Mat. 11:3 - Manobo Sarangani

³ kagi dan, “Sikona lay se ontò insogò te Timanem pinelimanan day, aw doen pa doma domateng?”

Mat. 11:3 ပူးပေါင်းရင်းမြစ်များ

Juan 11:27

Timaba si Marta, “Ee, Pengolo. Nemenal a te sikona se Batà te Timanem. Sikona se Misiyas insogò din dini te keneyonan.”

Menge Hebreo 10:37

Doen kagi te Timanem insolat, “Domateng se Pengolo egpelimanan niyo te eked kenamay. Eked sikandin peg-alà-alà.

Juan 7:31

Meneng medita se doma otaw nemenal te sikandin se insogò te Timanem. Minikagi dan, “Aw domateng se Misiyas megpelowà kenitadon, wedad kepelahan inangen din labi pa mèpiya diyà te eg-inangen te otaw seini.”

Juan 6:14

Pegkità te menge otaw te kepelahan ininang i Jesus, minikagi dan, “Sikandin se ontò benal telekeliwat te kagi te Timanem insogò din dini te keneyonan.”

Genesis 3:15

Inangen ko sikiyo megpepoonay, sikona aw bayi, kamno sakop aw kandin bowad-bowad. Bonalan te bowad-bowad din se olo nikaw, aw bengaen no se palo din.”

Juan 16:14

Iduyun a din, so lekat kanak se kagi itoladà din kenyo.

Juan 12:13

Simongon dan kandin, aw inibing dan se menge pelapà te palmera sinagpì dan, so yan se ketanem dan te pegsongon dan te selotan. Migpegais dan, “Iduyun se Timanem. Iduyun heman se insogò din dimateng den. Iduyun sikandin Selotan te kedita tadon bowad-bowad i Israel.”

Juan 4:21

Minikagi si Jesus, “Penenalan ka kanak. Doen aldaw domateng aw kenà olò dini te bontod seini se simbahan te otaw, aw kenà olò heman doton te Jerusalem, meneng mepakay aw simbahen se Timanem Amay pengkey kenan.

Luc. 19:38

Migpegais dan, “Iduyun se Selotan seini insogò te Pengolo tadon Timanem. Begayan kidon din te kelinaw te pedowan lekat te langit. Iduyun den se Timanem.”

Mar. 11:9

Migpegais se kedita te otaw timaking ki Jesus, pengkey nekeonà aw timetondog. Migpegais dan, “Iduyun se Timanem. Iduyun se Pengolo tadon insogò din.

Mat. 21:9

Migpegais se kedita te otaw timaking ki Jesus, pengkey nekeonà aw timetondog. Migpegais dan, “Iduyun se bowad-bowad i David. Iduyun se insogò te Pengolo tadon Timanem. Iduyun se Timanem.”

Mat. 21:5

“Seini se iindan no diyà te kedita te tege Sion. Na, domateng se selotan niyo, aw medanà se pegkeotawun din, so somakay te nati te asno.”

Genesis 49:10

Si Juda se mengawid te bangkà te selotan, so gayed lomowan se menge bowad-bowad din lamig domateng se ontò selotan, sìyan toloen te kedita te otaw.

Genesis 12:3

Mèpiya se ibegay ko diyà te kedita te otaw memegay kamno te mèpiya. Meneng ipelumun ko se kedita te otaw megtompuyus kamno. Pineokit kamno, mèpiya se ibegay ko diyà te kedita te otaw dini te keneyonan.”

Mat. 11:4

Timaba si Jesus, “Likò kaw den doton ki Juan, aw indani niyo sikandin te kedita te dinineg niyo aw kinità niyo dini.

Mat. 11:10

Sikandin se migtoladà tepad kanak, aw tinoman din se pakang seini tapay insolat kidoen te kagi te Timanem, ‘Na, doen otaw isogò ko megpetaga-taga te agpet ka den domateng, amon megpeketagad se kedita te otaw te pegdateng nikaw.’”