se kagi ko kenyo seini. Wedad palos otaw dini lanto te tanà labi pa melangkaw diyà ki Juan Memonyagay. Meneng labi pa melangkaw diyà ki Juan se kedita te otaw megpesakop diyà te peglowan te Timanem.

Mat. 10:42

Eneng-enengi niyo se kagi ko kenyo seini. Aw melao se sebad otaw medanà egtaking kanak, aw memegay kaw te wayeg diyà kandin tandà te pegtaking din kanak, begayan kaw te Timanem te ontong.”

Mat. 10:15

Eneng-enengi niyo se kagi ko kenyo seini. Pengkey ipelumun te Timanem se tege Sodoma aw tege Gomora te modi aldaw tepad te salà dan ontò medaet, meneng labi pa ipelumun te Timanem se otaw eked pegsagman kenyo.”

Mat. 8:10

Pegdineg i Jesus te kagi din, ontò nepela. Penga niyan, minikagi sikandin diyà te menge otaw timaking kandin, “Eneng-enengi niyo se kagi ko kenyo seini. Pengkey kidoen te menge bowad-bowad i Israel, wedad palos otaw netelaan ko simalig diyà kanak iling te pegsalig din.

Mat. 6:16

“Aw megpowasa kaw, ikà niyo egpetaga-taga kenyan diyà te doma otaw pineokit te bawa niyo. Ikà niyo eg-iling te menge otaw eden dan aw egpenimanem dan, so eg-inangen dan medaet se bawa dan amon metaga-taga se doma otaw te kenà dan egpengaen. Eneng-enengi niyo se kagi ko seini. Wedad den palos ontong ibegay te Timanem kandan.

Luc. 4:24

Meneng eneng-enengi niyo se kagi ko seini. Kenà egsegmanen se telekeliwat te kagi te Timanem kidoen te kandin probinsya.