Mat. 2:23 - Manobo Sarangani

²³ Mig-ogpà dan doton te lonsod te Nasarit. Yan netoman se inikagi te menge telekeliwat te kagi te Timanem te tewalen si Jesus tege Nasarit.

Mat. 2:23 ပူးပေါင်းရင်းမြစ်များ

Mar. 1:24

Timawal sikandin, “Tay, Jesus tege Nasarit. Ikà eg-inabut kenami. Ikà egbaet kenami. Netegahan ko aw sinu ka. Sikona se metòlid otaw insogò te Timanem.”

Mat. 26:71

Penga niyan, minalin si Pedro doton medapag te lelebangan. Doen doma bayi egtelaban kimità ki Pedro, aw minikagi diyà te menge otaw kidoen, “Otaw seini se egdoma ki Jesus tege Nasarit.”

Mat. 1:22

Neinang iyan amon metoman se tapay inikagi te telekeliwat te kagi te Timanem gebii, kagi din,

Ininang 24:5

Netegahan day te ontò medaet se otaw seini, so egsemoken din se kedita te Judiyo dini te kebelad te keneyonan, aw sikandin se egpengibing te menge otaw egpemenal te sebad otaw tege Nasarit.

Ininang 2:22

“Na, menge kedomaan ko Judiyo, penenalan kaw te ikegiyen ko. Si Jesus tege Nasarit, yan se impetaga-taga te Timanem te sikandin se insogò din. Impetaga-taga din iyan pineokit te peg-inang din te inang metolos, aw kepelahan, aw ledyawan. Ontò niyo netegahan iyan so neinang iyan dini kenyo.

Juan 19:19

Doen insolat i Pilato aw impesawol din iyan doton diatas te olo i Jesus, kagi niyan, “Seini si Jesus tege Nasarit, Selotan te menge Judiyo.”

Juan 18:7

Todà mig-insà si Jesus, “Sinu lay se inahà niyo?” Timaba dan, “Si Jesus tege Nasarit.”

Juan 18:5

Timaba dan, “Si Jesus tege Nasarit.” Minikagi si Jesus, “Siak se inahà niyo.” Kidoen heman doma te menge sondalo se migtolok ki Jesus si Judas.

Luc. 2:39

Nayan, pegtoman i Jose aw si Maria te kedita te punù te Pengolo ingkeliwat i Moises tepad te batà kaling timebaw, minolì dan doton te lonsod te Nasarit kidoen te probinsya te Galiliya.

Luc. 1:26

Pegdateng te ikeenem se bolan te peglaman i Elisabet, insogò te Timanem se anghil si Gabriel doton te lonsod te Nasarit sakop te probinsya te Galiliya.

Mat. 21:11

Timaba se otaw timaking ki Jesus, “Sikandin se telekeliwat te kagi te Timanem si Jesus. Lekat sikandin te lonsod te Nasarit sakop te probinsya te Galiliya.”

Mar. 1:9

Nayan, wedà kenamay, dimateng si Jesus lekat te lonsod te Nasarit sakop te probinsya te Galiliya, aw migpebonyag sikandin ki Juan kidoen te wayeg te Jordan.

Luc. 18:37

Minikagi se menge doma, “Minokit dini si Jesus tege Nasarit.”