Mat. 11:5 - Manobo Sarangani

⁵ Doen menge bota kimità den. Doen heman kapig minipanaw den. Doen tompigun negolian den. Doen bingelen dimineg den. Doen heman nematay neantay den. Doen menge otaw sagkep tinoledaan te Mèpiya Indan.

Mat. 11:5 ပူးပေါင်းရင်းမြစ်များ

Luc. 4:18

“Dini kanak se Espiritu Santo, so pinemallì a din amon megtoladà a te Mèpiya Indan diyà te menge otaw sagkep. Insogò a din amon mikagi a diyà te menge otaw kineleboso te ipelowà den dan te Timanem. Insogò a heman amon mikagi a diyà te menge otaw bota te komità den dan. Insogò a din amon megpelowà a te kedita te otaw nelimahan,

Santiago 2:5

Menge kedowa egkedekelan ko te pedowan, penenalan kaw te kagi ko seini. Pengkey deitek se kedònan te otaw sagkep dini te keneyonan, yan se otaw pinemallì te Timanem amon dakel se pegsalig dan kandin, aw mekeakop dan heman diyà te peglowan din, so yan se impakang din diyà te kedita te otaw doen dakel pedowan kandin.

Mat. 21:14

Dimoton se menge otaw bota aw kapig te dakel simbahan, aw pinegolian dan i Jesus.

Juan 10:38

Meneng aw yan se eg-inangen ko, pengkey eked kaw pemenal kanak, pemenal kaw te Timanem se eglekatan te kepelahan eg-inangen ko, amon ketegahan niyo pa te diyà kanak se Amay ko, aw diyà a te Amay ko.”

Juan 10:25

Timaba si Jesus, “Pengkey tapay ko iyan in-indan kenyo, meneng wedà a niyo pemenali. Eg-inangen ko se menge kepelahan so insogò a te Amay ko, aw yan se pengilala ipekità ko kenyo amon ketegahan niyo aw sinu a.

Juan 5:36

Meneng doen pa meg-indan te benal labi pa keseligan diyà ki Juan, so lekat te Amay ko se kedita te kepelahan eg-inangen ko, aw yan se egpetaga-taga te ontò a insogò te Amay ko.

Juan 3:2

Dimoton sikandin ki Jesus te delem, aw minikagi, “Sir, netegahan day den te insogò ka te Timanem amon megtoladà kenami, so wedad otaw mekebatog meg-inang te kepelahan iling te ininang no den singed aw doen tolos ibegay te Timanem kandin.”

Juan 2:23

Peg-ogpà i Jesus doton te Jerusalem dalem te Pista te Pegpelowà, medita se otaw nemenal kandin, so kinità dan se menge kepelahan ininang din.

Mar. 9:25

Pegkità i Jesus te labi pa medita se otaw netipon, sinagda din se bosaw, kagi din, “Sikona bosaw migpeomo aw migpebingel kandin, lowà ka den lekat kandin, aw ikà palos eglikò diyà kandin.”

Mar. 7:37

Ontò dan nepela, aw minikagi dan, “Ontò mèpiya se kedita te ininang din, so pengkey bingelen impedineg din, aw omo impeikagi din.”

Mat. 10:8

Pegolii niyo se otaw doen mesakit. Entayi niyo se otaw nematay. Pegolii niyo se otaw pigtompig. Pelowai niyo se bosaw lekat te otaw. Ikà niyo egpebayad te otaw tebangan niyo, so wedad imbayad niyo te tolos insalig ko diyà kenyo.

Mat. 9:30

Pegketà, kimità dan. Penga niyan, ontò migpunù si Jesus, “Keilangan wedad palos otaw indanan niyo.”

Mat. 5:3

“Doen keluba te kedita te otaw netaga-taga te eked dan pekeinang te mèpiya singed aw tebangan dan te Timanem, so sekopen din dan diyà te peglowan din.

Ininang 2:22

“Na, menge kedomaan ko Judiyo, penenalan kaw te ikegiyen ko. Si Jesus tege Nasarit, yan se impetaga-taga te Timanem te sikandin se insogò din. Impetaga-taga din iyan pineokit te peg-inang din te inang metolos, aw kepelahan, aw ledyawan. Ontò niyo netegahan iyan so neinang iyan dini kenyo.

Mat. 11:4

Timaba si Jesus, “Likò kaw den doton ki Juan, aw indani niyo sikandin te kedita te dinineg niyo aw kinità niyo dini.

Mat. 12:13

Penga niyan, minikagi si Jesus diyà te otaw nekepis se belad, “Oladi se belad nikaw.” Peg-olad din te belad din, migkèpiya iyan, so nekeonawa den te dibaloy.

Juan 9:7

Minikagi sikandin, “Doton ka te lanaw iningedanan Siloam, aw onawi se bawa no kidoen.” (Se kelebadan te Siloam, yan se kagi “impeibing.”) Penga niyan, dimoton se otaw bota aw migdàpog. Peg-olì din, kimità den.