Mat. 2:2 - Manobo Sarangani

² Mig-insà dan, “Kenan lay se deitek batà meinang Selotan te menge Judiyo? Kinità day se bitoen limibtak aw yan se pengilala te timebaw den sikandin. Dimini kay amon megsimba kay kandin.”

Mat. 2:2 ပူးပေါင်းရင်းမြစ်များ

Impekità 22:16

“Siak si Jesus se simogò te anghil ko doton kamno amon ikeliwat se kagi ko seini diyà te kedita te otaw egpemenal aw egsimba kanak. Siak se bowad-bowad i David impakang gebii. Siak heman se meanyag bitoen te medapag aldaw.”

Juan 18:37

Minikagi si Pilato, “Ontò ka kedì selotan.” Minikagi si Jesus, “Ee. Benal se inikagi no te selotan a, so yan se doun te migpekeotaw a. Insogò a dini te keneyonan amon meg-indan a te kebenalan. Egpenenelanen a te kedita te otaw migpesakop diyà te kebenalan.”

Menge Hebreo 1:6

Te agpet isogò te Timanem se ontò melangkaw Batà din dini te keneyonan, minikagi heman se Timanem, “Simbahen sikandin te kedita te anghil te Timanem.”

Luc. 23:38

Doen heman solat insawol doton diatas te olo din, kagi niyan, “Seini se Selotan te menge Judiyo.”

Luc. 23:3

Mig-insà si Pilato diyà kandin, “Sikona lay se Selotan te menge Judiyo?” Timaba si Jesus, “Ee. Benal se kagi nikaw.”

Juan 5:23

so ibeg din segmanen a heman te kedita te otaw, onawa te pegsagman dan kandin. Aw eked pegsagman se otaw kanak, yan se pengilala te kenà heman sikandin egsagman te Amay ko simogò kanak.

Juan 1:49

Minikagi si Natanael, “Sir, sikona se ontò Batà te Timanem. Ontò sikona se selotan impakang amon lomowan diyà kenami menge bowad-bowad i Israel.”

Luc. 19:38

Migpegais dan, “Iduyun se Selotan seini insogò te Pengolo tadon Timanem. Begayan kidon din te kelinaw te pedowan lekat te langit. Iduyun den se Timanem.”

Luc. 2:11

Doen timebaw gina seini kidoen te Bitlihim. Sikandin se Pengolo si Cristo megpelowà kenyo.

Juan 9:38

Minikagi se otaw, “Pengolo, nemenal a den kamno.” Penga niyan, migsimba sikandin ki Jesus.

Juan 19:19

Doen insolat i Pilato aw impesawol din iyan doton diatas te olo i Jesus, kagi niyan, “Seini si Jesus tege Nasarit, Selotan te menge Judiyo.”

Juan 12:13

Simongon dan kandin, aw inibing dan se menge pelapà te palmera sinagpì dan, so yan se ketanem dan te pegsongon dan te selotan. Migpegais dan, “Iduyun se Timanem. Iduyun heman se insogò din dimateng den. Iduyun sikandin Selotan te kedita tadon bowad-bowad i Israel.”

Mat. 27:11

Nayan, pegpengibing dan ki Jesus doton te gobirnador, mig-insà se gobirnador, “Sikona lay se Selotan te menge Judiyo?” Minikagi si Jesus, “Ee. Benal se kagi nikaw.”

Juan 20:28

Meneng olò minikagi si Tomas, “Sikona se Pengolo ko. Sikona se Timanem ko.”

Mat. 21:5

“Seini se iindan no diyà te kedita te tege Sion. Na, domateng se selotan niyo, aw medanà se pegkeotawun din, so somakay te nati te asno.”

Mat. 2:3

Pegdineg i Herod te doen meinang selotan somelilin kandin, ontò sikandin netetana sipat kedita te tege Jerusalem.