Mat. 3:5 - Manobo Sarangani

⁵ Medita se otaw lekat te Jerusalem aw menge doma lonsod sakop te probinsya te Judiya aw medapag te wayeg te Jordan dimoton amon menenalan kandin.

Mat. 3:5 ပူးပေါင်းရင်းမြစ်များ

Mar. 1:5

Medita se otaw lekat te menge lonsod sakop te probinsya te Judiya aw lekat te Jerusalem dimoton amon menenalan kandin. Migselsel dan te menge salà ininang dan, aw binonyagan din dan doton te wayeg te Jordan.

Juan 5:35

Si Juan Memonyagay, iling sikandin te solò ontò meanyag, aw neluba kaw tandà te intoladà din kenyo te wedà kenamay.

Juan 3:23

Migbonyag heman si Juan Memonyagay so wedà pa kelebosowi. Migbonyag sikandin kidoen te Inon medapag te Salim, so dakel se wayeg kidoen. Dimoton se menge otaw kandin aw binonyagan din dan.

Luc. 16:16

“Te wedà pa pegtoladà si Juan Memonyagay, keilangan toloen se punù ingkeliwat i Moises aw menge telekeliwat te kagi te Timanem. Meneng lekat te pegtebò te pegtoladà i Juan lamig seini, gayed ipegtoladà se Mèpiya Indan tepad te peglowan te Timanem, aw medita se otaw ontò meibeg megpesakop diyà kandin.

Luc. 3:7

Nayan, pegdineg te otaw te intoladà i Juan, medita dan se dimoton kandin amon bonyagan din dan. Minikagi si Juan, “Tay law. Iling kaw te memokan egkadas te apoy. Eked kaw pekelowà lekat te pelumun te Timanem te modi aldaw singed aw megselsel kaw.

Mat. 4:25

Ontò medita se otaw timaking ki Jesus. Tikedo dan te probinsya te Galiliya, aw lekat te Dikapolis, aw Jerusalem, aw probinsya te Judiya, aw lekat dipag te wayeg te Jordan.

Mat. 2:1

Timebaw si Jesus doton te lonsod te Bitlihim sakop te probinsya te Judiya dalem te peglowan te selotan si Herod. Nayan, doen menge otaw dimateng doton te Jerusalem lekat te mediyò ogpeanan doton te eglibtakan te aldaw. Sikandan se ontò biyasa tepad te pengilala te menge bitoen.

Luc. 3:3

Yan se doun te miglegeb sikandin kidoen te kedepagan te wayeg te Jordan. Migtoladà sikandin te kedita te otaw te keilangan megselsel dan te salà aw bonyagan dan amon ipetaga-taga dan te pigwedad den te Timanem se salà dan.