Mat. 4:4 - Manobo Sarangani

⁴ Meneng minikagi si Jesus, “Eked a, so doen kagi te Timanem insolat, ‘Kenà olò kànen se keilangan te otaw amon eked kematay, meneng keilangan kominawà se otaw te kedita te impunù te Timanem.’”

Mat. 4:4 ပူးပေါင်းရင်းမြစ်များ

Luc. 4:4

Meneng minikagi si Jesus, “Eked a, so doen kagi te Timanem insolat, ‘Kenà olò kànen se keilangan te otaw amon eked kematay.’ ”

Juan 6:63

Timanem olò se mekebegay te kaling pedowan. Eked iyan keabat pineokit te pagod te otaw. Meneng se kebenalan intoladà ko kenyo, yan se lekat te Timanem aw mekebegay te kaling pedowan.

Roma 15:4

Netegahan tadon te insolat se kedita te kagi te Timanem gebii amon peg-ilingan tadon, so pineokit te kagi te Timanem, meketayod kidon te kelimahan, aw megkagsen se pedowan tadon dalem te pegpeliman tadon te aldaw domateng.

Efeso 6:17

Iling te telandà kinis se pegketaga-taga niyo te nekelowà kaw den lekat te salà. Iling te sondang se kagi te Timanem insolat imbegay te Espiritu Santo diyà kenyo. Keilangan gemiten niyo se kedita te kekamang sìyan.

Luc. 4:8

Meneng minikagi si Jesus, “Eked a, so doen kagi te Timanem insolat, ‘Timanem se Pengolo niyo aw sikandin se keilangan simbahen niyo, so sikandin olò se mepakay tekingan niyo.’”

Mat. 4:10

Meneng minikagi si Jesus, “Satanas, kesayo ka. Eked a pegsimba kamno, so doen kagi te Timanem insolat, ‘Timanem se Pengolo niyo aw sikandin se keilangan simbahen niyo, so sikandin olò se mepakay tekingan niyo.’”

Mat. 4:7

Meneng minikagi si Jesus, “Eked a, so doen heman kagi te Timanem insolat, ‘Ikà niyo egtandà te Pengolo niyo Timanem.’”

Luc. 4:12

Meneng timaba si Jesus, “Eked a, so doen kagi te Timanem insolat, ‘Ikà niyo egtandà te Timanem.’”

Mat. 15:11

Kenà egpekesalà se otaw pineokit te iawop din diyà te bahà din. Meneng egpekesalà se otaw pineokit te lomowà lekat te bahà din.”

Mar. 7:20

Minikagi heman si Jesus, “Meneng se kagi lomowà lekat te bahà te otaw, yan se doun te egpekesalà se otaw.

Juan 15:26

“Isogò ko dini kenyo se Teletabang lekat te Amay ko. Yan se Espiritu Santo megtoladà kenyo te kebenalan. Aw domateng sikandin lekat te Amay ko, meg-indan sikandin te kebenalan tepad kanak.