Mat. 2:11 - Manobo Sarangani

¹¹ Peg-awop dan kidoen te balay, kinità dan se batà aw inay din si Maria. Limongken dan aw migsimba dan te batà. Penga niyan, inokal dan se kekanà inibing dan, menge bolawan, aw metinadeg sonogen, aw bebolong te saka iningedanan mira. Tinigkan dan iyan imbowang diyà ki Jesus.

Mat. 2:11 ပူးပေါင်းရင်းမြစ်များ

Luc. 2:16

Penga niyan, mig-ayas dan doton aw kimità dan ki Maria aw si Jose, aw kinità dan heman se batà impeibat kidoen te kènanan te ayam-ayam.

Mat. 2:2

Mig-insà dan, “Kenan lay se deitek batà meinang Selotan te menge Judiyo? Kinità day se bitoen limibtak aw yan se pengilala te timebaw den sikandin. Dimini kay amon megsimba kay kandin.”

Impekità 19:10

Penga niyan, limongken a diyà kandin amon simbahen ko, meneng minikagi sikandin, “Ikà egsimba kanak, so pengkey siak, aw sikona, aw kedita heman te doma no nemenal te kebenalan intoladà i Jesus, tomalag egtolò te Timanem. Yan keilangan Timanem olò se simbahen nikaw.” Yan se inikagi din, so se intoladà i Jesus, yan heman se kebenalan intoladà te menge telekeliwat te kagi te Timanem.

Mat. 14:33

Limongken se doma tinoledaan diyà ki Jesus, aw migsimba dan kandin, aw minikagi dan, “Ontò ka Batà te Timanem.”

Impekità 5:8

Peg-abat din te papil, limongken se kedita te ayam-ayam metolos aw obanen diyà kandin amon megsimba dan kandin. Inibing te teg sebad-sebad obanen se alpa egkebliten, aw inewidan dan heman se menge lipong ininang te bolawan. Nepenò se lipong dan te metinadeg egsonogen amon megkèpiya se nadeg. Yan se polingun te pegtawal-tawal te menge sakop te Timanem kandin.

Luc. 2:38

Dalem pa te minikagi si Simeon diyà ki Maria, dimateng si Ana kidoen kandan, aw migpesiontong diyà te Timanem. Mig-indan heman sikandin tepad te batà diyà te kedita te otaw egpeliman te megpelowà se Timanem te menge Judiyo.

Genesis 43:11

Minikagi se amay dan, “Aw yan se keilangan inangen, mèpiya aw ibingen niyo heman se menge mèpiya pongo lekat dini amon doen ibowang niyo diyà te gobirnador, deitek alay aw teneb, menge enagay, aw pongo te kayo pistasio aw almendras.

Mat. 1:18

Nayan, seini se indan-indan tepad te pegtebaw i Jesu Cristo. Si Maria se inay din, aw doen salà din si Jose. Te wedà dan pa peipiday, netegahan i Maria te miglaman sikandin pineokit te Espiritu Santo.

Mat. 12:46

Nayan, dalem te migtoladà pa si Jesus, dimateng se inay din aw menge kedowa din. Migtagad dan doton te lowà te balay, so ibeg dan megkità kandin.

Juan 19:39

Doen heman timaking kandin si Nicodemo. Sikandin se dimoton ki Jesus kedengan te delem. Inibing din heman se menge keliman kilo bebolong metinadeg iningedanan mira aw alos pigsanged.