Mat. 5:12 - Manobo Sarangani

¹² Iling heman kenyan se pegpemilang dimateng diyà te menge telekeliwat te kagi te Timanem gebii. Meneng keilangan ontò kaw meluba, so ontò mèpiya se ontong ibegay diyà kenyo doton te langit.”

Mat. 5:12 ပူးပေါင်းရင်းမြစ်များ

Luc. 6:23

so egtindàten heman te kemonaan dan se menge telekeliwat te kagi te Timanem gebii. Aw yan se domateng diyà kenyo, keilangan ontò kaw meluba, so ontò mèpiya se ontong ibegay kenyo kidoen te langit.

Santiago 1:2

Menge kedowa ko, aw detengan kaw te menge kelimahan, keilangan ontò kaw meluba,

Kolasas 3:24

Ikà niyo egkelibel te doen ontong ibegay te Pengolo tadon diyà kenyo doton te langit, so Pengolo tadon si Cristo se ontò amo tadon.

1 Pedro 4:13

Keilangan meluba se pedowan niyo, so iling te migdoma kaw den ki Cristo te pegtayod din te kelimahan dimateng kandin. Aw tomayod kaw te kelimahan, labi kaw pa meluba te aldaw aw komità kaw kandin te peglikò din.

Kolasas 1:24

Pengkey kineleboso a, meneng neluba a den, so pineokit te kelimahan ko, melobos se pedowan niyo diyà ki Cristo. Pineokit te pegtayod ko te kelimahan, kelumunan ko se kelimahan ibeg i Cristo okitan ko amon ketebangan se kedita te otaw egpemenal, kedita tadon impolingun te lawa i Cristo.

Roma 5:3

Doen heman doma ingkeluba tadon. Neluba kidon te doen den kelimahan tadon tandà te pegtaking tadon ki Cristo, so pineokit te pegtayod tadon te kelimahan, doen keilingan tadon amon eked kidon dàgi pengkey eden se domateng kenitadon.

Mat. 16:27

Siak se Timanem Migpekeotaw, aw lomikò a dini tekingan te menge anghil aw kelangkaw te Amay ko. Aw lomikò a, begayan ko se kedita te otaw te ontong tepad te tapay dan ininang.

Menge Hebreo 11:6

Eked palos keluba se Timanem pineokit te eg-inangen tadon singed aw somalig kidon diyà kandin. Aw megpedapag se otaw diyà te Timanem, keilangan memenal sikandin te doen Timanem, aw keilangan memenal heman sikandin te doen ontong ibegay te Timanem diyà te kedita te otaw mengemahà kandin.

1 Tesalonika 2:15

Nengimatay se menge Judiyo te menge telekeliwat te kagi te Timanem gebii. Nengimatay heman se menge Judiyo te Pengolo tadon si Jesu Cristo, aw nemilang dan heman kenami. Kenà egkeibeg se Timanem te eg-inangen dan. Iling te egpoon dan te kedita te otaw,

Filipos 2:17

Aw imetayan a, meinang se dipanog ko iling te bino itoyong diyà te ayam-ayam sonogen, aw se tabang niyo kanak tandà te pegpemenal niyo iling te ayam-ayam toyongan kenyan aw ibegay diyà te Timanem. Aw metoman iyan, eked a den kepuluk meneng labi a pa meluba doma kenyo.

2 Korinto 4:17

Pegpemilang kanak, aneng-aneng ko meketayod a, so doen temanan niyan. Aw meketayod a te pegpemilang kanak, ontò mèpiya se ibegay te Timanem kanak doton te langit. Ontò mèpiya se ontong wedad temanan.

Ininang 5:41

Pegkesayo te sogounun i Cristo, ontò neluba se pedowan dan, so aneng-aneng dan, pinemallì dan te Timanem amon pemilangen dan tandà te pegpemenal dan ki Jesus.

Mat. 6:16

“Aw megpowasa kaw, ikà niyo egpetaga-taga kenyan diyà te doma otaw pineokit te bawa niyo. Ikà niyo eg-iling te menge otaw eden dan aw egpenimanem dan, so eg-inangen dan medaet se bawa dan amon metaga-taga se doma otaw te kenà dan egpengaen. Eneng-enengi niyo se kagi ko seini. Wedad den palos ontong ibegay te Timanem kandan.

1 Korinto 3:8

Wedad melangkaw diyà te otaw manggas aw otaw megtonggò, so doen ontong ibegay te Timanem diyà te teg sebad-sebad kandan tepad te eg-inangen dan.

Luc. 6:35

Meneng sikiyo, seini se keilangan inangen niyo. Kedekeli niyo te pedowan se poon niyo. Inangi niyo dan te mèpiya. Pebelesi niyo dan pengkey eked dan iyan keolì. Aw yan se inangen niyo, dakel se ontong ibegay diyà kenyo, aw ipetaga-taga niyo te batà kaw te Timanem, so gayed sikandin egkeido te kedita te otaw pengkey medaet dan aw kenà egpesiontong.

Genesis 15:1

Penga niyan, migpekità se Timanem diyà ki Abram, aw minikagi sikandin, “E Abram, ikà egkelemitan. Siak se megkelasag kamno amon eked ka peelegi. Ontò dakel se ontong ibegay ko diyà kamno.”

Ininang 16:25

Tengà te delem, migtawal-tawal si Pablo aw si Silas diyà te Timanem. Migdelangan dan heman se dimuyun te Timanem. Nenenalan kandan se menge doma otaw kineleboso.

Luc. 13:34

“Mekelelayò kaw tege Jerusalem. Gayed niyo eg-imetayan se kedita te telekeliwat te kagi te Timanem, aw egbontogan niyo te bato se kedita te otaw insogò te Timanem dini kenyo amon matay dan. Melikit a peden megtipon kenyo amon meg-ipat a kenyo, iling te omagak lomemlem diyà te menge onsoy din. Meneng wedà kaw keibeg.

Menge Hebreo 11:26

Aneng-aneng din, pengkey mèpiya aw megkeyaman sikandin doton te Ehipto, meneng labi pa mèpiya aw pemilangen sikandin tandà te pegpemenal din te tomanen te Timanem se pakang din, sìyan tinoman din pineokit te pegsogò din te Misiyas. Labi pa iyan mèpiya diyà ki Moises, so egpemenal sikandin te doen ontong ibegay te Timanem diyà kandin te modi aldaw.

Filipos 1:29

Pinemallì kaw din kenà olò amon memenal kaw ki Cristo, meneng pinemallì kaw din heman amon pemilangen kaw tandà te pegtaking niyo kandin.

Menge Hebreo 10:34

Neidowan niyo se doma otaw kineleboso aw migtabang kaw kandan. Pengkey linompak se kedita te kedònan niyo, meneng gayed pa neluba se pedowan niyo, so netegahan niyo te doen ontong niyo labi pa mèpiya doton te langit eked palos kelompak lekat kenyo.

Menge Hebreo 11:33

So simalig dan diyà te Timanem, yan tinebangan din dan, aw yan doen otaw diyà kandan nekedaeg te menge selotan migpoon kandan. Doen heman diyà kandan metòlid se peglowan dan diyà te menge sakop dan. Doen heman menge doma otaw kiminawà te mèpiya impakang te Timanem kandan tandà te pegsalig dan diyà kandin. Doen heman menge doma nekedaeg te menge liyon, aw yan wedà dan kebangà.

Santiago 5:10

Eneng-enengi niyo se menge telekeliwat te kagi te Pengolo gebii. Pengkey insogò dan te Pengolo, meneng doen heman kelimahan neteyodan dan.