Mat. 17:2 - Manobo Sarangani

² Pegketà, dalem te pegtengteng dan ki Jesus, netodà se bawa din, aw simenang iyan iling te aldaw. Ontò migkepotì se kedakel te penenaktun din so ontò minanyag.

Mat. 17:2 ပူးပေါင်းရင်းမြစ်များ

Mat. 28:3

Ontò minanyag se bawa din iling te kilem, aw ontò mepotì se penenaktun din.

Luc. 9:29

Dalem te pegtawal-tawal i Jesus, netodà se bawa din, aw ontò migkepotì se kedakel te penenaktun din.

Impekità 10:1

Penga niyan, kinità ko se sebad magsen anghil migpedanà lekat te langit. Nenaol sikandin te labon, aw doen binengonan neketedong kandin. Iling te senang te aldaw se bawa din, aw iling te tollok limegdeg se benis din.

Impekità 20:11

Penga niyan, kinità ko se mepotì onsedanan te peglowan ontò dakel, aw doen nenenoo kidoen. Ontò migpekediyò se tanà aw langit lekat kandin tandà te kelangkaw din, aw eked den dan kitai.

Juan 1:14

Migpekeotaw sikandin iningedanan Kagi te Timanem, aw mig-ogpà sikandin doma kenami. Kinità day se kelangkaw din. Ontò sikandin melangkaw so sikandin se temisa Batà te Amay din. Ontò sikandin egpenabang, aw ontò benal se kagi din.

Mar. 9:3

Ontò migkepotì se kedakel te penenaktun din so ontò minanyag. Eked keinang iling kenyan se penenaktun bugsakan dini te tanà, so ontò mepotì.

Roma 12:2

Ikà niyo egtaking te ketanem te otaw kenà egpenimanem. Meneng pemoyoi niyo te inangen te Timanem kaling se aneng-aneng niyo amon metòlid se eg-inangen niyo. Yan ketegahan niyo aw eden se ibeg te Timanem inangen niyo, so mèpiya iyan, aw kelubahan din, aw wedad kolang niyan.

Juan 17:24

“Amà, se menge otaw insalig no diyà kanak, ibeg ko gayed dan meg-ogpà doma kanak kidoen te langit, amon komità dan te kelangkaw ko imbegay no kanak, so dakel se pedowan no kanak gebii te wedà pa inangi se keneyonan.

Mat. 17:1

Nayan, pegkeokit te enem se aldaw, impetaking i Jesus si Pedro, si Santiago, aw si Juan adi i Santiago, aw timikedeg dan doton te melangkaw bontod te wedad doma dan.

Mat. 17:3

Pegketà, kinità dan heman si Moises aw si Elias migpebelaw-belaway doma ki Jesus.