Mat. 17:3 - Manobo Sarangani

³ Pegketà, kinità dan heman si Moises aw si Elias migpebelaw-belaway doma ki Jesus.

Mat. 17:3 ပူးပေါင်းရင်းမြစ်များ

Luc. 24:44

Penga niyan, minikagi si Jesus, “Pegdoma ko kenyo kedengan te wedà a pa kematay, seini se inikagi ko diyà kenyo, te keilangan metoman se kedita te kagi insolat tepad kanak kidoen te punù ingkeliwat i Moises, aw insolat te menge telekeliwat te kagi te Timanem, aw kidoen heman te libro te Delangan.”

Mar. 9:4

Penga niyan, kinità dan heman si Elias aw si Moises migbalaw-balaw doma ki Jesus.

Luc. 24:27

Penga niyan, miglebad-lebad si Jesus diyà kandan te kedita te insolat kidoen te kagi te Timanem tepad te pegkeotawun din, lekat te insolat i Moises aw kidoen te insolat te kedita te telekeliwat te kagi te Timanem gebii.

Luc. 16:16

“Te wedà pa pegtoladà si Juan Memonyagay, keilangan toloen se punù ingkeliwat i Moises aw menge telekeliwat te kagi te Timanem. Meneng lekat te pegtebò te pegtoladà i Juan lamig seini, gayed ipegtoladà se Mèpiya Indan tepad te peglowan te Timanem, aw medita se otaw ontò meibeg megpesakop diyà kandin.

Luc. 9:33

Dalem te pegkesayo i Moises aw si Elias lekat ki Jesus, minikagi si Pedro diyà ki Jesus, “Pengolo, mèpiya so dini kay. Ibeg day meg-inang kay den te telo balay amon doen ogpaan te teg sebad-sebad kenyo si Moises aw si Elias.” Pengkey yan se inikagi i Pedro, meneng wedà din kelebeti aw eden se inikagi din.

Luc. 1:17

Mekeonà sikandin diyà te Pengolo amon megpetaga-taga sikandin te kedita te otaw te agpet den domateng se Pengolo. Megtabang se Espiritu Santo kandin iling te pegtabang din te telekeliwat te kagi din si Elias gebii. Pineokit te pegtoladà i Juan, megpèpiyaay se pedowan te menge telebatà. Megtoladà heman sikandin te menge otaw kenà egtolò te Timanem amon meg-inang dan te metòlid. Aw metoman iyan, meketagad den dan te pegdateng te Pengolo.”

Juan 1:17

Nemegay se Timanem kenitadon te punù din pineokit ki Moises. Meneng pineokit ki Jesu Cristo, nemegay se Timanem kenitadon te tabang din aw kebenalan.

Mat. 17:2

Pegketà, dalem te pegtengteng dan ki Jesus, netodà se bawa din, aw simenang iyan iling te aldaw. Ontò migkepotì se kedakel te penenaktun din so ontò minanyag.

Mat. 17:4

Minikagi si Pedro diyà ki Jesus, “Pengolo, mèpiya so dini kay. Aw mepakay diyà kamno, meg-inang a den te telo balay dini amon doen ogpaan te teg sebad-sebad kenyo si Moises aw si Elias.”