Mat. 26:3 - Manobo Sarangani

³ Dalem niyan, netipon se menge pengolo te simbahan aw menge obanen te Judiyo doton te balay te ontò pengolo dan si Caifas.

Mat. 26:3 ပူးပေါင်းရင်းမြစ်များ

Juan 18:24

Penga niyan, todà ginapos se belad i Jesus, aw impeibing sikandin i Anas doton te ontò pengolo te simbahan si Caifas.

Mar. 14:54

Timelokon heman si Pedro, meneng migpekediyò sikandin lamig dimateng doton te dowangen te balay te ontò pengolo te simbahan. Nenenoo sikandin doma te menge otaw migtonggò te dakel simbahan, aw mig-ingadang sikandin diyà te apoy dan.

Juan 18:28

Penga niyan, inibing dan si Jesus lekat te balay i Caifas pesalo doton te balay inogpaan te gobirnador insawol te gobirno te Roma. Ontò dan limapos se pegpesalo dan doton. Wedà awop se menge obanen te Judiyo diyà te balay te gobirnador amon eked dan pekelàpang te punù ingkeliwat i Moises kandan tepad te pegpelinis, so simpana mawop dan diyà te balay te otaw kenà Judiyo, eked kepakay aw makop dan komaen te Pista te Pegpelowà.

Juan 11:57

Tapay migpunù se menge pengolo te simbahan aw menge Parisiyo te keilangan indanan dan aw kenan si Jesus amon dekepen dan sikandin.

Luc. 3:2

Si Anas aw si Caifas se ontò pengolo te dakel simbahan te Jerusalem. Dalem te peg-ogpà i Juan batà i Zacarias kidoen te kebigtilan, insogò sikandin te Timanem megtoladà te kagi din.

Mat. 26:69

Dalem niyan, mig-ogpà si Pedro doton te lowà te balay kidoen te dowangen. Doen bayi egtelaban dimoton kandin aw minikagi, “Sikona se egdoma ki Jesus tege probinsya te Galiliya.”

Mat. 27:27

Penga niyan, inibing te menge sondalo si Jesus doton didalem te balay te gobirnador, aw migtipon dan te kedita te doma dan sondalo.

Mar. 14:66

Dalem niyan, mig-ogpà si Pedro kidoen te dowangen. Doen bayi egtelaban te ontò pengolo te simbahan minokit kidoen te dowangen.

Mar. 15:16

Penga niyan, inibing te menge sondalo si Jesus doton didalem te balay te gobirnador, aw migtipon dan te kedita te doma dan sondalo.

Luc. 22:55

Doen apoy kidoen te dowangen inantay te menge otaw migtonggò, aw migdoma heman si Pedro te menge otaw mig-ingadang kidoen.