Mat. 27:2 - Manobo Sarangani

² Penga niyan, ginapos dan si Jesus, aw inibing dan sikandin doton te gobirnador si Pilato.

Mat. 27:2 ပူးပေါင်းရင်းမြစ်များ

Ininang 3:13

Timanem se egseligan te kemonaan tadon si Abraham, si Isaac, aw si Jacob. Timanem se migpegolì kandin amon iduyun se Batà te Timanem si Jesus. Kedengan insogò din si Jesus dini te tanà, meneng sikiyo se otaw nemegay kandin diyà te belad te gobirno. Pengkey ibeg i Pilato ipelowà din si Jesus, meneng simagda kaw kandin amon imetayan se insogò te Timanem.

Mat. 20:19

Ibegay a dan heman diyà te belad te otaw kenà Judiyo. Kebebeyatan a dan, aw bedasen a dan, aw penga niyan ilansang a diyà te kros amon matay a. Penga niyan, meantay a lekat te nematay te iketelo te aldaw.”

1 Timoteo 6:13

Doen pa ipunù ko kamno te egtengtengen ki te Timanem meg-antay te kedita lekat te nematay, aw egtengtengen ki i Jesu Cristo mig-indan ki Poncio Pilato te kebenalan.

Luc. 13:1

Na, penga niyan, doen otaw kidoen mig-indan diyà ki Jesus te doen menge sakop te probinsya te Galiliya impeimatay i Pilato dalem pa te pegsonog dan te ayam-ayam imbegay dan diyà te Timanem kidoen te dakel simbahan doton te Jerusalem.

Menge Hebreo 13:3

Ikà niyo egkelibel te keilangan megtabang kaw te menge otaw egpemenal kineleboso. Peg-ipat kaw kandan iling te sikiyo heman se kineleboso sipat kandan. Keilangan megtabang kaw heman te menge otaw egpemenal pinemilang iling te sikiyo heman se pinemilang sipat kandan.

2 Timoteo 2:9

So migtoladà a te Mèpiya Indan sìyan, nelimahan a den aw kineleboso a den iling te telebonò. Pengkey ginapos a, meneng eked kesagda se pegtoladà te kagi te Timanem.

Ininang 28:20

Yan se doun te pigtipon ko sikiyo, amon megkità kidon aw megpebelaw-belaway. Iniketan a pa te sengkalì seini so pinemenalan ko sikandin egpelimanan tadon menge bowad-bowad i Israel.”

Ininang 24:27

Penga te dowa se omay, ininang gobirnador si Porcio Festo simelilin ki Felis. Wedà pelowai i Felis si Pablo, so ibeg din meluba kandin se menge Judiyo kenà egpemenal.

Ininang 22:29

Penga niyan, wedà pemadas se sondalo ki Pablo. Nelemitan se kapitan so ginapos din se otaw sakop te Roma.

Ininang 22:25

Peggapos dan kandin, minikagi si Pablo diyà te serhinto timindeg kidoen, “Eked kepakay aw bedasen se otaw sakop te Roma singed aw onà insaen te howis.”

Ininang 21:33

Pegdateng te kapitan doton, dinakep din si Pablo. Iniketan se belad din te dowa sengkalì. Penga niyan, mig-insà se kapitan aw sinu se ngadan din, aw eden se medaet ininang din.

Ininang 12:6

Tengà te delem te wedà pa dateng se aldaw te peg-okom kandin, timedogi si Pedro doton didalem te keleboso. Dowa se sengkalì in-iket kandin. Impetengà-tengà sikandin diyà te dowa sondalo, aw doen heman menge sondalo egtonggò doton te lowà te tetakep.

Ininang 9:2

aw nemoyò te solat ibingen din doton te menge simbahan te Judiyo kidoen te Damasko amon mepakay din dekepen se menge otaw ketelaan din egtaking te Pengolo, pengkey meama aw bayi, aw ibingen din dan doton te Jerusalem amon kelebosowen.

Ininang 4:27

Netoman den iyan, so dini te Jerusalem, migsebad se pedowan i Herod, aw si Poncio Pilato, aw menge bowad-bowad i Israel, aw menge doma otaw kenà Judiyo, amon imetayan dan se insogò no si Jesus, pengkey wedad kandin salà. Sikandin se ininang no Misiyas.

Juan 18:24

Penga niyan, todà ginapos se belad i Jesus, aw impeibing sikandin i Anas doton te ontò pengolo te simbahan si Caifas.

Juan 18:12

Penga niyan, se menge sondalo aw kapitan dan, aw menge otaw egtonggò te simbahan te Judiyo, dinakep dan si Jesus aw ginapos dan sikandin.

Luc. 20:20

Yan olò dan migtagad te mèpiya aldaw. Doen heman menge otaw insogò dan migpelingo-lingo te tomaking kandin, meneng olò dan nengemahà aw doen kemalì te ikegiyen din amon doen idimanda dan tepad kandin aw ipedakep te gobirnador.

Luc. 3:1

Nayan, pegkenamay, dimateng se ikesempolò teg lima se omay te peglowan i Tiberio kidoen te Roma. Si Poncio Pilato se gobirnador kidoen te Judiya. Limowan si Herod kidoen te Galiliya, aw kedowa din si Felipe se limowan kidoen te Itorya aw Trakoniti. Limowan si Lisanias kidoen te Abilina.

Genesis 22:9

Pegdateng dan doton te bontod sinogoan te Timanem ki Abraham, mig-inang si Abraham te sonogan din te ayam-ayam ibegay diyà te Timanem, aw insawol din se kayo itabon kidoen te lanto niyan. Penga niyan, ginapos din se batà din aw insawol din heman sikandin diyà te lanto te kayo itabon.

Mat. 28:14

Aw dinegen iyan te gobirnador, sikami se megbalaw-balaw kandin amon eked kaw din keopali.”

Luc. 23:1

Penga niyan, timindeg se kedita dan netipon, aw nengibing dan ki Jesus doton te gobirnador si Pilato.

Luc. 23:12

Pineokit kenyan, migpesigelakay si Herod aw si Pilato, so tapay dan egpedindilay.

Juan 18:28

Penga niyan, inibing dan si Jesus lekat te balay i Caifas pesalo doton te balay inogpaan te gobirnador insawol te gobirno te Roma. Ontò dan limapos se pegpesalo dan doton. Wedà awop se menge obanen te Judiyo diyà te balay te gobirnador amon eked dan pekelàpang te punù ingkeliwat i Moises kandan tepad te pegpelinis, so simpana mawop dan diyà te balay te otaw kenà Judiyo, eked kepakay aw makop dan komaen te Pista te Pegpelowà.