Mat. 3:2 - Manobo Sarangani

² “Pegselsel kaw den te menge salà ininang niyo, so agpet den lomowan se Timanem diyà kenitadon.”

Mat. 3:2 ပူးပေါင်းရင်းမြစ်များ

Mat. 4:17

Lekat niyan, migtebò si Jesus migtoladà, aw minikagi sikandin, “Pegselsel kaw den te menge salà ininang niyo, so agpet den lomowan se Timanem diyà kenyo.”

Mar. 1:15

Minikagi sikandin, “Netoman den se aldaw tapay impakang, aw agpet den lomowan se Timanem diyà kenyo. Pegselsel kaw den te menge salà ininang niyo, aw pemenal kaw den te Mèpiya Indan.”

Luc. 24:47

Doen heman kagi te Timanem insolat te keilangan megtoladà kaw diyà te kedita te otaw te keneyonan te pegwedaden te Timanem se salà dan aw megselsel dan aw memenal dan kanak. Keilangan megtebò kaw megtoladà kenyan dini te Jerusalem.

Mat. 6:10

Ibeg day lomowan ka diyà te kedita te otaw. Ibeg day metoman se ibeg no dini te keneyonan iling te pegketoman te ibeg no doton te langit.

2 Korinto 7:10

Ibeg te Timanem, melidò se otaw nekesalà amon megselsel. Kenà iyan medaet, so yan se peokit te pegpelowà lekat te salà. Meneng se otaw melidò aw eked pegselsel, yan se eked begayi te kaling pedowan wedad temanan.

Mat. 10:7

Pengkey kenan kaw pesalo, pegtoladà kaw te agpet den lomowan se Timanem.

Ininang 3:19

Yan pegselsel kaw aw taking kaw te Timanem amon pegwedaden din se salà niyo,

Luc. 15:10

Penenalan kaw te kagi ko. Iling heman kenyan, meluba se menge anghil te Timanem pengkey olò sebad se otaw megselsel te salà din.”

Luc. 13:3

Penenalan kaw te kagi ko kenyo. Aw eked kaw pegselsel te salà niyo, matay se kedita niyo iling kandan.

Luc. 11:20

Meneng aw pineokit te tolos imbegay te Timanem se pegpelowà ko te bosaw lekat te otaw, yan ketegahan niyo te dimateng den dini kenyo se peglowan te Timanem.

2 Pedro 3:9

Pengkey doen otaw eg-aneng-aneng te eg-enggaen te Timanem se pegtoman din te pakang, meneng kenà din eg-enggaen. Ontò medalem se pedowan din, so eked sikandin keibeg te doen otaw kebàtan. Ibeg din megselsel se kedita te otaw te salà dan.

Ininang 17:30

Pengkey kedengan pinebeyaan te Timanem se eg-inangen te otaw so wedà dan pa ketaga-taga kandin, meneng songkani impunù din te megselsel se kedita te otaw,

Ininang 11:18

Pegdineg dan te inikagi din, wedà den dan sila kandin, meneng induyun dan se Timanem, so minikagi dan, “Pengkey menge otaw kenà Judiyo, mepakay aw megselsel dan te salà aw somalig dan ki Jesus amon begayan dan te Timanem te kaling pedowan.”

Ininang 2:38

Timaba si Pedro, “Pegselsel kaw te salà niyo. Pegpebonyag kaw tandà te pegpemenal niyo ki Jesu Cristo. Aw memenal kaw, pegwedaden te Timanem se salà niyo, aw Espiritu Santo se ibegay kenyo.

Luc. 6:20

Penga niyan, timengteng si Jesus diyà te menge tinoledaan din aw minikagi, “Doen keluba te kedita niyo sagkep, so lomowan se Timanem diyà kenyo.

Mat. 13:52

Minikagi si Jesus, “Aw doen otaw biyasa te kagi te Timanem tapay insolat, aw meg-iling heman sikandin te kaling itoladà ko tepad te peglowan te Timanem, iling sikandin te otaw doen dakel kedònan gayed din eggemiten, pengkey tapay aw kaling.”

