Mat. 4:9 - Manobo Sarangani

⁹ Minikagi si Satanas, “Aw lomongken ka diyà kanak aw simbahen a nikaw, ibegay ko diyà kamno se kedita te ogpeanan sìyan, amon lomowan ka diyà te kedita te otaw kidoen.”

Mat. 4:9 ပူးပေါင်းရင်းမြစ်များ

2 Korinto 4:4

so se menge otaw wedà pemenal, impekagsen i Satanas se olo dan amon eked dan kelebeti se Mèpiya Indan tepad te kelangkaw i Jesu Cristo, so egkitaen se keanyag te Timanem diyà te bawa i Cristo.

Impekità 19:10

Penga niyan, limongken a diyà kandin amon simbahen ko, meneng minikagi sikandin, “Ikà egsimba kanak, so pengkey siak, aw sikona, aw kedita heman te doma no nemenal te kebenalan intoladà i Jesus, tomalag egtolò te Timanem. Yan keilangan Timanem olò se simbahen nikaw.” Yan se inikagi din, so se intoladà i Jesus, yan heman se kebenalan intoladà te menge telekeliwat te kagi te Timanem.

Juan 16:11

Ipetaga-taga din heman te metoman dan ipelumun te Timanem, so dinaeg se pengolo te medaet dini te keneyonan.

1 Timoteo 3:6

Eked heman kepakay aw inangen egpengibing te simbahan se otaw kaling nemenal ki Cristo, so megpelangkaw-langkaw besi sikandin aw yan ipelumun te Timanem iling ki Satanas.

Impekità 19:16

Doen gulal din insolat kidoen te saol din aw bobon din, “Selotan eglowan diyà te kedita te selotan,” aw “Pengolo te kedita te pengolo.”

Juan 14:30

Wedad den nael aldaw te pegtoladà ko kenyo, so agpet den domateng se pengolo te medaet dini te keneyonan, amon domaeg peden kanak. Eked a din dàgi,

Juan 13:3

Meneng si Jesus, tapay netegahan din te insalig diyà kandin se pegpengibing te kedita. Netegahan din heman te Timanem se migsogò kandin aw sikandin se olian din heman.

Juan 12:31

Lekat seini, ipelumun te Timanem se kedita te poon din dini te keneyonan. Dàgen din heman se pengolo te medaet dini te keneyonan si Satanas.

Mat. 26:15

aw minikagi sikandin, “Aw itolok ko sikandin amon dekepen niyo, pila lay se kwarta ibegay niyo kanak?” Penga niyan, doen kwarta imbegay dan diyà kandin ketlowan plata.

Mat. 4:10

Meneng minikagi si Jesus, “Satanas, kesayo ka. Eked a pegsimba kamno, so doen kagi te Timanem insolat, ‘Timanem se Pengolo niyo aw sikandin se keilangan simbahen niyo, so sikandin olò se mepakay tekingan niyo.’”