Mat. 3:7 - Manobo Sarangani

⁷ Nayan, medita heman se egpengibing te simbahan te Judiyo dimoton ki Juan amon megpebonyag dan kandin. Sakop dan te menge Parisiyo aw Sadusiyo. Pegkità i Juan kandan, minikagi sikandin, “Tay law. Iling kaw te memokan egkadas te apoy. Eked kaw pekelowà lekat te pelumun te Timanem te modi aldaw singed aw megselsel kaw.

Mat. 3:7 ပူးပေါင်းရင်းမြစ်များ

Mat. 12:34

Iling kaw te memokan so medaet se eglowà lekat te bahà niyo. Wedad palos mèpiya ikegiyen niyo, so medaet se pedowan niyo. Aw mikagi se otaw, yan ipetaga-taga din aw eden se awop te pedowan din.

1 Tesalonika 1:10

Egpeliman kaw den ekon te peglikò te Batà din lekat te langit. Yan si Jesu Cristo inantay te Timanem lekat te nematay. Si Jesu Cristo heman se megpelowà kenitadon lekat te pelumun te Timanem te modi aldaw.

Roma 1:18

Impetaga-taga te Timanem te ipelumun din se kedita te otaw kenà egtaking kandin aw eg-inang te medaet, so pineokit te peg-inang dan te medaet, egkebelebagan dan se pegketaga-taga te doma otaw te kebenalan tepad te Timanem.

Mat. 23:33

Iling kaw te memokan so biyasa kaw eg-inang te medaet. Eked kaw palos pekelowà lekat te pelumun te Timanem, so metoman kaw din ipeibing doton te kilot.

Roma 5:9

Nayan, so inaneng-aneng den te Timanem te metòlid kidon pineokit te pegkematay i Cristo, netegahan tadon den te ontò kidon din ipelowà lekat te pelumun te modi aldaw.

Mat. 22:23

Wedà kenamay, doen menge Sadusiyo dimoton ki Jesus. Yan se menge otaw egtoladà te eked palos keantay se otaw lekat te nematay. Mig-insà dan diyà ki Jesus, kagi dan,

Mat. 16:6

Minikagi si Jesus, “Peg-ahà kaw amon eked kaw ketini te yist te menge Parisiyo aw Sadusiyo.”

1 Juan 3:10

Seini se pengilala amon ketegahan tadon aw sinu se menge batà te Timanem aw menge batà i Satanas. Aw doen otaw kenà metòlid se eg-inangen din aw wedad kedakel te pedowan din te menge doma otaw, yan se otaw kenà batà te Timanem.

Juan 9:40

Doen menge Parisiyo medapag kandin aw dimineg dan te kagi din, aw minikagi dan, “Bota kay lay heman?”

Menge Hebreo 11:7

Simalig heman si Noe diyà te Timanem gebii. Peg-ikagi te Timanem diyà kandin te doen domateng mekegelà te otaw, nemenal sikandin te Timanem pengkey wedad palos kinità din iling kenyan. Penga niyan, mig-inang sikandin te dakel sampan egtewalen arka, aw yan se sinekayan din aw sipat pamilya din. Pegkelinep te tanà te wayeg, wedà dan kelemes. Pineokit te pegsalig i Noe diyà te Timanem, impetaga-taga din te metòlid se pegpelumun te Timanem te otaw wedà pemenal kandin, aw neakop heman sikandin diyà te kedita te otaw eneng-enengen te Timanem te metòlid dan tandà te pegsalig dan diyà kandin.

Ininang 26:5

Aw meg-insà ka kandan, mekeindan dan te benal, so netegahan dan te ontò a egtolò te ketanem te menge Judiyo, so siaken se migpelenged te menge Parisiyo.

Ininang 20:31

Yan peg-ahà kaw. Ikà niyo egkelibel kani. Gayed a migtoladà kenyo te aldaw aw delem dalem te telo se omay. Migkelag a heman so dakel se pedowan ko kenyo.

Ininang 15:5

Meneng timindeg se menge sakop te Parisiyo egpemenal ki Jesus. Yan se menge otaw ontò egtolò te punù ingkeliwat i Moises. Minikagi dan, “Eked tadon peekopi se menge otaw kenà Judiyo singed aw tolien dan aw tomolò dan te kedita te punù ingkeliwat i Moises.”

