Mat. 13:2 - Manobo Sarangani

² Ontò medita se otaw netipon diyà kandin, aw yan se doun te minalin sikandin doton te belangay pinondohan. Nenenoo sikandin, meneng mig-ogpà se kedita te otaw tinoledaan din doton te kilid te lanaw.

Mat. 13:2 ပူးပေါင်းရင်းမြစ်များ

Luc. 5:3

Penga niyan, minalin si Jesus doton te belangay i Simon, aw nemoyò te ipelepaw din iyan kidoen te lanaw medapag te kilid. Penga niyan, nenenoo si Jesus kidoen te belangay aw migtoladà te menge otaw kidoen te tanà.

Mar. 4:1

Nayan, doen aldaw migtoladà si Jesus doton te kilid te lanaw. Ontò medita se otaw netipon diyà kandin, aw yan se doun te minalin sikandin doton te belangay pinondohan medapag te kilid te lanaw. Nenenoo sikandin kidoen, meneng mig-ogpà se kedita te otaw tinoledaan din doton te kilid te lanaw kidoen te tanà.

Mat. 15:30

Ontò medita se otaw dimoton kandin, aw inibing dan heman se menge doma otaw doen medita kemolò te mesakit. Doen menge kapig, aw nepantig, aw bota, aw omo, aw medita heman se doma otaw doen mesakit. Insawol dan doton dapag i Jesus, aw pinegolian din dan.

Mat. 4:25

Ontò medita se otaw timaking ki Jesus. Tikedo dan te probinsya te Galiliya, aw lekat te Dikapolis, aw Jerusalem, aw probinsya te Judiya, aw lekat dipag te wayeg te Jordan.

Genesis 49:10

Si Juda se mengawid te bangkà te selotan, so gayed lomowan se menge bowad-bowad din lamig domateng se ontò selotan, sìyan toloen te kedita te otaw.