Mat. 11:7 - Manobo Sarangani

⁷ Pegkesayo te otaw insogò i Juan, minikagi si Jesus tepad ki Juan diyà te otaw netipon, kagi din, “Pegdoton niyo te kebigtilan, kenà tigbaw egkedogen te kelamag se pinengemahà niyo.

Mat. 11:7 ပူးပေါင်းရင်းမြစ်များ

Santiago 1:6

Aw memoyò se otaw diyà te Timanem, keilangan memenal te tebangan sikandin te Timanem. Keilangan eked sikandin pegdowa-dowa, so se otaw egdowa-dowa, yan se iling te balud egtaking te kelamag pengkey kenan kedog.

Juan 5:35

Si Juan Memonyagay, iling sikandin te solò ontò meanyag, aw neluba kaw tandà te intoladà din kenyo te wedà kenamay.

Efeso 4:14

Aw metoman iyan, eked kidon pekeonawa te mengisù. Eked kidon pekeonawa te dagsà eg-ibingen te balud aw gayed ipegpalid te kelamag, so eked kidon pemenal te pengkey eden se itoladà te menge otaw biyasa eg-akal pineokit te kebolalaw dan.

Genesis 49:4

Meneng iling ka te wayeg eglaneg, so kenà ka egpeketameng te ibeg te pedowan nikaw. Yan meabat se kelangkaw nikaw, so limayok ka te doma esawa ko, aw yan migyàyà ka kanak.

Luc. 8:18

“Nayan, keilangan toloen niyo se dinineg niyo. Se otaw kominawà te kebenalan, yan se dogangan te kebenalan. Meneng se otaw eked kinawà te kebenalan, yan se pegwedadan te kebenalan.”

Mat. 21:25

Sinu lay se simogò ki Juan amon memonyag? Timanem, aw otaw se simogò kandin?” Penga niyan, migpebelaw-belaway dan aw eden se itaba dan kandin. Minikagi dan, “Simpana tomaba kidon te Timanem se simogò ki Juan, silahen kidon din, so wedà kidon pemenal ki Juan.

Mat. 3:5

Medita se otaw lekat te Jerusalem aw menge doma lonsod sakop te probinsya te Judiya aw medapag te wayeg te Jordan dimoton amon menenalan kandin.

Juan 1:38

Pegbiling i Jesus, kinità din te timaking dan kandin, aw mig-insà, “Eden lay se pinengemahà niyo?” Timaba dan, “Rabi.” (Se kelebadan niyan, “Menenoladà.”) “Kenan ka lay peg-ogpà?”

Mat. 11:8

Wedà kaw heman doton amon tomengteng te otaw nenaol te ontò meelagà, so se menge otaw egpenaol te ontò meelagà, yan se eg-ogpà doton te balay te selotan.

Mat. 12:20

Inangen din magsen se melomì tigbaw, aw ontò din ipelegdeg se solò kenà melowa lamig domateng se aldaw dàgen din se kedita te kededàtan.