Mat. 13:6 - Manobo Sarangani

⁶ Meneng pegkelangkaw te aldaw, nelanes aw nematay so wedad nael dalid.

Mat. 13:6 ပူးပေါင်းရင်းမြစ်များ

Mat. 13:21

Meneng aw domateng se kelimahan aw pemilangen sikandin tandà te pegpemenal din te kagi te Timanem, tenanan din se pinemenalan din, so iling sikandin te tinanem wedad nael dalid.

Kolasas 1:23

Meneng keilangan gayed kaw somalig diyà ki Jesu Cristo, aw keilangan lobosen niyo se pegpemenal niyo kandin. Ikà niyo egsoway lekat te kagi te Timanem pinemenalan niyo tepad ki Cristo, so doen den egpelimanan niyo. Yan se Mèpiya Indan intoladà den diyà te menge otaw doton te kebelad te keneyonan, aw yan heman se ipegtoladà ko.

Efeso 3:17

Egpemoyò a diyà te Timanem te gayed meg-ogpà si Cristo diyà te pedowan niyo tandà te pegpemenal niyo kandin. Egpemoyò a heman diyà kandin amon labi pa megkedakel se pedowan niyo diyà te Timanem aw diyà te doma otaw.

Luc. 8:13

Nayan, se benì nesabog diyà te tanà kebeto-betowan, yan se iling te otaw domineg te kagi te Timanem, aw meluba dan, aw tomolò dan kenyan te eked kenamay. Meneng aw meboyo dan, tenanan dan se pinemenalan dan, so iling dan te tinanem wedad nael dalid.

Impekità 7:16

Eked den dan bellosi. Eked den dan heman kelao. Eked den dan ketapì tandà te keinit te aldaw, aw pengkey eden kemoloi te keinit,

Kolasas 2:7

Aw lobosen niyo se pegsalig niyo diyà ki Cristo, iling kaw te kayo medalem se dalid, aw iling kaw te balay ontò dimasel. Aw yan se inangen niyo, ketegahan niyo te benal se intoladà diyà kenyo kedengan, aw gayed kaw megpesiontong diyà te Timanem.

Mat. 13:5

Doen heman benì nesabog diyà te tanà kebeto-betowan, aw wedad nael tanà kidoen. Timobò iyan te wedà kenamay, so kenà medalem se tanà.

Mat. 13:7

Doen heman benì nesabog diyà te pinonoan te sagbet doen tigis. Timilles heman se sagbet doen tigis, aw kinelep se menge tobò aw nematay.

Mar. 4:6

Meneng pegkelangkaw te aldaw, nelanes aw nematay so wedad nael dalid.