Mat. 27:3 - Manobo Sarangani

³ Nayan, si Judas, sìyan migtolok ki Jesus, pegketaga-taga din te minikagi se menge pengolo te simbahan aw menge obanen te Judiyo te keilangan imetayan si Jesus, miglama-lama sikandin te medaet ininang din. In-olì din se kedakel te kwarta imbegay dan diyà kandin,

Mat. 27:3 ပူးပေါင်းရင်းမြစ်များ

2 Korinto 7:10

Ibeg te Timanem, melidò se otaw nekesalà amon megselsel. Kenà iyan medaet, so yan se peokit te pegpelowà lekat te salà. Meneng se otaw melidò aw eked pegselsel, yan se eked begayi te kaling pedowan wedad temanan.

Juan 18:3

Nayan, minangay si Judas te menge sondalo aw menge otaw egtonggò te simbahan insogò te menge pengolo te simbahan aw Parisiyo, aw timaking dan kandin doton te kekeyowan. Nengibing dan te menge solò, aw gansà, aw kekamang dan.

Juan 13:27

Penga te pegkinawà i Judas te pan, dimateng si Satanas diyà kandin. Minikagi si Jesus, “Eyasi se inangen nikaw.”

Juan 13:2

Kimaen dan te iyambong. Kidoen heman si Judas Iscariote, batà i Simon, tapay binoyo i Satanas amon megtolok ki Jesus.

Ininang 1:18

(Doen kwarta imbegay ki Judas tandà te peg-inang din te medaet, aw yan se imbayad din te pawà. Penga niyan, nedagdag si Judas aw migbeto se getek din. Nelowà se tegaken din aw nematay.