Mat. 2:4 - Manobo Sarangani

⁴ Penga niyan, impetipon din se kedita te pengolo te simbahan te Judiyo aw menenoladà te punù ingkeliwat i Moises. Mig-insà sikandin aw kenan tebaw se Misiyas.

Mat. 2:4 ပူးပေါင်းရင်းမြစ်များ

Ininang 23:9

Yan dakel se samok dan. Penga niyan, doen menge menenoladà te punù ingkeliwat i Moises timindeg lenged te Parisiyo. Minikagi dan, “Aneng-aneng day, wedad salà din. Doen besi anghil minikagi diyà kandin.”

Ininang 6:12

Pineokit kenyan, migsamok dan te menge doma otaw, aw menge obanen te simbahan, aw menenoladà te punù ingkeliwat i Moises. Penga niyan, ayas dan inewidan si Esteban. Inibing dan sikandin doton te menge obanen te simbahan amon okomen dan.

Mat. 21:23

Nayan, limikò si Jesus doton te dakel simbahan te Jerusalem aw migtoladà. Wedà kenamay, doen menge pengolo te simbahan aw menge obanen te Judiyo dimoton kandin, aw mig-insà dan, “Nengà lay eg-inang ka te kedita nini? Sinu lay se simogò kamno?”

Mat. 7:29

Kenà iling te pegtoladà te menenoladà te punù ingkeliwat i Moises se pegtoladà i Jesus, so tinekingan si Jesus te tolos.

Ininang 4:5

Keeldawan niyan, netipon se kedita te egpengibing aw obanen te simbahan te Jerusalem aw menenoladà te punù ingkeliwat i Moises, so se kedita dan, yan se menge otaw eglowan te menge Judiyo.

Juan 18:3

Nayan, minangay si Judas te menge sondalo aw menge otaw egtonggò te simbahan insogò te menge pengolo te simbahan aw Parisiyo, aw timaking dan kandin doton te kekeyowan. Nengibing dan te menge solò, aw gansà, aw kekamang dan.

Juan 8:3

Dalem te pegtoladà din, dimateng se menge menenoladà te punù ingkeliwat i Moises aw menge Parisiyo. Inibing dan se sebad bayi kinità dan limakad. Inibing dan sikandin doton te monà i Jesus

Juan 7:32

Pegdineg te menge Parisiyo te eg-ikegiyen te otaw netipon, migsebad dan diyà te menge pengolo te simbahan te Judiyo, aw insogò dan se menge teletonggò te simbahan amon dekepen dan si Jesus.

Juan 3:10

Timaba si Jesus, “Nepela a, so pengkey sikona se meistro te menge bowad-bowad i Israel, meneng wedà no pa iyan kelebeti.

Luc. 23:10

Migpedapag se menge pengolo te simbahan aw menenoladà te punù, aw neopal dan migdimanda tepad kandin.

Luc. 20:19

Na, se menge menenoladà te punù aw pengolo te simbahan, netegahan dan te sikandan se nesogatan te tegdeyanan sìyan in-indan i Jesus, aw yan se doun te ibeg dan megdakep peden kandin te aldaw sìyan. Meneng wedà dan peketoman, so nelemitan dan te menge otaw gayed egpenenalan kandin aw domapit dan kandin.

Mar. 8:31

Nayan, migtoladà si Jesus diyà te menge tinoledaan din aw eden se metoman domateng diyà kandin Timanem Migpekeotaw. Ontò sikandin elegen, aw kuluwan sikandin te menge obanen te Judiyo aw menge pengolo te simbahan aw menenoladà te punù ingkeliwat i Moises. Metoman sikandin imetayan, meneng penga niyan te telo se aldaw, meantay sikandin lekat te nematay.

Mat. 27:1

Nayan, peglibtak te aldaw sìyan, netipon se kedita te pengolo te simbahan aw menge obanen te Judiyo, aw miglalang dan aw eden se idimanda dan diyà te gobirno tepad ki Jesus amon imetayan sikandin.

Mat. 26:47

Telobo pa minikagi si Jesus, dimateng si Judas, sìyan tinoledaan i Jesus. Ontò medita se otaw timaking kandin, aw migkekamang dan te menge podok aw batota. Insogò dan te menge pengolo te simbahan aw menge obanen te Judiyo.

Mat. 26:3

Dalem niyan, netipon se menge pengolo te simbahan aw menge obanen te Judiyo doton te balay te ontò pengolo dan si Caifas.

Mat. 21:15

Meneng neopal se menge pengolo te simbahan aw menenoladà te punù ingkeliwat i Moises, so kimità dan te menge kepelahan ininang i Jesus, aw dinineg dan heman se mengisù migpetewalay kidoen te dakel simbahan, kagi dan, “Iduyun se bowad-bowad i David.”

Mat. 13:52

Minikagi si Jesus, “Aw doen otaw biyasa te kagi te Timanem tapay insolat, aw meg-iling heman sikandin te kaling itoladà ko tepad te peglowan te Timanem, iling sikandin te otaw doen dakel kedònan gayed din eggemiten, pengkey tapay aw kaling.”

Mat. 2:3

Pegdineg i Herod te doen meinang selotan somelilin kandin, ontò sikandin netetana sipat kedita te tege Jerusalem.

Mat. 2:5

Timaba dan, “Tomebaw sikandin doton te Bitlihim dini te probinsya te Judiya, so yan se tapay insolat te telekeliwat te kagi te Timanem, kagi din,