Mat. 4:3 - Manobo Sarangani

³ Dimateng si Satanas aw minikagi sikandin, “Aw ontò ka Batà te Timanem, inangi pan se menge bato seini pineokit te tolos no amon doen kànen nikaw.”

Mat. 4:3 ပူးပေါင်းရင်းမြစ်များ

Mat. 14:33

Limongken se doma tinoledaan diyà ki Jesus, aw migsimba dan kandin, aw minikagi dan, “Ontò ka Batà te Timanem.”

Mat. 16:16

Timaba si Simon iningedanan din ki Pedro, kagi din, “Sikona se Misiyas. Sikona se Batà te Timanem.”

Mat. 26:63

Meneng wedà taba si Jesus. Penga niyan, minikagi se ontò pengolo te simbahan, “Megpunù a den diyà kamno pineokit te ngadan te Timanem eked palos kematay te keilangan meg-indan ka den te kebenalan. Sikona ekon se Misiyas, sìyan Batà te Timanem. Indani kay den aw benal iyan.”

Mat. 3:17

Penga niyan, dinineg dan se kagi te Timanem lekat te langit, “Seini se Batà ko. Dakel se pedowan ko kandin, aw ontò a neluba kandin.”

Mar. 1:1

Seini se keteboan te Mèpiya Indan tepad te Batà te Timanem, si Jesu Cristo.

Mar. 3:11

Dimoton heman kandin se menge otaw dinetengan te bosaw. Pegkità dan kandin, limongken dan diyà kandin aw timawal dan te dakel kagi, “Sikona se ontò Batà te Timanem.”

Mar. 5:7

Migpunù si Jesus diyà te bosaw, kagi din, “Lowà ka den diyà kandin.” Minikagi se otaw te dakel kagi din, “Jesus, Batà te Timanem ontò melangkaw, ikà egsamok kanak. So Timanem se egtengteng kenita, memoyò a diyà kamno, ikà bag egpeeleg kanak.”

Luc. 1:35

Timaba se anghil, “Domateng se Espiritu Santo kamno, aw ketebangan ka te tolos te Timanem. Yan se doun te menimanem se batà tomebaw kamno, aw sikandin se Batà te Timanem.

Luc. 22:70

Mig-insà se kedita dan, “Aw iling kenyan, Batà ka kedì te Timanem?” Timaba sikandin, “Benal se inikagi niyo te Batà a te Timanem.”

Luc. 4:3

Minikagi si Satanas, “Aw ontò ka Batà te Timanem, inangi pan se bato seini pineokit te tolos no amon doen kànen nikaw.”

Luc. 4:41

Doen heman medita otaw dinetengan te bosaw inibing doton ki Jesus. Peglowà te bosaw, timawal dan, “Sikona se Batà te Timanem.” Meneng sinagda i Jesus te menge bosaw amon eked dan ikagi, so netegahan dan te sikandin se Misiyas insogò te Timanem.

Luc. 4:9

Penga niyan, inibing i Satanas si Jesus doton diatas te dakel simbahan te Jerusalem. Minikagi si Satanas, “Nayan, aw ontò ka Batà te Timanem, kahang ka doton te tanà.

Juan 1:34

Yan se kinità ko den, aw iindan ko den kenyo te sikandin se Batà te Timanem.”

Juan 1:49

Minikagi si Natanael, “Sir, sikona se ontò Batà te Timanem. Ontò sikona se selotan impakang amon lomowan diyà kenami menge bowad-bowad i Israel.”

Juan 20:31

Meneng insolat ko ini amon memenal kaw den te si Jesus se Misiyas megpelowà kenitadon aw sikandin se Batà te Timanem. Aw memenal kaw kandin, begayan kaw te kaling pedowan wedad temanan.

Juan 9:35

Pegdineg i Jesus te impelowà dan lekat te simbahan se otaw negolian, pinengemahà din sikandin. Pegkità din kandin, mig-insà si Jesus, “Nemenal ka lay te doen Timanem Migpekeotaw?”

Ininang 9:20

Wedà kenamay, dimoton si Saulo te simbahan te Judiyo aw migtoladà diyà te otaw kidoen te si Jesus se Batà te Timanem.

2 Korinto 1:19

Kenà egdowa-dowa se Batà te Timanem si Jesu Cristo, sìyan intoladà day si Silas aw si Timoteo. Ontò egkeseligan si Jesu Cristo,

Galasya 2:20

Pegpemenal ko ki Cristo, iling te nematay a doma kandin kidoen te kros. Lekat niyan, kenà kenaken ibeg se egbayà-bayà kanak, meneng si Cristo se egbayà-bayà kanak so eg-ogpaan a din. Dalem pa te peg-ogpà ko dini te keneyonan, megpesakop a diyà te Batà te Timanem egseligan ko. Dakel se pedowan din kanak aw yan nematay sikandin simelilin kanak.

1 Tesalonika 3:5

Yan se doun te insogò ko si Timoteo doton kenyo. So ontò a dimela kenyo, insogò ko sikandin amon metaga-taga a tepad te pegtaking niyo te Timanem, so netetana a aw neekalan kaw i Satanas, aw yan nebàtan besi se nebatog day doton kenyo.

Menge Hebreo 12:16

Peg-ahà kaw amon wedad otaw doton kenyo meg-inabut te kenà kandin esawa, aw tominggetan heman sikandin te Timanem. Iling kenyan si Esau gebii, so pengkey sikandin se keliwatan peden te pakang te Timanem diyà te kemonaan din so sikandin se penganay batà te amay din, meneng inliwan din se pegkepenganay din diyà te kànen neamin te sebad olò pegpengaen.

Menge Hebreo 4:14

Nayan, keilangan lobosen tadon se pegsalig tadon diyà ki Jesus pinemenalan tadon. Doen melangkaw Telekagon tadon dimoton den diatas te langit eg-ogpaan te Timanem, aw yan se Batà te Timanem si Jesus.

Menge Hebreo 7:3

Kidoen te kagi te Timanem insolat, wedà solati aw sinu se amay aw inay din. Wedà tadon heman ketegahi aw sinu se menge kemonaan din. Wedad heman insolat tepad te pegtebaw din aw tepad te pegkematay din. So iling te wedad netegahan tadon tepad te linekatan din aw detengan din, yan iling sikandin te Batà te Timanem wedad temanan te pegkagon din.

1 Juan 3:8

Meneng sakop i Satanas se otaw gayed megpedeleg te peg-inang te salà, so gayed migpedeleg si Satanas te peg-inang te salà lekat te gebii te wedà pa inangi se keneyonan lamig songkani. Yan migpekeotaw se Batà te Timanem si Jesus amon pegbàtan din se kedita te medaet inang i Satanas.

Impekità 2:10

Ikà niyo egkelemitan te kelimahan agpet domateng kenyo. Doen menge otaw kidoen kenyo ipekeleboso i Satanas amon ketegahan aw ontò kaw egsalig kanak. Keilangan pemilangen kaw te eked kenamay, menge sempolò se aldaw. Pengkey imetayan kaw, salig kaw diyà kanak, so begayan ko sikiyo te ontong, sìyan korona te kaling pedowan wedad temanan.