Mat. 13:47

“Iling heman kani se peglowan te Timanem. Doen pokot indagdag doton te lanaw, aw medita se kemolò te ikan nekeawop.

Mat. 13:33

Migtoladà si Jesus te doma tegdeyanan, kagi din, “Iling heman kani se peglowan te Timanem. Aw isanged se yist diyà te dakel arina, lomebag se kedakel niyan.”

Mat. 12:41

Aw domateng se aldaw te peg-okom te Timanem te kedita te otaw, tomindeg heman se tege Niniba aw mikagi dan te keilangan ipelumun kaw so wedà kaw pegselsel te salà, so pegdineg te tege Niniba te intoladà i Jonas, migselsel dan te salà. Na, pengkey melangkaw si Jonas, meneng doen den dimini kenyo labi pa melangkaw diyà kandin.

2 Timoteo 2:25

Aw megtoladà sikandin te menge otaw kenà egpemenal te kagi din, keilangan mèpiya se pedowan din kandan, so doen besi aldaw ibegay te Timanem kandan amon megselsel dan aw metaga-taga dan te kebenalan.

Kolasas 1:13

Impelowà kidon den te Timanem lekat te peglowan i Satanas, aw inalin kidon din doton te peglowan te Batà din si Jesu Cristo ontò din nedekelan te pedowan,

Ininang 20:21

Mig-indan a te benal diyà te kedita niyo, pengkey Judiyo aw kenà Judiyo. Migpunù a kenyo te megselsel kaw diyà te Timanem aw memenal kaw diyà te Pengolo tadon si Jesu Cristo.

Luc. 15:7

Nayan, penenalan kaw te kagi ko. Iling heman kenyan, pengkey sidebok se otaw nelegeb te salà, aw megselsel sikandin, doen keluba doton te langit labi pa dakel diyà te keluba tepad te kesyaman teg siyam otaw wedà pegselsel so eg-inang dan te metòlid.”

Luc. 13:5

Penenalan kaw te kagi ko kenyo. Aw eked kaw pegselsel te salà niyo, matay se kedita niyo iling kandan.”

Luc. 9:2

Penga niyan, insogò din dan tomeped te menge doma ogpeanan amon megtoladà dan tepad te peglowan te Timanem aw amon megpegolì dan te otaw doen mesakit.

Mar. 6:12

Penga niyan, nesayo dan. Pengkey kenan dan pesalo, migtoladà dan te keilangan megselsel se kedita te otaw te salà ininang dan.

Mar. 1:4

Nayan, dimoton si Juan Memonyagay te kebigtilan. Migtoladà sikandin te kedita te otaw te keilangan megselsel dan te salà ininang dan aw bonyagan dan amon ipetaga-taga dan te pigwedad den te Timanem se salà dan.

Mat. 5:10

“Doen keluba te kedita te otaw egpemilangen tandà te pegtolò dan te Timanem, so sekopen din dan diyà te peglowan din.

Mat. 5:3

“Doen keluba te kedita te otaw netaga-taga te eked dan pekeinang te mèpiya singed aw tebangan dan te Timanem, so sekopen din dan diyà te peglowan din.

Impekità 2:21

Migtagad a kandin amon megselsel te peglayok din te kenà kandin esawa, meneng eked keibeg megselsel.

Mat. 13:31

Migtoladà si Jesus te doma tegdeyanan, kagi din, “Iling kani se peglowan te Timanem. Doen benì ontò deitek intanem te otaw doton te pawà din.

Mat. 13:11

Timaba si Jesus, “Sikiyo se pinetega-tegahan te Timanem te kebenalan tepad te peglowan din. Meneng wedà din petega-tegahi se doma otaw te kebenalan tepad te peglowan din.

Mat. 6:33

Yan pelowani niyo se Timanem diyà te kenyo pegkeotawun, aw tolò kaw te ibeg din, aw yan begayan kaw din heman te keilangan niyo.

