Mat. 2:13 - Manobo Sarangani

¹³ Nayan, penga te pegkesayo dan, doen anghil insogò te Timanem migpekità diyà ki Jose pineokit te tegeinep, aw minikagi, “Enaw ka. Ibingi se batà aw inay din, aw kadas kaw doton te Ehipto. Peg-ogpà kaw doton lamig te ipeolì ko sikiyo, so doen sondalo isogò i Herod amon mengemahà te batà seini aw imetayan.”

Mat. 2:13 ပူးပေါင်းရင်းမြစ်များ

Ininang 12:11

Peg-imanman i Pedro, netegahan din te insogò te Pengolo se anghil din amon megpelowà kandin lekat te belad i Herod, amon eked ketoman se pinelimanan te menge Judiyo kenà egpemenal.

Ininang 10:7

Peg-olì te anghil doton te langit, tinawal i Cornelio se dowa sineligan din aw sebad sondalo egpenimanem aw egkeseligan din.

Ininang 5:19

Meneng pegkedelem niyan, inowang te anghil te Timanem se tetakep te keleboso aw impelowà din dan. Doen impunù din kandan, kagi din,

Mat. 2:12

Nayan, migpunù se Timanem diyà kandan pineokit te tegeinep te eked kepakay aw lomikò dan doton ki Herod. Yan se doun te minokit dan te sebad dalan te peg-olì dan doton te kandan ogpeanan.

Mat. 1:20

Meneng dalem pa te peg-aneng-aneng din kenyan, doen anghil te Timanem migpekità diyà kandin pineokit te tegeinep, aw minikagi, “Jose, bowad-bowad i David, ikà eg-eked te peg-ipid no ki Maria, so miglaman sikandin pineokit te Espiritu Santo.

Mat. 2:16

Nayan, pegketaga-taga i Herod te inekalan sikandin te menge otaw biyasa tepad te pengilala te bitoen, ontò sikandin neopal so wedà dan likò doton kandin. Yan insogò din se menge sondalo doton te lonsod te Bitlihim aw menge ogpeanan medapag kidoen amon imetayan dan se kedita te batà meama lekat te kaling timebaw lamig te didowa se omay, so yan se kenamay netegahan din lekat te in-indan te menge otaw biyasa tepad te pengilala te bitoen.

Impekità 12:14

Meneng doen dowa pakpak te banog imbegay te Timanem kandin amon mekelayang sikandin doton te kebigtilan amon eked kesàbi te nagan. Ipaten sikandin te Timanem kidoen taman te telo se omay aw tengà.

Ininang 16:36

Penga niyan, minikagi se otaw egtonggò ki Pablo, “Doen insogò te howis amon ipelowà kaw. Mepakay kaw den lomowà. Ibeg ko doen kelinaw te pedowan niyo.”

Ininang 10:22

Timaba dan, “Insogò kay te sebad serhinto si Cornelio olo te sebad gatos sondalo. Sikandin se otaw egpenimanem aw egtolò te Timanem, aw induyun sikandin te medita Judiyo. Doen anghil te Timanem migpunù kandin te ipeangay ka din amon megtoladà ka kandin.”

Ininang 7:19

Nemilang se selotan sìyan te menge kemonaan tadon, aw migleges kandan igsà kedita te kaling batà timebaw impeibing din dan te amay doton te mediyò aw tinenanan dan amon matay.

Mat. 10:23

Aw pemilangen kaw kidoen te sebad lonsod, kadas kaw lekat kidoen aw doton kaw te doma lonsod. Penenalan kaw te kagi ko kenyo seini. Siak se Timanem Migpekeotaw, aw lomikò a te eked pa kepenga se pegtoladà niyo kidoen te kedita te lonsod eg-ogpaan te menge bowad-bowad i Israel.

Impekità 12:6

Penga niyan, kimadas se bayi doton te kebigtilan, so doen ogpeanan integilan te Timanem kidoen amon ipaten din se bayi taman te sebad melalan dowa gatos keneman se aldaw.

Impekità 12:4

Pineokit te ikog din, ineblas din se iketelo ketengà te bitoen lekat te langit, aw in-agbel din iyan diyà te tanà. Penga niyan, mig-ogpà se nagan medapag te bayi agpet den tebawan amon kànen din se batà aw tomebaw.

Mat. 2:22

Meneng wedà dan deleg doton te probinsya te Judiya, so nelemitan si Jose te pegdineg din te limowan den si Arkelao simelilin te amay din si Herod nematay. Yan insogò te Timanem si Jose pineokit te tegeinep, aw simoway dan doton te probinsya te Galiliya.

Mat. 2:14

Penga niyan, pengkey tengà te delem, minenaw si Jose aw inibing din se esawa din aw si Jesus, aw simamsam dan pesalo doton te Ehipto.

Ininang 12:7

Pegketà minanyag se didalem te keleboso, so kimidoen se sebad anghil te Timanem. Pinemàdan din si Pedro aw linoka. Minikagi sikandin, “Ayas ka enaw.” Penga niyan, nelebad se sengkalì lekat te bebenayun din,