Mat. 2:1 - Manobo Sarangani

¹ Timebaw si Jesus doton te lonsod te Bitlihim sakop te probinsya te Judiya dalem te peglowan te selotan si Herod. Nayan, doen menge otaw dimateng doton te Jerusalem lekat te mediyò ogpeanan doton te eglibtakan te aldaw. Sikandan se ontò biyasa tepad te pengilala te menge bitoen.

Mat. 2:1 ပူးပေါင်းရင်းမြစ်များ

Juan 7:42

Doen kagi te Timanem insolat te keilangan pelimanan tadon se Misiyas bowad-bowad te kemonaan tadon si David. Tomebaw se Misiyas egpelimanan tadon kidoen te Bitlihim, so yan se lonsod inogpaan i David.”

Luc. 2:11

Doen timebaw gina seini kidoen te Bitlihim. Sikandin se Pengolo si Cristo megpelowà kenyo.

Genesis 49:10

Si Juda se mengawid te bangkà te selotan, so gayed lomowan se menge bowad-bowad din lamig domateng se ontò selotan, sìyan toloen te kedita te otaw.

Mat. 2:5

Timaba dan, “Tomebaw sikandin doton te Bitlihim dini te probinsya te Judiya, so yan se tapay insolat te telekeliwat te kagi te Timanem, kagi din,

Mat. 1:25

Meneng wedà dan pegpeleyokay lamig timebaw se batà. Iningedanan i Jose se batà ki Jesus.

Luc. 2:15

Peg-olì te menge anghil doton te langit, gayed migpebelaw-belaway se telediyaga, kagi dan, “Domoton kidon den te Bitlihim amon kitaen tadon se neinang seini, sìyan impetaga-taga te Pengolo diyà kenitadon.”

Luc. 1:5

Kedengan, dalem te peglowan i Herod kidoen te probinsya te Judiya, doen sebad pengolo te simbahan te Judiyo ngadan din si Zacarias. Sikandin se sebad pengolo te simbahan sakop te gropo i Abias. Doen esawa din si Elisabet, aw pengolo te simbahan se kemonaan din heman.

Genesis 25:6

Meneng te wedà pa kematay si Abraham, doen heman imbowang din diyà te menge batà te menge doma esawa din. Penga niyan, impekesayo din dan pesalo doton te eglibtakan te aldaw amon eked dan pegsamok te batà din si Isaac.

Mat. 2:19

Nayan, penga te pegkematay i Herod, doen anghil insogò te Timanem migpekità diyà ki Jose doton te Ehipto pineokit te tegeinep. Minikagi se anghil,

Mat. 2:3

Pegdineg i Herod te doen meinang selotan somelilin kandin, ontò sikandin netetana sipat kedita te tege Jerusalem.

Genesis 10:30

Mig-ogpà se menge pongan dan doton te tanà lekat te Mesa taman te Separ kidoen te bontod lenged te eglibtakan te aldaw.

Genesis 41:8

Pegkeiselem niyan, netetana se pedowan te selotan. Yan impeangay din se kedita te otaw biyasa egselemangka aw menge doma otaw biyasa doton te Ehipto. Mig-indan sikandin diyà kandan tepad te tegeinep din, meneng wedad palos nekeindan kandin aw eden se kedegdagan niyan.

Mat. 2:7

Penga niyan, impeangay i Herod se menge otaw biyasa te pengilala te bitoen. Netipon dan te wedad doma otaw netaga-taga, aw ontò mig-insà si Herod aw kano dan kitai se bitoen sìyan.

Mat. 2:16

Nayan, pegketaga-taga i Herod te inekalan sikandin te menge otaw biyasa tepad te pengilala te bitoen, ontò sikandin neopal so wedà dan likò doton kandin. Yan insogò din se menge sondalo doton te lonsod te Bitlihim aw menge ogpeanan medapag kidoen amon imetayan dan se kedita te batà meama lekat te kaling timebaw lamig te didowa se omay, so yan se kenamay netegahan din lekat te in-indan te menge otaw biyasa tepad te pengilala te bitoen.