Mat. 13:8 - Manobo Sarangani

⁸ Meneng doen benì nesabog diyà te melambò tanà. Yan se timilles aw minongo. Doen minongo te ginatos, aw doen minongo te keneman aw ketlowan.”

Mat. 13:8 ပူးပေါင်းရင်းမြစ်များ

Luc. 8:15

Meneng se benì nesabog diyà te melambò tanà, yan se iling te otaw ontò melobos se pedowan dan. Aw domineg dan te kagi te Timanem, ontò dan iyan egtoloen. Egtayod dan te kelimahan lamig doen ontong dan.”

Mat. 13:23

Meneng se benì nesabog diyà te melambò tanà, yan se iling te otaw domineg te kagi te Timanem, aw mekelabet kenyan. Doen ontong din iling te intanem mongo te ginatos, aw keneman aw ketlowan.”

Juan 15:8

Iduyun se Amay ko pineokit te pegpemongo niyo te dakel, aw yan se kitaen te tinoledaan ko sikiyo.

Genesis 26:12

Te omay sìyan, nenanem si Isaac kidoen, aw minongo iyan te ginatos. Dakel se ginani din so mèpiya se imbegay te Timanem diyà kandin.

Filipos 1:11

Ibeg ko, olò metòlid se inangen niyo pineokit te tabang i Jesu Cristo kenyo. Yan ipelangkaw aw iduyun se Timanem.

Roma 7:18

Netegahan ko te wedad palos mèpiya kidoen te tapay pedowan ko, so pengkey meibeg a meg-inang te mèpiya, meneng eked ko iyan keinang.

Mat. 13:7

Doen heman benì nesabog diyà te pinonoan te sagbet doen tigis. Timilles heman se sagbet doen tigis, aw kinelep se menge tobò aw nematay.

Mar. 4:8

Meneng doen benì nesabog diyà te melambò tanà. Yan se timobò aw timilles, aw minongo. Doen minongo te ketlowan, aw doen minongo te keneman aw ginatos.”

Mar. 4:20

Meneng se benì nesabog diyà te melambò tanà, yan se iling te otaw domineg te kagi te Timanem, aw menenalan dan kenyan. Doen ontong dan iling te intanem mongo te ketlowan, aw keneman aw ginatos.”

Luc. 8:8

Meneng doen benì nesabog diyà te melambò tanà. Yan se timilles aw minongo te ginatos.” Penga niyan, minikagi si Jesus te dakel se kagi din, “Keilangan menenalan se kedita niyo doen telinga.”