Mat. 14:3 - Manobo Sarangani

³ Yan se inikagi din, so kedengan impedakep din si Juan, aw impegapos din, aw impekeleboso din. Yan se ininang din diyà ki Juan amon meluba se nayi din si Herodias inagaw din diyà te kedowa din si Felipe.

Mat. 14:3 ပူးပေါင်းရင်းမြစ်များ

Mar. 6:17

Yan se inikagi i Herod, so kedengan impedakep din si Juan, aw impegapos din, aw impekeleboso din. Yan se ininang din ki Juan amon meluba se nayi din si Herodias inagaw din diyà te kedowa din si Felipe.

Mat. 4:12

Nayan, impedakep i Herod si Juan Memonyagay aw impekeleboso din. Pegketaga-taga i Jesus kenyan, minolì sikandin doton te probinsya te Galiliya.

Mar. 6:22

Pegsayaw te laga batà i Herodias, ontò neluba si Herod aw menge otaw timanod. Penga niyan, minikagi si Herod, “Pemoyoi den se ibeg no diyà kanak pengkey eden, so ibegay ko iyan diyà kamno.”

Mar. 6:19

Yan se doun te neopal si Herodias diyà ki Juan, aw ibeg din ipeimatay din si Juan. Meneng wedà pekedeleg,

Mat. 11:2

Nayan, dalem te pegkekeleboso ki Juan Memonyagay, inindanan sikandin tepad te eg-inangen te Misiyas. Pegdineg i Juan kenyan, insogò din se menge tinoledaan din meg-insà ki Jesus,

Luc. 13:1

Na, penga niyan, doen otaw kidoen mig-indan diyà ki Jesus te doen menge sakop te probinsya te Galiliya impeimatay i Pilato dalem pa te pegsonog dan te ayam-ayam imbegay dan diyà te Timanem kidoen te dakel simbahan doton te Jerusalem.

Mat. 14:6

Peg-inang i Herod te pista tepad te aldaw te pegtebaw din, simayaw se laga batà i Herodias amon meluba se menge otaw timanod. Ontò heman neluba si Herod,

Mar. 6:14

Nayan, dimineg se selotan si Herod tepad te ininang i Jesus aw menge tinoledaan din, so ontò nedengeg si Jesus. Doen menge otaw eg-ikagi, “Sikandin besi si Juan Memonyagay neantay den lekat te nematay, aw yan se doun te eg-inangen din se kepelahan metolos.”

Mar. 8:15

Migpunù si Jesus kandan, kagi din, “Peg-ahà kaw amon eked kaw ketini te yist te menge Parisiyo aw si Herod.”

Luc. 3:1

Nayan, pegkenamay, dimateng se ikesempolò teg lima se omay te peglowan i Tiberio kidoen te Roma. Si Poncio Pilato se gobirnador kidoen te Judiya. Limowan si Herod kidoen te Galiliya, aw kedowa din si Felipe se limowan kidoen te Itorya aw Trakoniti. Limowan si Lisanias kidoen te Abilina.

Luc. 8:3

aw si Juana sìyan esawa i Cusa sebad opisyal i Herod, aw si Susana, aw medita heman se doma. Se menge bayi sìyan, yan se migtabang ki Jesus aw menge doma din.

Luc. 13:31

Nayan, doen menge Parisiyo dimoton ki Jesus, aw minikagi dan diyà kandin, “Kesayo ka den lekat dini, so ibeg ekon i Herod imetayan ka.”

Luc. 23:7

Pegketaga-taga din te lekat si Jesus te probinsya nesekopan i Herod, impeibing din doton kandin, so kidoen heman si Herod te Jerusalem te aldaw sìyan.

Luc. 23:11

Gayed nebebayat si Herod aw kedita te sondalo din, aw migpelingo-lingo dan te pegsagman dan kandin iling te pegsagman dan te selotan. Penga niyan, pineseolan i Herod si Jesus te ontò mèpiya saol iling te ekasan te selotan, aw impelikò din doton ki Pilato.

Ininang 4:27

Netoman den iyan, so dini te Jerusalem, migsebad se pedowan i Herod, aw si Poncio Pilato, aw menge bowad-bowad i Israel, aw menge doma otaw kenà Judiyo, amon imetayan dan se insogò no si Jesus, pengkey wedad kandin salà. Sikandin se ininang no Misiyas.

Ininang 12:1

Nayan, dalem niyan, nemilang se selotan si Herod te menge otaw egpemenal.