Mat. 24:3 - Manobo Sarangani

³ Wedà kenamay, dimoton si Jesus te bontod te Olibo aw nenenoo kidoen. Dimoton se menge tinoledaan din kandin te wedad doma dan, aw mig-insà dan, kagi dan, “Indani kay. Kano lay ketoman se in-indan nikaw? Eden lay se pengilala kitaen day amon ketegahan day te agpet ka lomikò aw agpet heman se temanan te keneyonan?”

Mat. 24:3 ပူးပေါင်းရင်းမြစ်များ

Ininang 1:7

Timaba si Jesus, kagi din, “Eked niyo ketegahi aw kano iyan ketoman, so Timanem Amay ko olò se netaga-taga aw kano iyan, so lekat iyan te kandin ibeg.

Mat. 24:37

Aw lomikò a Timanem Migpekeotaw, medita se otaw eked peketagad te pegdateng ko, iling te otaw gebii wedà penenalan ki Noe.

Mat. 13:49

Iling heman kenyan se meinang aw domateng se temanan te keneyonan. Teniyen te menge anghil se otaw eg-inang te medaet aw otaw eg-inang te metòlid.

Luc. 21:7

Doen otaw mig-insà, “Sir, kano lay ketoman se in-indan nikaw? Eden lay se pengilala kitaen day aw agpet iyan metoman?”

Mat. 21:1

Nayan, pegpesalo dan doton te Jerusalem, migpedapag dan kidoen te lonsod te Bitpahi doton te ongan te bontod te Olibo. Insogò i Jesus se didowa tinoledaan din,

Mat. 24:39

Meneng wedà ketaga-taga se menge doma otaw te agpet dan megelà lamig nesàban dan te pegkelinep te tanà te wayeg, aw nelemes se kedita dan. Iling heman kenyan se peglikò ko Timanem Migpekeotaw, so medita heman se otaw eked peketagad te pegdateng ko.

Mat. 24:27

so ontò metaen se peglikò ko iling te kilem ontò somiblat doton te kebelad te langit, aw kitaen te kedita te otaw. Iling kenyan se pegdateng ko Timanem Migpekeotaw.

Menge Hebreo 9:26

Simpana kenà iyan botong, keilangan melikit se pegkematay din lekat te keteboan te keneyonan lamig songkani. Meneng kenà iling kenyan si Cristo, so mekesebad olò se peg-inang din songkani te wedà pa dateng se temanan te keneyonan, aw botong den iyan. Migpekeotaw sikandin amon mengabat te salà tadon pineokit te pegpemegay te kandin lawa te pegkematay din.

Mat. 28:20

Pegtoladà kaw kandan te keilangan tomolò dan te kedita te impunù ko diyà kenyo. Na, gayed a meg-ipat kenyo pengkey lamig te temanan te keneyonan.”

Mat. 17:19

Pegkenamay-namay, dimoton se menge tinoledaan i Jesus kandin te wedad doma dan, aw mig-insà dan, “Nengà lay wedà day kebatog se pegpelowà te bosaw lekat kandin?”

Mat. 24:43

Meneng eneng-enengi niyo ini. Aw ketegahan te tig-apò te balay aw kano dateng se menenakaw, yan meketagad sikandin, aw eked ketekawi se balay din.

Mat. 15:12

Penga niyan, dimoton se menge tinoledaan i Jesus kandin, aw minikagi dan, “Neopal den se menge Parisiyo tepad te inikagi no sìyan.”

Mat. 13:36

Penga niyan, nesayo si Jesus lekat kidoen te otaw netipon, aw minawop diyà te balay. Timaking se menge tinoledaan din aw nemoyò dan, “Indani kay aw eden se kedegdagan te tegdeyanan tepad te sagbet timilles kidoen te pawà.”

Mat. 16:27

Siak se Timanem Migpekeotaw, aw lomikò a dini tekingan te menge anghil aw kelangkaw te Amay ko. Aw lomikò a, begayan ko se kedita te otaw te ontong tepad te tapay dan ininang.

Mat. 16:28

Eneng-enengi niyo se kagi ko kenyo seini. Doen otaw dini kenyo eked kematay singed aw onà dan komità te pegtebò te peglowan ko Timanem Migpekeotaw.”

Mat. 24:30

Penga niyan, ipekità ko se pengilala doton te langit te agpet a den lomikò Timanem Migpekeotaw. Megkelag se kedita te otaw te keneyonan tandà te lamit dan, so komità dan te pegdateng ko aw lomikò a Timanem Migpekeotaw tekingan te labon lekat te langit. Komità dan te metolos a aw ontò a melangkaw.