Ininang 5:17

Nayan, ontò neopal se ontò pengolo te simbahan aw menge otaw ketondog kandin, yan se menge Sadusiyo. Miningà dan te menge sogounun i Cristo aw

Juan 8:44

Si Satanas se ontò amay niyo, aw se ibeg din medaet, yan heman se ibeg niyo inangen. Lekat te ketebò te keneyonan, egpengimatay sikandin. Wedad palos labut din te kebenalan, so wedad kebenalan diyà kandin. Aw megkebolalaw sikandin, yan se ketanem te pedowan din, so bolelawun sikandin, aw sikandin se eglekatan te kedita te kebolalaw.

Juan 1:24

Se menge otaw mig-insà kandin, yan se insogò te menge Parisiyo.

Luc. 18:11

Timindeg kidoen se Parisiyo aw migtawal-tawal, kagi din, ‘E Timanem, egpesiontong a diyà kamno, so labi a pa mèpiya diyà te menge doma otaw, so kenà a iling te otaw eg-akal, aw eglàpang te punù, aw eglakad. Egpesiontong a so kenà a medaet otaw iling te iskribinti sida.

Luc. 16:14

Nayan, pegdineg te menge Parisiyo te intoladà i Jesus, pigbàtan-bàtan dan sikandin, so egkeibegan dan se kwarta.

Luc. 7:30

Meneng se menge Parisiyo aw menenoladà te punù ingkeliwat i Moises, mig-eked dan te ibeg te Timanem kandan, so wedà dan pegpebonyag ki Juan.

Mar. 12:18

Doen heman menge Sadusiyo dimoton ki Jesus. Yan se menge otaw egtoladà te eked palos keantay se otaw lekat te nematay. Mig-insà dan diyà ki Jesus, kagi dan,

Mar. 12:13

Wedà kenamay, doen menge Parisiyo aw menge sakop i Herod insogò dan doton ki Jesus, so ibeg dan doen idimanda dan tepad te pegtoladà din.

Mar. 8:15

Migpunù si Jesus kandan, kagi din, “Peg-ahà kaw amon eked kaw ketini te yist te menge Parisiyo aw si Herod.”

Mat. 22:34

Pegdineg te menge Parisiyo te dinaeg i Jesus se menge Sadusiyo, netipon dan aw dimoton dan heman ki Jesus.

Mat. 22:15

Penga niyan, nesayo se menge Parisiyo, aw migpebelaw-belaway dan aw eden se inangen dan diyà ki Jesus amon doen idimanda dan tepad te pegtoladà din.

Mat. 12:24

Meneng pegdineg te menge Parisiyo te migpelowà si Jesus te bosaw, minikagi dan, “Binegayan sikandin te tolos lekat te pengolo te bosaw si Belsebul, se doma ngadan i Satanas, aw yan se doun te egpelowà sikandin te bosaw lekat te otaw.”

Mat. 5:20

Mikagi a den diyà kenyo, aw kenà labi pa metòlid se eg-inangen niyo diyà te eg-inangen te menge Parisiyo aw menenoladà te punù ingkeliwat i Moises, eked kaw palos sekopi te Timanem diyà te peglowan din.”

Genesis 3:15

Inangen ko sikiyo megpepoonay, sikona aw bayi, kamno sakop aw kandin bowad-bowad. Bonalan te bowad-bowad din se olo nikaw, aw bengaen no se palo din.”

Menge Hebreo 6:18

Yan dowa se ininang din. Migpakang sikandin, aw impesipat din se kandin ngadan diyà te pakang din. Pineokit te didowa sìyan, netegahan tadon te eked palos ketodà se pakang din, aw eked palos heman sikandin pegkebolalaw. Yan se doun te megkagsen se pedowan te kedita tadon migpesakop diyà kandin, aw melobos se pegpeliman tadon te impakang din.

Mat. 15:12

Penga niyan, dimoton se menge tinoledaan i Jesus kandin, aw minikagi dan, “Neopal den se menge Parisiyo tepad te inikagi no sìyan.”

Mat. 16:1

Nayan, doen menge Parisiyo aw Sadusiyo dimoton ki Jesus amon megtandà dan kandin. Nemoyò dan te ipekità din diyà kandan se pengilala amon ketegahan dan te ontò sikandin insogò te Timanem.