Mat. 3:3 - Manobo Sarangani

³ Si Juan se tinedoan te inikagi te telekeliwat te kagi te Timanem gebii si Isaias, “Dinegen niyo se otaw doton te kebigtilan aw dakel se kagi din, ‘Peketagad kaw te pegdateng te Pengolo. Peg-inang kaw te metòlid, so domateng sikandin.’”

Mat. 3:3 ပူးပေါင်းရင်းမြစ်များ

Juan 1:23

Timaba si Juan, “Siak se otaw impakang te telekeliwat te kagi te Timanem gebii si Isaias, ‘Doen otaw kidoen te kebigtilan megpunù te keilangan meketagad se kedita te otaw, so agpet den domateng se Pengolo.’”

Luc. 1:76

Nayan, sikona batà ko, meinang ka telekeliwat te kagi te Timanem melangkaw. Mekeonà ka doton te menge otaw amon meketagad dan te pegdateng te Pengolo,

Luc. 1:17

Mekeonà sikandin diyà te Pengolo amon megpetaga-taga sikandin te kedita te otaw te agpet den domateng se Pengolo. Megtabang se Espiritu Santo kandin iling te pegtabang din te telekeliwat te kagi din si Elias gebii. Pineokit te pegtoladà i Juan, megpèpiyaay se pedowan te menge telebatà. Megtoladà heman sikandin te menge otaw kenà egtolò te Timanem amon meg-inang dan te metòlid. Aw metoman iyan, meketagad den dan te pegdateng te Pengolo.”

Mar. 1:3

Dinegen niyo se otaw doton te kebigtilan aw dakel se kagi din, ‘Pegpeketagad kaw te pegdateng te Pengolo. Peg-inang kaw te metòlid, so domateng sikandin.’”