Mat. 27:4 - Manobo Sarangani

⁴ aw minikagi sikandin diyà kandan, “Doen salà ininang ko, so migtolok a te otaw wedad palos salà din aw imetayan den sikandin.” Meneng minikagi dan, “Wedad labut day te salà nikaw. Inday den kamno.”

Mat. 27:4 ပူးပေါင်းရင်းမြစ်များ

1 Juan 3:12

Keilangan eked kidon peg-iling ki Cain migpesakop diyà ki Satanas, so nengimatay te adi din. Nengimatay sikandin so medaet se eg-inangen din, aw miningà te adi din eg-inang te metòlid.

1 Pedro 1:19

Meneng impelowà kaw din so nematay se meelagà Batà din si Cristo. Iling sikandin te karniro ontò mèpiya aw wedad kolang eg-imetayan aw ipegpemegay diyà te Timanem.

Menge Hebreo 7:26

Yan si Jesus se Telekagon neketepad kenitadon. Ontò sikandin metòlid. Wedad palos salà din so wedad medaet ininang din. Kenà sikandin iling te otaw egpekesalà. Ininang sikandin te Timanem ontò melangkaw diyà te kedita, pengkey doton te langit.

Tito 1:16

Pengkey eg-ikagi dan te egtaking dan te Timanem, meneng pineokit te eg-inangen dan, ipegpetaga-taga dan te kenà benal se kagi dan. Eked keibeg se Timanem kandan. Kenà dan egtolò te ipegpunù kandan. Eked dan palos pekebatog se meg-inang te mèpiya.

1 Timoteo 4:2

Ikeliwat se itoladà dan te otaw egkebolalaw aw eg-akal. Eked dan ketaga-taga te eden se metòlid aw eden se medaet, so pegbàtan se aneng-aneng dan.

Roma 3:19

Na, netegahan tadon te yan se kagi te Timanem tepad te kedita tadon menge Judiyo, so kemonaan tadon se kineliwatan i Moises te menge punù. Yan eked kidon pekeikagi te wedad salà tadon, so okomen te Timanem se kedita te otaw te keneyonan.

Ininang 13:28

Pengkey wedad palos salà din amon mepakay imetayan, meneng nemoyò dan ki Pilato amon imetayan sikandin.

Juan 19:7

Minikagi se menge obanen te Judiyo, “Doen punù ingkeliwat i Moises diyà kenami linèpangan din, aw yan se doun te keilangan ipelumun sikandin aw imetayan, so minikagi te sikandin se Batà te Timanem.”

Luc. 23:47

Kinità te kapitan te sondalo se kepelahan neinang te pegkematay i Jesus, aw dimuyun sikandin te Timanem, kagi din, “Ontò mèpiya se otaw sìyan.”

Luc. 23:41

Keilangan ipelumun ki den, so yan se detengan te medaet ininang ta. Meneng wedad palos medaet ininang te doma ta seini.”

Luc. 23:22

Te iketelo peg-ikagi i Pilato, minikagi sikandin, “Meneng wedad palos medaet ininang din. Wedad palos salà din kinità ko te mepakay sikandin ipelumun aw imetayan. Yan se doun te olò ko sikandin ipebadas, aw penga niyan ipelowà.”

Mat. 27:54

Na, se menge sondalo aw kapitan migtonggò ki Jesus, nelemitan dan te pegkayong te linog, aw pegkekità dan te kepelahan neinang te pegkematay i Jesus. Minikagi dan heman, “Ontò Batà te Timanem se otaw sìyan.”

Mat. 27:19

Dalem te pegpenenoo i Pilato doton te oseyanan, doen otaw insogò te esawa din amon ikeliwat se kagi din, “Ikà eg-inabut te otaw sìyan, so wedad salà din. Ontò nelemitan se pedowan ko tepad kandin pineokit te tegeinep tidelem.”

Impekità 11:10

Ontò meluba se kedita te otaw te keneyonan tandà te pegkematay te didowa dan. Yan se doun te megpista dan, aw megpebegayay dan heman te bowang, so nematay den se didowa telekeliwat, sìyan tapay nemegay kandan te lidò te pedowan dan.