Mat. 22:4 - Manobo Sarangani

⁴ Doen heman menge doma sineligan insogò te selotan amon megkeliwat dan te kagi din, ‘Na, integilan ko den se kànen. Iniyaw day den se menge baka aw doma ayam-ayam melambò, aw nelegà den se kedita niyan. Ayas kaw den diyà te peipid.’

Mat. 22:4 ပူးပေါင်းရင်းမြစ်များ

Ininang 13:46

Meneng wedà pegketalaw si Pablo aw si Bernabe, so timaba dan, “Keilangan sikiyo Judiyo se onà day indanan te kagi te Timanem. Meneng wedà kaw penenalan kenyan so eked kaw keibeg te kaling pedowan wedad temanan ibegay te Timanem. Doun niyan, meg-indan kay den te kagi te Timanem diyà te menge doma otaw kenà Judiyo.

Mat. 21:36

Penga niyan, labi pa medita se doma sineligan insogò din doton kandan. Meneng onawa heman se medaet ininang te otaw migtonggò diyà te sineligan insogò din.

Roma 8:32

Wedà din temengi se Batà din si Jesus, meneng insogò din sikandin simelilin kenitadon aw nematay amon megtabang kenitadon. Aw iling kenyan se keido din kenitadon, ibegay din heman se kedita te kelidoan tadon.

Ininang 1:8

Meneng ikà niyo egkelibel kani. Aw domateng se Espiritu Santo kenyo, ketebangan kaw din amon meg-indan kaw tepad kanak doton te Jerusalem, aw kidoen heman te kedita te ogpeanan te Judiya aw Samarya, aw pengkey taman te kebelad te keneyonan.”

Luc. 14:17

Pegdateng te aldaw te pegkaen, doen sineligan insogò din mangay te kedita te otaw inindanan din, so integilan din den se kedakel te kànen.

Mat. 22:8

Penga niyan, minikagi se selotan diyà te menge sineligan din, ‘Integilan den se kànen, meneng eked ko petenodi se otaw tapay impeangay ko, so kimulu dan.

Mat. 22:5

Meneng wedà dan pegsagman kenyan. Doen otaw dimoton te pawà, aw doen doma otaw dimoton te tinda din.