Impekità 2:5

Eneng-enengi niyo te ontò dakel se pedowan niyo kanak kedengan, aw yan pegselsel kaw so deitek den seini. Todà kaw peg-inang te mèpiya, iling te ininang niyo kedengan. Aw eked kaw pegselsel, yan domoton a kenyo amon ebaten ko se solò lekat kenyo.

Menge Hebreo 6:1

Yan botong den se kenamay te peg-iling tadon te menge kebenalan onà intoladà diyà kenitadon tepad te pegpemenal tadon ki Cristo, so keilangan meg-iling kidon den te menge kebenalan labi pa medalem. Eked den kepakay aw gayed tadon sobloden se menge kebenalan tapay pig-ilingan tadon tepad te peglengà tadon te inang wedad ontong, aw tepad te pegsalig tadon diyà te Timanem.

Ininang 26:20

Migtoladà a doton te Damasko aw Jerusalem aw menge lonsod te Judiya aw doton heman te menge otaw kenà Judiyo. Migtoladà a diyà kandan te keilangan megselsel dan aw tomaking dan te Timanem, aw keilangan ipekità dan te kaling se pedowan dan pineokit te eg-inangen dan.

Mat. 22:2

“Iling heman kani se peglowan te Timanem. Doen selotan mig-inang te dakel kànen so peipiden se batà din.

Mat. 25:1

“Iling heman kani se keteboan te peglowan te Timanem. Doen sempolò laga simongon te meama peipiden. Doen solò inibing te teg sebad-sebad kandan.

Mat. 23:13

“Mekelelayò kaw menge Parisiyo aw menenoladà te punù ingkeliwat i Moises. Eden niyo aw egpenimanem kaw, so egbelebagan niyo se menge otaw egkeibeg megpesakop diyà te peglowan te Timanem. Medaet so wedà kaw pegpesakop diyà kandin, meneng labi pa medaet so wedà niyo pesekopi se otaw egkeibeg megpesakop diyà kandin. [

Mat. 20:1

“Iling heman kani se peglowan te Timanem. Doen tig-apò te pawà tineneman te paras. Limapos sikandin nengemahà te menge otaw meglegani te paras din.

Mat. 18:23

Iling kani se peglowan te Timanem. Doen selotan mig-aneng-aneng te mèpiya aw somokot sikandin te salà te menge sakop din.

Mat. 11:20

Penga niyan, neopal si Jesus te kedita te otaw eg-ogpà doton te menge lonsod ininangan din te keditaan te kepelahan, so wedà dan pegselsel te salà ininang dan.

Luc. 21:31

Iling heman kenyan, aw kitaen niyo te metoman se inikagi ko diyà kenyo, yan ketegahan niyo te agpet den lomowan se Timanem.

Luc. 16:30

Minikagi se otaw meyaman, ‘Apò, eked dan penenalan kenyan. Meneng aw doen otaw meantay lekat te nematay isogò no doton kandan, metoman dan megselsel te salà dan.’

Mat. 25:14

“Iling heman kani se peglowan te Timanem. Doen otaw dimoton te mediyò ogpeanan. Meneng te wedà pa kesayo, tinawal din se kedita te sineligan din aw imbegay din diyà kandan se kwarta insalig kandan.

Mat. 13:24

Migtoladà si Jesus te doma tegdeyanan, kagi din, “Iling kani se peglowan te Timanem. Doen otaw nenanem te mèpiya kemolò te omay trigo doton te pawà din.

Mat. 4:23

Nayan, timeped si Jesus te kedita te lonsod doton te probinsya te Galiliya, aw migtoladà doton te menge simbahan te Judiyo. Migtoladà sikandin te Mèpiya Indan tepad te peglowan te Timanem, aw pinegolian din se kedita te otaw doen mesakit.

Luc. 1:16

Megtabang sikandin te medita bowad-bowad i Israel amon todà dan tomaking te Pengolo dan Timanem.