Mat. 11:8 - Manobo Sarangani

⁸ Wedà kaw heman doton amon tomengteng te otaw nenaol te ontò meelagà, so se menge otaw egpenaol te ontò meelagà, yan se eg-ogpà doton te balay te selotan.

Mat. 11:8 ပူးပေါင်းရင်းမြစ်များ

Mat. 3:4

Nayan, egpenaol si Juan te saol inabel lekat te bolbol te ayam-ayam kamilo aw egpengelen te kindal te ayam-ayam. Egpengànen din se menge dolon aw teneb eg-ebaten din doton te kebenesan.

Impekità 11:3

Isogò ko doton se dowa otaw menaol te tila sako, so yan se pengilala te keilangan megselsel se menge otaw toledaan dan. Meg-indan dan te kebenalan, aw megkeliwat dan te kagi ko taman te sebad melalan dowa gatos keneman se aldaw.”

2 Korinto 11:27

Seini heman se menge neokitan ko. Ontò a migkelomay tandà te terbaho ko. Melikit a kenà egpeketedogi te delem. Egbellosen a, egkelao a, aw melikit kenà botong se kànen ko aw penenaktun. Neketayod a te wedad heman eg-ogpaan ko.

1 Korinto 4:11

Lamig seini, egbellosen kay, aw egkelao kay, aw wedad nael penenaktun day, aw pineeleg kay, aw lomelegeb kay so wedad balay day.

Mat. 11:7

Pegkesayo te otaw insogò i Juan, minikagi si Jesus tepad ki Juan diyà te otaw netipon, kagi din, “Pegdoton niyo te kebigtilan, kenà tigbaw egkedogen te kelamag se pinengemahà niyo.

Mat. 11:9

Meneng seini indà se tod niyo. Dimoton kaw te kebigtilan amon kitaen niyo se telekeliwat te kagi te Timanem. Pengkey melangkaw se kedita te telekeliwat te kagi te Timanem, meneng labi pa melangkaw si Juan.

Luc. 7:25

Wedà kaw heman doton amon tomengteng te otaw nenaol te ontò meelagà, so se menge otaw egpenaol te mèpiya aw egpengabat te pengkey eden se ibeg dan, yan se eg-ogpà doton te balay te selotan.