Mat. 18:3 - Manobo Sarangani

³ Penga niyan, minikagi si Jesus, “Eneng-enengi niyo se kagi ko seini. Eked kaw palos sekopi te Timanem diyà te peglowan din singed todaen niyo se aneng-aneng niyo, aw megpedanà kaw iling te kedanà te mengisù.

Mat. 18:3 ပူးပေါင်းရင်းမြစ်များ

1 Pedro 2:2

Keilangan gayed kaw meg-iling te ontò kagi te Timanem, iling te deitek batà gayed egkeibeg somoso. Pineokit te peg-iling niyo te kagi te Timanem, megketesan se pegsalig niyo diyà kandin,

Mat. 19:14

Meneng minikagi si Jesus, “Ikà niyo egsagda kandan, so lomowan se Timanem diyà te otaw ontò somalig diyà kandin iling te pegsalig te mengisù diyà te amay aw inay dan.”

1 Korinto 14:20

Menge kedowa ko, ikà niyo eg-iling te mengisù wedad inenengen. Pengkey mèpiya aw iling kaw te mengisù wedad toig meg-inang te salà, meneng diyà te aneng-aneng niyo, pekitai niyo te metesan kaw den.

Juan 3:5

Minikagi si Jesus, “Eneng-enengi se kagi ko kamno. Aw eked tebaw se otaw pineokit te wayeg aw pineokit heman te Espiritu Santo, eked sikandin kesakop diyà te peglowan te Timanem.

Juan 3:3

Minikagi si Jesus, “Eneng-enengi se kagi ko kamno. Aw eked todà tebaw se otaw, eked sikandin kesakop diyà te peglowan te Timanem.”

Luc. 13:24

“Pegpekagsen kaw mokit te lelebangan mesigpit. Penenalan kaw kanak. Medita se otaw meibeg mokit kidoen pesalo doton te peglowan te Timanem te modi aldaw, meneng eked dan peopi.

Ininang 3:19

Yan pegselsel kaw aw taking kaw te Timanem amon pegwedaden din se salà niyo,

Ininang 28:27

Yan se itoladà no kandan so migpekagsen dan te olo dan amon eked dan pekelabet. Sinengseng dan se telinga dan amon eked dan penenalan. Inlipedeng dan se mata dan amon eked dan kità. Aw eked dan pemenal kanak, eked ko dan begayi te mèpiya.’ Yan se kagi te Timanem.

Juan 1:51

Minikagi heman si Jesus, “Eneng-enengi se kagi ko kamno, so komità kaw te langit meowang, aw kitaen niyo heman se menge anghil te Timanem menayit aw tomenà diyà kanak Timanem Migpekeotaw.”

Mat. 5:20

Mikagi a den diyà kenyo, aw kenà labi pa metòlid se eg-inangen niyo diyà te eg-inangen te menge Parisiyo aw menenoladà te punù ingkeliwat i Moises, eked kaw palos sekopi te Timanem diyà te peglowan din.”

Luc. 22:32

Meneng migtawal-tawal a diyà te Amay ko tepad kamno amon gayed ka somalig diyà kanak. Pengkey tominàyog ka kanak te eked kenamay, meneng aw todà ka tomaking kanak, meketabang ka te menge doma no tinoledaan ko.”

Mar. 4:12

amon pengkey tomengteng dan, meneng eked dan kità te kedegdagan niyan. Pengkey domineg dan, meneng eked dan ketaga-taga te kebenalan niyan, so aw mekelabet dan, mengenganay dan diyà kanak aw pegwedaden ko se salà ininang dan.”

2 Pedro 1:11

Aw yan se eg-inangen niyo, ontò kaw ipeawop kidoen te peglowan i Jesu Cristo egpelowà kenitadon. Lomowan se Pengolo tadon te wedad temanan.

Ininang 14:22

Migtoladà dan te menge otaw egpemenal, aw mig-antag dan te pedowan te menge otaw kidoen amon melobos se pegsalig dan te Timanem. Minikagi dan, “Onà kidon tomayod te kelimahan, aw penga niyan lomowan se Timanem diyà kenitadon.”

Mat. 19:23

Minikagi si Jesus diyà te menge tinoledaan din, “Eneng-enengi niyo se kagi ko kenyo. Ontò melima se pegpesakop te otaw meyaman diyà te peglowan te Timanem.

Mat. 13:15

Metoman iyan so migkekagsen den se olo dan amon eked dan pemenal. Neinang den bingelen se telinga dan amon eked dan dineg te kebenalan. Inlipedeng dan se mata dan amon eked dan kità te kedegdagan te kagi ko kandan, so eked dan keibeg pengenganay diyà kanak amon tebangan ko dan.’

Mat. 6:16

“Aw megpowasa kaw, ikà niyo egpetaga-taga kenyan diyà te doma otaw pineokit te bawa niyo. Ikà niyo eg-iling te menge otaw eden dan aw egpenimanem dan, so eg-inangen dan medaet se bawa dan amon metaga-taga se doma otaw te kenà dan egpengaen. Eneng-enengi niyo se kagi ko seini. Wedad den palos ontong ibegay te Timanem kandan.

Mat. 6:5

“Aw megtawal-tawal kaw diyà te Timanem, ikà niyo eg-iling te otaw eden dan aw egpenimanem dan, so egkeibeg dan egtawal-tawal doton te simbahan aw doton heman te dalan amon kitaen dan te menge doma otaw. Meneng eneng-enengi niyo se kagi ko seini. Wedad palos ontong ibegay te Timanem kandan.

Mat. 6:2

“Yan aw megtabang kaw te otaw sagkep, ikà niyo eg-indan diyà te kedita te otaw amon iduyun kaw dan, so iling kenyan se eg-inangen te otaw eden dan aw egpenimanem dan. Yan se eg-inangen dan doton te simbahan te Judiyo aw kidoen te dalan, amon iduyun dan te menge doma otaw. Meneng eneng-enengi niyo se kagi ko seini. Wedad palos ontong ibegay te Timanem kandan.

Mat. 5:18

Eneng-enengi niyo se kagi ko kenyo seini. Dalem te doen pa langit aw tanà, wedad palos punù te Timanem pegwedaden, meneng metoman se kedita te kagi din.

Mat. 18:2

Tinawal i Jesus se sebad batà, aw impetindeg din iyan kidoen te tengà-tengà dan.

Mat. 18:4

Meneng se otaw ontò melangkaw doton te peglowan te Timanem, yan se otaw megpedanà te kandin pegkeotawun iling te kedanà te batà seini.